Morgunblaðið - 01.02.2012, Blaðsíða 20

20 UMRÆÐAN
MORGUNBLAÐIÐ MIÐVIKUDAGUR 1. FEBRÚAR 2012
Foreldrar barna í
Hamra- og Bryggju-
hverfi, sem sækja
Hamraskóla, berjast nú
fyrir því að hætt verði
við þau áform að leggja
unglingadeild Hamra-
skóla niður frá og með
næsta hausti. Ungling-
arnir í hverfinu eiga frá
og með þeim tíma að
sækja Foldaskóla sem
á að verða safnskóli á
unglingastigi fyrir Bryggju-, Hamra-,
Folda- og Húsahverfi. Áform þessi
voru fyrst kynnt snemma árs 2011 og
hafa foreldrar og aðrir hags-
munaaðilar lýst andstöðu sinni við þau
á ýmsum vettvangi. Foreldrar hafa
fært rök fyrir því að fyrirhugaðar
breytingar dragi úr lífsgæðum barna
þeirra, þær rýri gildi hverfanna á
ýmsa lund, markmið með þeim séu af-
ar óljós, auk þess sem þær gangi þvert
á margvíslegar yfirlýsingar meirihlut-
ans í borgarstjórn Reykjavíkur um
samráð við íbúa, velferð barna og
minnkaða bílaumferð, svo aðeins
þrennt sé nefnt.
Gleymdist sérdeildin?
Samráð við foreldra hefur verið lítið
og á starfi stýrihóps vegna sameining-
arinnar hefur verið haldið þannig að
fulltrúi foreldra barna í Hamraskóla
sá sig tilneyddan til að segja sig úr
hópnum. Mánuð eftir mánuð voru
haldnir fundir þar sem ekkert nýtt
kom fram, engum spurningum var
svarað, markmið voru ekki skilgreind
o.s.frv. Á meðan búa börn, foreldrar
og starfsfólk við óþolandi óvissu. Í
Hamraskóla er hópur sem þolir slíkt
ástand sérlega illa en það eru börnin í
sérdeild fyrir einhverfa.
Í desember sl., þegar verulegur
þungi fór að færast í andstöðu for-
eldra, virðist hafa runnið upp fyrir
þeim sem berjast fyrir breytingunum
að sérdeildin hafði alveg gleymst eða
þá að þeir hafa hreinlega ekki vitað af
tilvist hennar. Þá fyrst er settur á
laggirnar „starfshópur um sérhæfða
sérdeild fyrir nemendur með ein-
hverfu í Hamraskóla vegna flutnings
unglingastigs Hamra-
skóla í Foldaskóla“. Í
erindisbréfi eru helstu
verkefni hópsins sögð
vera: að gera tillögu að
skipulagi og staðsetn-
ingu deildarinnar og/
eða einstakra aldurs-
stiga hennar; að greina
og lýsa húsnæðisþörf
deildarinnar í heild og/
eða á hverju aldursstigi
fyrir sig; að greina og
lýsa aðbúnaðarþörf
deildarinnar í heild og/
eða á hverju aldursstigi
fyrir sig; að draga fram meg-
ináherslur sérdeildarinnar í heildar-
skólastarfinu. Það er grátlegt að sjá
hversu lítill skilningur á þörfum nem-
enda og sér í lagi einhverfra, end-
urspeglast í þessari verkefnaupptaln-
ingu. Ekki á eða má skoða nein þau
erfiðu mál sem snúa að börnunum,
þ.e. ekkert sem gæti truflað þessa
sameiningu. Ekki má heldur ræða þá
áhættu sem svona flutningum fylgir,
hvernig góðum árangri og framförum
er stefnt í hættu né heldur það álag
og erfiðleika sem svona breytingar
leggja á einhverf börn og foreldra
þeirra. Svo glymur endalaust í eyrum
foreldra samráð og fagleg vinnu-
brögð!
Hvað með innkomu
barna úr sérdeild?
Starfsemi sérdeildar fyrir ein-
hverfa í Hamraskóla hefur byggst
upp frá árinu 1996. Við deildina starf-
ar frábært fagfólk og hún nýtur mik-
ils stuðnings og skilnings allra í skól-
anum. Árangur við sérdeildina
byggist ekki síst á því að öll börnin
eru líka í bekkjardeild og þau fara inn
í hana eins oft og lengi og mögulegt
er. Það er breytilegt frá degi til dags
hjá hverjum nemanda og þarf stöð-
ugt að meta. Ef bekkurinn er farinn,
hvort sem það er í Foldaskóla eða
eitthvað annað, verður þetta illfram-
kvæmanlegt. Því þarf að flytja deild-
ina en í raun verður hún lögð niður og
ný stofnuð í Foldaskóla, ferli sem
tekur nokkur ár! Nýi bekkurinn
verður væntanlega allt annar eða
a.m.k. mikið breyttur. Hefur „safn-
skóli á unglingastigi“ í Foldaskóla
verið skoðaður með innkomu barna
úr sérdeild í huga? Reglufestan, það
að vera í kunnuglegu og jákvæðu um-
hverfi, skiptir einhverf börn gríð-
arlega miklu máli. Fyrir einhverf
börn er eitt af því mikilvægasta og
allar breytingar erfiðar. Sum börnin
þekkja bekkjarfélaga sína frá því í
leikskóla og ekki síst af þeim sökum
hefur aðlögunin og samvinnan verið
góð. Við fyrirhugaðar breytingar
verður öllum þeim stöðugleika og
framförum barnanna stefnt í hættu.
