Morgunblaðið - 01.02.2012, Blaðsíða 9
FRÉTTIR 9Innlent
MORGUNBLAÐIÐ MIÐVIKUDAGUR 1. FEBRÚAR 2012
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
• www.hjahrafnhildi.is
Allt á hálfvirði
Vertu vinur okkar
á Facebook INNRÉTTINGATILBOÐ
VARANLEGVERÐLÆKKUN
OG20%VIÐBÓTARAFSLÁTTUR
15%
ELDHÚS-BAÐ-ÞVOTTAHÚS-FATASKÁPAR
friform.is
Helgi Bjarnason
helgi@mbl.is
Gamla flugskýlið af Patreksfjarð-
arflugvelli fær nýtt hlutverk nái
hugmyndir eigenda þess fram að
ganga. Ekki fara fleiri flugvélar
inn í skýlið en það mun í framtíð-
inni hýsa gamla báta við höfnina á
Reykhólum.
Áhugamannafélag um Bátasafn
Breiðafjarðar keypti á sínum tíma
flugskýlið á Patreksfjarðarflugvelli
til niðurrifs. Hætt var að nota það
fyrir mörgum árum.
Hafliði Aðalsteinsson, formaður
áhugamannafélagsins, segir að frá
upphafi hafi verið ætlunin að reisa
það á Reykhólum. Hafliði segir að
forsvarsmenn sveitarfélagsins hafi
verið jákvæðir þegar það var nefnt
að reisa bátaskýlið á fyllingu sem
gerð var í tengslum við nýjan varn-
argarð sem byggður hefur verið í
höfninni.
Formleg umsókn um lóð var tek-
in fyrir á síðasta fundi hrepps-
nefndar Reykhólahrepps. Þar var
ákveðið að deiliskipuleggja svæðið.
Engar ákvarðanir hafa verið tekn-
ar um úthlutun lóðarinnar.
Áhugamannafélag um Bátasafn
Breiðafjarðar stendur að báta- og
hlunnindasýningu á Reykhólum
með æðarræktarfélaginu og sveit-
arfélaginu. Hafliði segir að báta-
geymslan við höfnina sé hugsuð
sem viðbót við það. Félagið sé með
báta í geymslum í útihúsum víða og
þurfi að koma þeim á einn stað til
að hægt sé að sýna þá. Áformað er
að hafa smíðaverkstæði í öðrum
enda hússins þar sem hægt verður
að taka inn stærri báta til við-
gerðar.
Reykhólahreppur áformar að
setja upp flotbryggju framan við
fyllinguna og verður bátageymslan
í góðum tengslum við hana. Þótt
gömlu bátarnir séu ekki sjófærir er
vonast til að í framtíðinni verði
hægt að bjóða upp á siglingar um
Breiðafjörð á gömlum endur-
gerðum bátum.
Hugarsýn Félagar í Áhugamannafélagi um bátasafn Breiðafjarðar sjá fyrir sér bátasýningu í góðum tengslum við
höfnina á Reykhólum. Þar verður gamla flugskýlinu komið fyrir ef lóðin fæst og fyllt af gömlum bátum.
Flugskýlið verður
fyllt af gömlum bátum
Áhugamannafélag um bátasafn sækir um lóð á Reykhólum
Þórhallur Heimsson, sóknarprestur
í Hafnarfirði, hefur ákveðið að gefa
kost á sér í emb-
ætti biskups Ís-
lands. Í
framboðs-
tilkynningu sinni
segir Þórhallur
að lyklarnir að
traustu kirkju-
starfi og gagn-
kvæmu trausti
kirkju og þjóðar
séu aukið lýðræði
á öllum sviðum
þjónustunnar, valddreifing og sam-
vinna, fræðslustarf og grasrótar-
vinna.
„Ég kalla þá kirkju sem vex úr
slíkri breiðfylkingu starfsfólks, bisk-
upa, prófasta, presta, djákna, sókn-
arnefnda, sjálfboðaliða, en umfram
allt sóknarbarna, „Grasrótarþjóð-
kirkju“,“ segir ennfremur í tilkynn-
ingunni.
Þórhallur vígðist til prests árið
1989 og leysti þá af Sigurð Hauk
Guðjónsson, þáverandi sóknarprest í
Langholtskirkju, í eitt ár. Áður hafði
Þórhallur unnið við safnaðarstarf
hjá Langholtssöfnuði frá árinu 1983.
Næstu árin starfaði hann sem fram-
kvæmdastjóri Kirkjumiðstöðvar
Austurlands og fræðslufulltrúi
kirkjunnar í þeim landshluta, fram-
kvæmdastjóri Æskulýðsstarfs kirkj-
unnar í Reykjavíkurprófastsdæm-
unum. Þá þjónaði hann sem prestur í
sænsku kirkjunni. Árið 1996 var
Þórhallur kosinn prestur í Hafn-
arfjarðarkirkju en árið 2009 tók
hann við sem sóknarprestur þar.
Þórhallur er fæddur í Reykjavík
30. júlí árið 1961. Foreldrar hans eru
sr. Heimir Steinsson, fyrrverandi
rektor Skálholtsskóla, útvarpsstjóri
og sóknarprestur og þjóðgarðsvörð-
ur á Þingvöllum, nú látinn, og Dóra
Erla Þórhallsdóttir, starfsmaður við
móttöku Ríkisútvarpsins.
Þórhallur
Heimisson
Þórhallur gefur kost
á sér í biskupskjöri
Iðuklettur, eitt helsta
kennileiti Stóru-Laxár
í Hreppum, féll er áin
ruddi sig um helgina.
Kletturinn var um
þriggja metra hár,
hálfgert steintröll, og
stóð austanvert í ánni
við veiðistað er nefnist
Iða og er skammt frá
bænum Sólheimum.
Ófáir veiðimenn hafa
gegnum árin sett í laxa
við Iðuklett og hefur
hann prýtt ófáar ljós-
myndir, enda svipmik-
ið kennileiti skammt
fyrir neðan þar sem
Laxárgljúfur opnast.
Nú stendur lítill hnall-
ur upp úr leysing-
arstraumnum, þar sem
kletturinn stóð áður.
efi@mbl.is
Iðuklettur fallinn
Iðuklettur Var um þriggja metra hátt kennileiti.
Svipmikið kennileiti í Stóru-Laxá í
Hreppum féll er áin ruddi sig
Farinn Eftir stendur nú lítill nabbi af klettinum.