Morgunblaðið - 01.02.2012, Blaðsíða 13
FRÉTTIR 13Innlent
MORGUNBLAÐIÐ MIÐVIKUDAGUR 1. FEBRÚAR 2012
Velkomin í
Litlatún í Garðabæ
Opið virka daga frá kl. 7 - 18 og um helgar frá kl. 8 - 17.
er í Litlatúni. Verið velkomin.
BAKSVIÐ
Rúnar Pálmason
runarp@mbl.is
Rekstri World Class líkamsrækt-
arstöðvanna var nánast frá upphafi
hagað þannig að félagið Þrek ehf.
hélt utan um reksturinn en félagið
Laugar ehf. sá um fasteignir og bún-
að. Bæði félögin voru að mestu eða
öllu leyti í eigu Björns Leifssonar og
undir hans stjórn. Nú sækir þrotabú
Þreks ehf. hart að Birni, þrjú mál
eru í gangi í dómskerfinu og í Hér-
aðsdómi Reykjavíkur í gær var tek-
ist á um eitt þeirra; kaup Þreks á
40% hlut í líkamsrækt World Class á
Seltjarnarnesi af Laugum en því fé-
lagi stýrir Björn enn. Þrotabúið seg-
ir að kaupin hafi falið í sér gjafa-
gjörning en Björn að um eðlileg
viðskipti hafi verið að ræða.
Þrek var lýst gjaldþrota árið 2010
en var komið í veruleg vandræði
snemma árs 2009. Yfirdrátturinn
kominn í 68 milljónir „og alls staðar
farið að banka á“ eins og Björn sagði
í gær. Ástæðan fyrir erfiðleikunum
hefði verið misheppnuð útrás til
Danmerkur í samvinnu við fjárfest-
ingarbankann Straum. Það var þó
ekki það eina í rekstrinum sem fór
úrskeiðis því bygging stöðvarinnar á
Seltjarnarnesi fór langt fram úr
áætlunum; úr um 400 milljónum í
715 milljónir, að sögn Björns. Skýr-
ingin hefði verið sú að húsið varð
stærra en upphaflega stóð til auk
þess sem óðaverðbólga og gengisfall
áranna 2007-2009 setti strik í reikn-
inginn. Byggingarsaga sem þessi er
auðvitað ekkert einsdæmi.
Að greiða fyrir sína eigin eign
Björn sagði að Laugar hefðu ekki
getað fengið lán fyrir meira en ríf-
lega 400 milljónir og því hefði orðið
úr að Þrek myndi taka lán auk þess
sem hann gekkst undir sjálfskuldar-
ábyrgð. Lánið til Þreks gekk síðan
til Lauga en við það varð til við-
skiptaskuld Lauga við Þrek upp á
um 300 milljónir. Í maí 2008 hefði
hann, að ráði fjármálastjóra síns,
ákveðið að Þrek myndi eignast 40% í
líkamsræktarstöðinni gegn því að
skuldin yrði felld niður.
Þessi samningur – sem er það
sem deilt er um í málinu – var
reyndar dagsettur 2. janúar 2008 en
Björn sagði að það hefði verið gert
til að leigutekjur af stöðinni rynnu
bæði til Lauga og Þreks frá áramót-
um.
Björn tók fram að Laugar hefðu
greitt alla reikninga vegna bygging-
arinnar en Þrek aldrei lagt neitt
fram fyrr en með láninu sem síðar
varð að eignarhlut. Hann kvaðst
ekki skilja málatilbúnað þrotabús-
ins, 40% hlutur í stöðinni hefði ein-
faldlega verið seldur á 300 milljónir.
„Þetta er algjörlega hreint í bók-
haldi, samkvæmt öllum gögnum,“
sagði Björn og í málflutningi lagði
lögmaður hans, Sigurður G. Guð-
jónsson hrl., mikla áherslu á að eng-
in gögn lægju fyrir um að viðskiptin
hefðu verið óeðlileg, þvert á móti.
Ólafur Kjartansson hdl., lögmað-
ur þrotabúsins, lýsti málinu á allt
annan veg. Hann benti á að í málinu
lægju fyrir þinglýst skjöl, m.a. frá
apríl 2008, sem sýndu að Þrek var
skráð fyrir lóðarleigu stöðvarinnar
til jafns við Laugar og að það væru
líkindi til þess að Þrek hefði verið
eigandi stöðvarinnar með Laugum.
Með því að láta Þrek greiða 300
milljónir fyrir 40% hlut hefði Þrek
því í raun og veru verið gert að
greiða fyrir sína eigin eign. Þetta
hefði verið málamyndagjörningur í
þeim tilgangi að lækka skuld Lauga
við Þrek úr 394 milljónum í 94. Hann
bætti við að engin gögn hefðu verið
lögð fram um að Laugar hefðu greitt
allan kostnað við stöðina eða að
kostnaður hefði á endanum orðið
715 milljónir.
Þá sagði Ólafur að ekki hefðu
komið fram trúlegar skýringar á
því að samningurinn var dagsettur
2. janúar 2008 og aðeins væru orð
Björns og fjármálastjóra Lauga
fyrir því hvenær hann var í
raun gerður. Það sem skipti
mestu máli væri að greiðsl-
an hefði í raun ekki farið
fram fyrr en 4. febrúar
2009, en það þýðir að
greiðslan fór fram innan
þess frests sem þrotabú
hafa til að krefjast rift-
unar.
Tekist á um World Class á Nesinu
Krefst þess að kaupum Þreks ehf. á 40% hlut í World Class á Seltjarnarnesi fyrir 300 millj. verði rift
Eðlileg viðskipti og bókhald staðfestir það, að sögn eiganda Gjafagjörningur að mati skiptastjóra
Morgunblaðið/Júlíus
Dómur Innan fjögurra vikna mun liggja fyrir hvort kaup Þreks ehf. á 40%
hlut í World Class á Seltjarnarnesi voru gjafagjörningur eða ekki.
Tvö önnur riftunarmál sem
þrotabú Þreks hefur höfðað
gegn Laugum eru nú í dóms-
kerfinu.
Stærsta málið varðar kaup
Lauga á rekstri World Class út
úr Þreki ehf. Kaupverðið var
annars vegar greitt með 25
milljónum króna og hins vegar
með því að yfirtaka skuldbind-
ingar Þreks gagnvart korthöfum
í World Class sem Laugar mátu
á um 240 milljónir, skv. upplýs-
ingum frá skiptastjóra Þreks.
Þrotabúið hefur látið meta
verðmætið og er það tölu-
vert hærra en skiptastjór-
inn vildi ekki upplýsa upp-
hæð matsins í gær.
Hitt málið varðar út-
gáfu á skuldabréfi en með
því fengu Laugar lán-
aðar 94 milljónir hjá
Þreki. Lánið var til
tíu ára, vaxtalaust
en verðtryggt.
Þrotabúið telur
vaxtakjörin fela
í sér gjafagjörn-
ing.
Eitt af þrem-
ur málum
ÚTKLJÁÐ MEÐ DÓMUM
Björn
Leifsson