Morgunblaðið - 10.11.2011, Side 18

18 FRÉTTIRErlent
MORGUNBLAÐIÐ FIMMTUDAGUR 10. NÓVEMBER 2011
BAKSVIÐ
Bogi Þór Arason
bogi@mbl.is
Mikil pólitísk óvissa er á Ítalíu eftir að
Silvio Berlusconi forsætisráðherra
játaði sig sigraðan í fyrrakvöld og
kvaðst ætla að segja af sér eftir að
þing landsins hefur afgreitt tillögur
stjórnar hans um efnahagslegar um-
bætur. Stefnt er að því að þingið sam-
þykki tillögurnar ekki síðar en á laug-
ardaginn kemur.
Berlusconi sagði í viðtali við ítalska
dagblaðið La Stampa að hann hygðist
ekki gefa kost á sér aftur í embætti
forsætisráðherra. Giorgio Napolit-
ano, forseti Ítalíu, hyggst ræða við
leiðtoga stjórnmálaflokkanna áður en
hann tekur ákvörðun um hvernig
bregðast eigi við stjórnarkreppunni.
Forsetinn getur rofið þing og boðað
til kosninga innan 70 daga eða reynt
að mynda nýja ríkisstjórn. Hugsan-
legt er að hann beiti sér fyrir myndun
þjóðstjórnar, undir forystu óflokks-
bundins sérfræðings, sem yrði við
völd til bráðabirgða, eða þar til nauð-
synlegar efnahagsaðgerðir hafa verið
samþykktar. Napolitano getur einnig
beitt sér fyrir því að núverandi ríkis-
stjórn hægri- og miðjumanna verði
efld undir forystu nýs forsætisráð-
herra.
Skoðanakannanir benda til þess að
fylgi Berlusconis hafi snarminnkað að
undanförnu vegna skuldavanda
landsins og hann njóti nú aðeins
stuðnings 22% Ítala. Margir Ítalir
fögnuðu því afsögn hans en gerðu sér
grein fyrir því að hún leysir ekki efna-
hagsvandann.
„Ég er ánægð vegna þess að hann
hefði átt að víkja þegar hneykslismál
hans komust í hámæli og halla fór
undan fæti fyrir honum,“ hefur The
Guardian eftir ítalska fjölmiðlaráð-
gjafanum Luisu Amato. „Þetta leysir
ef til vill trúverðugleikavanda okkar á
alþjóðlegum vettvangi en afsögnin
verður ekki til þess að efnahagsvandi
Ítalíu gufi upp.“
„Silvio Berlusconi er ekki vanda-
málið,“ hefur blaðið eftir Michele Fid-
ati, sem rekur veitingahús í miðborg
Rómar. „Vandamálið er Evrópu-
sambandið og markaðirnir – við vit-
um ekki lengur hver stjórnar Ítalíu.“
Tryggði stöðugleika
Berlusconi haslaði sér völl í stjórn-
málunum árið 1993 þegar hann stofn-
aði flokk sinn „Forza Italia“, eða
Áfram Ítalía. Árið eftir var Kristilegi
demókrataflokkurinn leystur upp
vegna hneykslismála, eftir að hafa
verið öflugasti flokkur landsins í hálfa
öld.
Berlusconi varð fyrst forsætisráð-
herra árið 1994 þegar hann myndaði
stjórn með Þjóðarbandalaginu og
Norðursambandinu, en hún féll að-
eins sjö mánuðum síðar. Hann komst
aftur til valda árið 2001 eftir mikla
kosningaherferð í fjölmiðlaveldi sínu
og myndaði stjórn sem var við völd til
ársins 2006. Berlusconi varð þá fyrsti
ítalski forsætisráðherrann eftir síðari
heimsstyrjöldina til að gegna emb-
ættinu heilt kjörtímabil.
Berlusconi myndaði þriðju ríkis-
stjórn sína árið 2008
eftir stórsigur hægri-
og miðflokkanna í
þingkosningum.
Þótt hann hafi ver-
ið mjög umdeildur
leiðtogi verður það
ekki af honum tekið að
hann hefur verið lengur
við völd en nokkur annar
forsætisráðherra á Ítalíu
eftir síðari heims-
styrjöldina og
tryggt pólitískan
stöðugleika, þar til
nú. Andstæðingar hans gagnrýna
hann hins vegar fyrir að hafa aukið
skuldir ríkisins með því að lækka
skatta í þeim tilgangi einum að
tryggja sér atkvæði kjósenda.
