Morgunblaðið - 01.02.2012, Side 12
Steinþór Guðbjartsson
steinthor@mbl.is
Félag manna hefur áhuga á því
að eiga og reka fræðslu- og
skemmtigarðinn Auga Óðins, sem
byggist á norrænni goðafræði, og
hefur í því sambandi óskað eftir
ívilnunum hjá iðnaðarráðuneytinu
samkvæmt lögum um ívilnanir
vegna nýfjárfestinga á Íslandi.
Ólafur Viðarsson, fram-
kvæmdastjóri félagsins, segir að
hugmyndin sé að bjóða upp á
dagskrá, sem byggist á 18 sögum
úr goðafræðinni. Fjallað verði um
sköpun heimsins, helstu persónur
goðafræðinnar verði kynntar til
sögunnar, fylgst með þeim og
ragnarrökum í máli og myndum
þar sem nútímamiðlunartækni
verður beitt. Áætlað sé að sýn-
ingin sjálf taki um klukkutíma en
öll dagskráin um 75 mínútur.
Gert er ráð fyrir um 4.000
ferm. sýningarsvæði og um 2.000
ferm. svæði fyrir veitinga- og
minjagripasölu. Ólafur segir að
markhópurinn sé fyrst og fremst
erlendir ferðamenn og því sé
ákjósanlegt að aðstaðan verði ná-
lægt Sundahöfn, þar sem
skemmtiferðaskip leggist að
bryggju með um 100.000 farþega
á ári auk um 50.000 manns í
áhöfn.
Heildarfjárfestingarkostnaður
er áætlaður um 2.625 m.kr. og
árleg velta um 1.700 m.kr., en
starfsmannafjöldi verður yfir 25
manns. Samkvæmt áætlun er gert
ráð fyrir að starfsemi hefjist á
fyrsta ársfjórðungi 2014. Ólafur
segir að fjármögnun sé ekki lok-
ið, en framleiðsluferlið taki um
18 mánuði og vonir standi til þess
að hægt verði að hefja fram-
kvæmdir um mitt ár.
Auga Óðins hugsað
fyrir ferðamenn
Vilja útbúa fræðslu- og skemmtigarð
Fræðsla Gert er ráð fyrir siglingu í fræðslu- og skemmtigarðinum.
12 FRÉTTIRInnlent
MORGUNBLAÐIÐ MIÐVIKUDAGUR 1. FEBRÚAR 2012
Fylgstu með Ebbu útbúa
einfalda og bragðgóða
heilsurétti í MBL sjónvarpi
á hverjum miðvikudegi.
- heilsuréttir
BAKSVIÐ
Sigrún Rósa Björnsdóttir
sigrunrosa@mbl.is
Róbert Spanó, prófessor við Háskóla Ís-
lands, segist í meginatriðum geta tekið und-
ir allt sem hafi verið haft eftir saksóknara
Alþingis um afturköllun ákæru á hendur
Geir H. Haarde, fyrrverandi forsætisráð-
herra, og heimild Alþingis til þess, þar sem
ákæruvaldið væri í höndum þingsins.
Þeir fræðimenn sem komu á fund stjórn-
skipunar- og eftirlitsnefndar Alþingis í gær
eru flestir sammála um heimild Alþingis til
að afturkalla ákæru á hendur Geir. Þeir
voru hins vegar ekki einhuga þegar kom að
því að meta hvort frumkvæði að niðurfell-
ingu ætti að koma frá Alþingi eða saksókn-
ara Alþingis.
Valgerður Jónsdóttir er formaður nefnd-
arinnar en gestir hennar voru Ástráður
Haraldsson hæstaréttarlögmaður, Gísli
Tryggvason, talsmaður neytenda, Róbert
Spanó, forseti lagadeildar Háskóla Íslands,
Ragnhildur Helgadóttir prófessor, Valtýr
Sigurðsson, fyrrverandi ríkissaksóknari, og
Þórhallur Vilhjálmsson, lögfræðingur Al-
þingis.
