Sveitarstjórnarmál - 01.08.1975, Blaðsíða 36

YFIR KAFFIBOLLA
Á KJARVALSSTÖÐUM
Stökur eftir Guðmund Inga Kristjánsson,
oddvita Mosvallahrepps
Yfir kaffibolla á Kjarvalsstöðum kvaddi sér
hljóðs Guðmundur Ingi Kristjánsson, oddviti
Mosvallahrepps og fór með nokkrar stökur, sem
höfðu orðið til á ráðstefnunni.
Fyrsta stakan á sér þá skýringu, að málsverður
í Þjóðleikhúsinu að kvökli sunnudags, að lokinni
setningarathöfn, halði verið kynntur á þrennan
mismunandi liátt í þeim gögnum, sem bori/.t
liöfðu um ráðstefnuna.
í leikhúsi fyrir konu og karl
kaldur matur var settur,
óformleg máltíð eða snarl
eða kvöldverður léttur.
Páll Líndal segir, að menning sé ekki nefnd
í íslenzkri bók fyrr en í mannkynssöguágripi
Páls Melsteðs árið 1878.
Páll er fær í flestum greinum,
flytur hann þá kenningu:
Fyrir hundrað árum einum
enginn nefndi menningu.
Samt var einhver andans þráður,
er í fornri sögu gekk.
Hvað hét menning okkar áður
en hún þetta heiti fékk?
Prestur á ráðstefnunni hlustaði vandlega eftir
því, hversu lengi yrði rætt um menningu án þess
að kirkju og kristindóms væri getið. En það
194 gerðist í framsöguræðu Sigurðar Blöndals:
Um menningu ræddi margur sveinn
margorður, snjall og glaður.
En kirkjunnar þátt mundi aðeins einn
utanþjóðkirkjumaður.
Einn af arkitektum ráðstefnunnar talaði um
hina hátimbruðu menningu Vesturlanda komna
frá Grikkjum.
Menningin, sem gaf oss Guð,
gjarna vil ’ég að standi,
þótt hún væri aldrei hátimbruð
hér á þessu landi.
Listamenn greindi á um það, hvort rigning
hefði verið á útfarardegi Mozarts. Konni þeir að
þessu ágreiningsefni aftur og aftur.
Spurning þung á þessum degi
þolir enga töf:
Rigndi mikið eða eigi
ofan í Mozarts gröf?
I orðastað jjeirra, sem missa af veitingum,
vegna þess að þeir geta ekki komið inn fyrir dyr
á Kjarvalsstöðum, eins og málin standa nú:
Komið get ég eins og er
ekki í lnis á Kjarvalsstöðum,
þótt aðrir þeir, sem eru hér,
eti þar með huga glöðum.
G. I. K.
SVEITARSTJÓRNARMÁL