Bendlaður við mafíuna
Berlusconi fæddist 29. september
1936 og er kominn af millistéttarfólki.
Hann byrjaði á að selja ryksugur en
gerðist síðan söngvari á næturklúbb-
um og í skemmtiferðaskipum. Hann
lauk háskólanámi í viðskiptalögfræði
1961 og stofnaði síðar verktökufyrir-
tæki í Mílanó. Andstæðingar hans
hafa sakað Berlusconi um að hafa
komið undir sig fótunum með hjálp
mafíunnar og nokkrir fyrirverandi
mafíósar hafa sakað hann um að vera
viðriðinn hana. Berlusconi hefur alltaf
neitað þeim ásökunum og sagt þær lið
í samsæri vinstrisinnaðra saksóknara
og stjórnmálamanna til að koma hon-
um frá völdum.
Vandi Ítalíu hverfur ekki með
afsögn Silvios Berlusconis
Reuters
Bossi og Berlusconi Silvio Berlusconi, fráfarandi forsætisráðherra Ítalíu, heldur í hönd Umbertos Bossis, leiðtoga
Norðursambandsins, á þinginu í fyrradag þegar atkvæði voru greidd um stjórnarfrumvarp um opinber útgjöld.
 Mikil pólitísk óvissa ríkir í landinu eftir að forsætisráðherrann féllst loks á að láta af embætti
Veronica Lario-
Berlusconi
Noemi
Letizia
Karima
El Mahroug
Silvio
Berlusconi, 75 ára
Patrizia D’
Addario
‘08
‘09
‘10
‘11
Ljósmynd: Reuters/Dario Pignatelli
2010, jan. Þingið setur lög sem
veittu Berlusconi friðhelgi í 18
mánuði
Apríl Gamall bandamaður
forsætisráðherrans, Gianfranco
Fini, sakar Berlusconi um að
stjórna flokki þeirra eins og
einráður konungur
Nóv. Sakaður um að hafa greitt
17 ára stúlku, Karima El Mahroug,
fyrir kynmök
2011, 15. febr. Dómari skipar
Berlusconi að koma fyrir rétt 6.
apríl vegna ásakana um samræði
við ólögráða stúlku og
misbeitingu valds síns
28. mars Kemur fyrir rétt í fyrsta
skipti í átta ár, vegna ásakana um
fjársvik í tengslum við
fjölmiðlaveldi hans
31. maí Lögmenn Berlusconis
krefjast þess að sérstakur
ráðherradómstóll fjalli ummeint
kynferðisbrot hans
14. sept. Þingið samþykkir
sparnaðaraðgerðir
8. nóv. Berlusconi tilkynnir að
hann hyggist segja af sér
2008, apríl Verður
forsætisráðherra í þriðja skipti
eftir stórsigur í kosningum
Maí Stjórnin samþykkir
umdeildar aðgerðir gegn
ólöglegum innflytjendum og
glæpum
Júlí Þingið setur lög sem veita
forsætisráðherranum friðhelgi
frá saksókn
2009, maí Eiginkona
Berlusconis, Veronica, óskar eftir
skilnaði eftir að hann mætti í 18
ára afmæli fyrirsætunnar Noemi
Letizia
Júlí Sakaður um kynferðislegt
samneyti við vændiskonur, m.a.
Patriziu D’Addario, og ólögráða
stúlkur. Kveðst ekki vera
„dýrlingur “ en ætla að gegna
embættinu út kjörtímabilið
Okt. Stjórnlagadómstóll Ítalíu
kemst að þeirri niðurstöðu að
lögin um friðhelgi Berlusconis
samræmist ekki stjórnarskránni
og hann er saksóttur að nýju
Des. Fluttur á sjúkrahús með
brotið nef og brotnar tennur
eftir að maður með geðræn
vandamál réðst á hann á
stjórnmálafundi
STORMASAMT KJÖRTÍMABIL
’
Ég er án nokkurs vafa sá maður
sem hefur sætt mestu ofsóknum í
allri sögu heimsins og mannkynssög-
unni.
Þetta sagði Silvio Berlusconi í október
2009 þegar stjórnlagadómstóll Ítalíu ógilti
lög sem veittu honum friðhelgi frá saksókn.
’
Ég er Jesús Kristur ítalskra stjórn-
mála. Ég er þolinmótt fórnarlamb,
ég umber alla, fórna sjálfum mér fyrir
alla.
Berlusconi lét þessi orð falla í ræðu sem
hann flutti í kvöldverðarboði með stuðn-
ingsmönnum sínum í febrúar 2006.