Alþingi sem öryggisventill
Róbert sagði að þegar kæmi að heimild
Alþingis til afturköllunar sneri álitaefnið að
því hvernig túlka bæri 29. gr. stjórnarskrár.
Hann túlkaði ákvæðið þannig að það væri
nokkurs konar öryggisventill þingsins, þar
sem kveðið er á um að ráðherra fái sam-
þykki þess og þingið hafi því síðasta orðið.
Ekkert sé í landsdómslögum sem sýni að
saksóknari hafi frumkvæðishlutverk þegar
þingið beitir ákæruvaldi sínu.
Hann gagnrýndi harðlega að þingmenn
skyldu leitast við í umræðum um málið á Al-
þingi að setja pólitískan stimpil á skrif sín
um landsdómsmálið. Hann hefði aldrei verið
pólitískur og skrif hans hefðu verið ná-
kvæmlega eins, sama úr hvaða flokki ráð-
herra hefði verið ákærður.
Ástráður taldi það geta staðist, að það sé
innan formlegra valdheimilda þingsins að
taka ákvörðun um að fella niður saksókn.
Væri sú leið farin, þá einkenndist hún af
þess konar sýn sem varað var við í skýrslu
rannsóknarnefndar Alþingis, það er ákveð-
inni lagahyggju. Um það hvort Alþingi eða
saksóknari þess hefði frumkvæði að niður-
fellingu sagði Ástráður að niðurfelling yrði
alltaf að byggjast á málefnalegum for-
sendum. Saksóknarvaldið væri bæði á hendi
þingsins og þess sem sækir málið fyrir þess
hönd. Það væri vandmeðfarið að lögjafna
þar á milli.
Valtýr tók undir þau sjónarmið Róberts
að almennt frumkvæði málsmeðferðar væri
hjá Alþingi þrátt fyrir ákvæði í 29. gr.
stjórnarskrár enda þar um að ræða undan-
tekningu sem skýra verði þröngt. Þó sak-
sóknari geti beint ákveðnum tilmælum til
Alþingis og lagt til að mál falli niður, þá sé
ábyrgðin alltaf Alþingis.
Ragnhildur sagði Alþingi ekki óheimilt að
afturkalla ákæru. Í stjórnskipunarréttar-
bókum segði að þegar Alþingi væri búið að
samþykkja kæru, þá væri hún farin úr
höndum þingsins og til saksóknara og sak-
sóknarnefnda en það vantaði rök með þeim
staðhæfingum. Alþingi færi með ákæruvald-
ið samkvæmt stjórnarskrá og venjulega
gæti það svo afturkallað ákæru.
Gísli var á öndverðum meiði hvað aðkomu
Alþingis varðar og sagði málið hafa farið úr
höndum þess þegar það samþykkti ákæruna.
Þingið sé kærandi og þá fulltrúi brotaþola.
Ekki einhuga um frumkvæði
Ræddu heimildir til niðurfellingar ákæru Geirs H. Haarde á nefndarfundi Alþingis Ábyrgðin á
niðurfellingu alltaf Alþingis Ekki sammála um hvaðan frumkvæði að niðurfellingu eigi að koma
Morgunblaðið/Golli
Ákæra Andri Árnason lögmaður og Geir H. Haarde skjólstæðingur hans í landsdómi.
Í umfjöllun fræðimanna um heimild Al-
þingis til niðurfellingar ákæru á hendur
Geir H. Haarde, fyrrverandi forsætisráð-
herra, er mikið vísað til 29. gr. stjórnar-
skrár, þar sem segir að forseti geti ekki
leyst ráðherra undan saksókn sem
landsdómur hefur dæmt, nema með
samþykki Alþingis. Í 14. gr. er ákvæðið
sem veitti Alþingi heimild til að kæra
ráðherra fyrir landsdómi. Þó eldri
fræðimenn hafi vísað til 29. gr., finnst
sumum að þar skorti á frekari rök-
stuðning.
Túlkun lagaákvæða
AFTURKÖLLUN ÁKÆRU