Sveitarstjórnarmál - 01.06.1997, Síða 59

RÁÐSTE FNUR
Taldi hann þá reglu sem notuð væri við úthlutun tekju-
jöfnunarframlaga mjög ósanngjarna fyrir sveitarfélög
með færri en 300 íbúa. Þessir hreppar væru með mjög
lágar skatttekjur á íbúa, og þar af leiddi að jöfnunartala
þeirra væri um 20 þús. króna lægri en sveitarfélaga með
fleiri en 300 íbúa. „Þar sem þess er almennt krafist að
þjónusta sveitarfélaga við þegna sína sé sem jöfnust og
víða hefur verið stofnað til samstarfsverkefna um t.d.
sorphirðu, öldrunarþjónustu, rekstur grunnskóla og tón-
listarskóla og kostnaði oftast skipt miðað við ibúatölu þá
torveldar þessi tekjumunur oft á tíðum eðlilegt samstarf.
Haft ætlunin með þessari reglu verið að neyða hreppa til
sameiningar hefði verið heiðarlegra að tilkynna mönn-
um það formlega. Það hefur aldrei þótt skemmtileg að-
ferð að svelta menn til hlýðni," sagði Oddur.
Ýmsir urðu til að tjá sig um ádrepu Eiríks og athuga-
semdir Odds. Fulltrúar höfuðborgarsvæðisins, s.s. Sig-
rún Magnúsdóttir borgarfulltrúi og Sigrún Gísladóttir,
bæjarfulltrúi úr Garðabæ, höfðu á takteinum háar tölur
um fjárvöntun til skólamála vegna fjölgunar barna og
einsetningar skóla og Kristján Guðmundsson, bæjarfull-
trúi í Kópavogi, kvaðst líka þekkja til fjárvöntunar sveit-
arfélaga vegna enn annarra óleystra verkefna á meintu
„alsælusvæði Eiríks, höfuðborgarsvæðinu".
Undir umræðunni um jöfnunarsjóðinn kom þessi frá
Kristjáni Magnússyni á Vopnafirði:
Lítið í þjónustuframlög fer.
Nú fjármagnið vantar. Dæmin sanna.
Því jöfnunarsjóðurinn bagga ber
af brölti og vanskilum kvennamanna.
Ekki er óliklegt að búast megi við framhaldsumræðu
um þetta efni á næstu fjármálaráðstefnu sem haldin
verður á Hótel Sögu í Reykjavík 20. og 21. nóvember.
LAUNAMÁL
Skammtímasamningur við kennarafélögin
Samhliða yfirtöku sveitarfélaganna á öllum rekstri
grunnskólans af ríkinu hinn 1. ágúst 1996 yfirtóku sveit-
arfélögin kjarasamning ríkisins við kennarafélögin sem
gilti til síðustu áramóta.
Þegar í nóvember 1996 hófust samningaviðræður
milli Launanefndar sveitarfélaganna og kennarafélag-
anna og leiddu þær til þess að hinn 20. mars sl. var und-
irritaður fyrsti kjarasamningur milli aðila. Samningur
þessi er aðeins skammtímasamningur sem gildir til 31.
júlí í ár. Samkvæmt honum eru samningsaðilar sammála
um að kanna hvort og þá hvemig möguleikar séu á að
endurskipuleggja vinnutíma kennara og er samningurinn
gerður í því augnamiði að skapa möguleika á að vinna
að þeim breytingum án þvingandi tímapressu.
Til þess að undirbúa hugsanlega endurskilgreiningu á
vinnutíma kennara fóru fulltrúar kennarafélaganna og
Launanefndar sveitarfélaga saman í ferð til Noregs,
Danmerkur og Svíþjóðar í lok janúarmánaðar sl. til þess
að kynna sér fyrirkomulag kennarastarfa þar. I hverju
landi hélt hópurinn tvo fundi, annan með fulltrúum
kennarasamtaka og hinn með fulltrúum sveitarfélaga.
Öllum aðilum hafði áður verið sendur mjög ítarlegur
spurningalisti, sem farið var yfir á fundunum. Mjög
glöggt yfirlit fékkst á þessum fundum um fyrirkomulag
grunnskólahalds í hverju landi um sig en vinnutími og
vinnuskylda kennara er að mörgu leyti breytileg milli
landanna. Að sögn Sigurjóns Péturssonar, deildarstjóra
Frá undirritun fyrsta kjarasamnings milli kennarafélaganna og
Launanefndar sveitarfélaganna 20. mars sl. i Ráöhúsi Reykja-
víkur. Á myndinni eru, taliö frá vinstri, Sigurjón Pétursson,
deildarstjóri grunnskóladeildar sambandsins, Jón G. Kristjáns-
son, formaður samninganefndar sveitarfélaganna, Eiríkur Jóns-
son, formaöur Kennarafélags íslands (Klj, Elna Katrín Jónsdótt-
ir, formaöur Hins íslenska kennarafélags (HÍK), og Guörún Ebba
Ólafsdóttir, varaformaöur Kennarafélags íslands. Myndina tók
Gunnar G. Vigfússon fyrir Sveitarstjórnarmál.
grunnskóladeildar sambandsins, er líklegt að vinnutíma-
fyrirkomulag kennara í Danmörku verði haft að leiðar-
ljósi í viðræðum um breyttan vinnutíma hér á landi.
1 2 1