’
Vinstrimenn eru algjörlega smekk-
lausir, meira að segja þegar konur
eru annars vegar.
Þetta var svar Berlusconis í apríl 2008 þeg-
ar ítalskir vinstrimenn andmæltu ummæl-
um hans um að hægrisinnaðar stjórn-
málakonur væru upp til hópa fegurri en
þær sem eru til vinstri.
’
Það er ógerningur að eyða þeirri
hættu. Við myndum þurfa jafn-
marga hermenn og fallegar konur. Það
er borin von þar sem ítalskar konur eru
svo fallegar.
Þannig svaraði Berlusconi blaðakonu sem
spurði hvort hann teldi að nauðganir
myndu heyra sögunni til á Ítalíu vegna
þeirrar ákvörðunar hans árið 2009 að
fjölga hermönnum sem eiga að gæta ör-
yggis borgaranna.
’
Þegar þær voru spurðar hvort þær
vildu sænga með mér sögðu 30%
kvennanna „já“, en hinar konurnar svör-
uðu: „Ha, aftur?“
Berlusconi átti það til að gera grín að kven-
semi sinni og meintri kvenhylli til að reyna
að hrista af sér ásakanir um að hann hefði
haft samræði við ólögráða stúlkur og
vændiskonur.
’
Það er betra að vera gefinn fyrir fal-
legar stúlkur en að vera hommi.
Þessi ummæli Berlusconis vöktu hörð við-
brögð meðal samkynhneigðra
á Ítalíu fyrir ári.
’
[Obama] er ungur, myndarlegur og
sólbrúnn.
„Hvernig í ósköpunum er hægt að taka
slíku hrósi illa?“ spurði Berlusconi gátt-
aður þegar ítalskir fjölmiðar hneyksluðust
á þessari lýsingu hans á Barack Obama í
nóvember 2008 þegar hann var kjörinn
forseti Bandaríkjanna.
’
Ég þurfti að beita öllum glaumgosa-
brellunum mínum.
Berlusconi móðgaði Finna þegar hann lýsti
„daðri“ sínu við Törju Halonen, forseta
Finnlands, til að tryggja stuðning finnskra
stjórnvalda við það að höfuðstöðvar mat-
vælaöryggisstofnunar Evrópu yrðu á Ítalíu.
Hann kvaðst jafnvel hafa þurft að „þola
finnskan mat“.
’
Vesturlönd halda enn áfram að
sigra þjóðir, jafnvel þótt það þýði
átök við annan menningarheim, íslam,
sem er rígfastur þar sem hann var fyrir
1.400 árum.
Berlusconi sagði að þessi orð hefðu verið
slitin úr samhengi þegar hann sætti harðri
gagnrýni víða um heim fyrir ræðu sem
hann flutti eftir hryðjuverkin í Bandaríkj-
unum 11. september 2001. Í ræðunni lýsti
hann „yfirburðum vestrænnar menningar“.
„Jesús Kristur
stjórnmálanna“
Sérfræðingar segja að Silvio Ber-
lusconi verði berskjaldaður gagn-
vart saksóknum eftir að hann læt-
ur af embætti forsætisráðherra,
einkum vegna nýrra ásakana um
að hann sé viðriðinn mafíuna.
Fréttaveitan AFP hefur eftir
ítölskum lögspekingum að lík-
lega verði saksóknum á hend-
ur Berlusconi hraðað eftir að
hann segir af sér. Hann sé ekki
lengur í aðstöðu til að knýja
fram ný lög sem geti bjargað
honum.
Berlusconi reyndi í fyrstu að
komast hjá saksóknum með
lögum sem veittu forsætisráð-
herra landsins friðhelgi frá ákæru,
en stjórnlagadómstóll landsins
komst að þeirri niðurstöðu að lög-
in samræmdust ekki stjórnar-
skránni. Hann hefur þegar verið
saksóttur fyrir skattsvik, mútu-
greiðslur, samræði við ólögráða
stúlku og misbeitingu valds síns.
Hann hafði meðal annars vonast
til þess að sett yrðu lög sem tak-
mörkuðu notkun símhlerana, auk
þess sem fyrningarlögum yrði
breytt þannig að ákæran á hendur
honum fyrir mútur yrði felld niður.
Berskjalda gagnvart ákærum
REYNDI AÐ KOMAST HJÁ SAKSÓKNUM
Meintri
karlrembu
Berlusconis
mótmælt.