Sveitarstjórnarmál - 01.08.1975, Blaðsíða 15
eru tónlistarskólarnir umfangsmestir og lýðskól-
inn í Skálholti eitt nýjasta dæmið.
Þess ber að geta, að frumvarp til laga um
skipulegan stuðning við tónlistarfræðsluna verð-
ur lagt fyrir Alþingi eftir helgina og að nú er í at-
hugun að setja sérstaka löggjöf um Skálholtsskól-
ann.
Rétt meginstefna
Ég tel, að hér sé í öllum meginatriðum rétt
stefnt. Ríkisvaldinu beri að kosta og hafa for-
ystu um hina almennu fræðslu í landinu og það
liljóti að vera meginstefnan, en jafnframt beri að
gefa gætur að starfi áhugaliðs ýmiss konar og
nýta og styðja það, eftir því sem efni standa til
og fært þykir.
Hér er rétt að nefna umfangsmikla starfsemi
lánasjóðs námsmanna. Lög um þá starfsemi hafa
verið og eru í endurskoðun, nú í nánu samráði
við fulltrúa námsmanna, sem sýna fullan skilning
á nauðsyn breytinga á reglum um útlán og end-
urgreiðslur.
í annan stað er svo varið verulegum fjármun-
um til jöfnunar námskostnaðar.
Stundum er því haldið fram, að einungis beri
að styrkja nám í þeim greinum, sem þjóðfélagið
þarfnast, eins og það er gjarnan orðað.
Þetta minnir á þá í Kanselíinu, sem ekki
vildu láta fslendinga draga endalausan fisk á
endalaust snæri, heldur aðeins þann fisk, sem
kompaníið þarfnaðist þá og þá. Þeirri hugsun
ber að hafna, en styðja eftir föngum námskynn-
ingu og starfsfræðslu, sem hjálpar ungu fólki til
að finna viðfangsefni við liæfi hvers og eins og
greiðir því leið til þeirra starfa, „sem þjóðfélag-
ið þarfnast."
Samtök námsmanna og einstakir námsmenn
hafa sýnt þessum málum lofsverðan skilning, sem
vert er að þakka.
Það er oft talað um kröfur námsmanna, enda
er kjarabarátta sjaldnast háð í hálfum hljóðum
til lengdar. Hitt liggur meira í láginni, að ýmis
félagssamtök námsfólks vinna þýðingarmikið
uppbyggingarstarf, sem kemur til góða fyrir
námsfólk komandi tíma ellegar styður við bakið
á viðkomandi skólastofnun. Nefni ég sem dæmi
Félagsstofnun stúdenta, en hér er af fleiru að
taka.
Það er viðtekin meginregla í skólamálum ís-
Jendinga, og vafalaust flestra annarra þjóða
einnig, að gert er ráð fyrir, að menn nemi sinn
skólalærdóm á ungum aldri. Síðan taki við hin
ýmsu störf í þjóðfélaginu. Menn hafa þó fyrir
löngu gert sér ljóst, að þetta er ekki einhlítt. Svo
lengi lærir sem lifir, segir gamalt íslenzkt mál-
tæki. Nú liggur fyrir Alþingi frumvarp til laga
um fræðslu fullorðinna. En t.d. í Noregi hefir
löggjöf um þetta efni verið í gildi nokkurt árabil.
Samnýting skólahúsnæðis
Þegar hér er komið sögu í mínu spjalli, nálg-
umst við mörkin á milli hins reglulega skólakerfis
Vilhjálmur Hjálmarsson,
menntamálaráðherra,
flytur ræðu sína.
SVEITARSTJÓRNARMÁL