Viljum fá að vera í friði
Foreldrar barna í sérdeild Hamra-
skóla eru hlynntir sparnaði og góðri
meðferð fjármuna ríkis- og sveitarfé-
laga. Þessi sameiningaráform eru
ekki hluti af því. Enginn veit hvað
breytingarnar kosta til skamms tíma
og hvaða sparnaði þær eiga að skila
til lengri tíma. Hvergi er minnst á
kostnað og aldrei má ræða kostnað,
ef allir þessir peningar eru til þá get-
um við nýtt þá betur. Tilurð, und-
irbúningur og framgangsmáti eru
Reykjarvíkurborg til vansa. Ávinn-
ingur er enginn en til að raska um-
hverfi og velferð svo viðkvæmra
skjólstæðinga sem einhverfra barna,
þyrfti hann að vega upp gallana og
rúmlega það. Þvert á móti er hér ver-
ið að gera atlögu að starfsemi frá-
bærrar sérdeildar, sem hefur byggst
upp á löngum tíma og náð góðum ár-
angri, að börnunum sem þar eiga
skjól og okkur, foreldrum þeirra, sem
höfum jafnvel valið okkur búsetu í
þessu skólahverfi vegna hennar. Við
myndum gjarnan vilja að deildin og
við fengjum að vera í friði fyrir þeim
sem vilja teyma okkur í þessa mis-
ráðnu vegferð.
Sérdeild í Hamraskóla
mætir afgangi
Eftir Leó Má
Jóhannsson » Verið að gera atlögu
að starfsemi frá-
bærrar sérdeildar, sem
hefur byggst upp á
löngum tíma og náð góð-
um árangri.
Leó Már
Jóhannsson
Höfundur er rafmagnsverkfræðingur
og foreldri barna í Hamraskóla.
Smábátafélagið
Skalli fagnar nið-
urstöðu Hæstaréttar
þess efnis að Jóni
Bjarnasyni fv. sjávar-
útvegs- og landbún-
aðarráðherra hafi ver-
ið heimilt að leggja
bann við dragnóta-
veiðum á grunnslóð og
inni á fjörðum.
Félagið hafði óskað
eftir því í nokkur ár að
Skagafirði yrði lokað fyrir drag-
nótaveiðum a.m.k. innan við eyjar.
Undir þessa beiðni okkar tóku
Sveitarfélagið Skagafjörður ásamt
fjölmörgum aðilum sem ofbauð að
sjá stór skip inni á firðinum með
dregin veiðarfæri.
Jón Bjarnason sjávar og land-
búnaðarráðherra setti reglugerð
nr.475/2010 sem bannaði dragnóta-
veiðar frá og með 7. júní 2010 til og
með 6. júní 2015 á 6 svæðum.
Skalli félag smábátaútgerð-
armanna ályktaði á aðalfundi 14.09.
2010.
„Aðalfundur Smábátafélagsins
Skalla haldinn 14.9. 2010 fagnar
reglugerð útgefinni 31. ágúst 2010
nr. 678/2010 sem bannar dragnóta-
veiðar innan línu sem dregin er frá
Þórðarhöfða í Ásnef í Skagafirði,
frá 31. des. 2010 til ágúst 2015.
Sama á við um 2. 3. og 4. gr. reglu-
gerðarinnar sem varða friðun í
Húnafirði, Hrútafirði og Húnaflóa.“
Fundurinn beinir þeim tilmælum
til sjávarútvegsráðherra að strax
við útfærsluna verði hafnar rann-
sóknir á lífríki svæðanna sem frið-
uð eru fyrir dragnótaveiðum, þann-
ig að úr því fáist skorið í eitt skipti
fyrir öll hvort um skaðsemi þessa
veiðarfæris á lífríkið er að ræða.
Við viljum fá úr því skorið með
rannsóknum og treystum á að unn-
ið verði að því, óþolandi er að búa
við eilíf átök útgerðarmanna og
skoðanaágreining um skaðsemi
þessa veiðarfæris.
Jón Bjarnason fyrrverandi sjáv-
ar- og landbúnaðarráðherra kynnti
okkur á aðalfundi LS árið 2010 að
hann hefði í hyggju að
takmarka veiðar með
dregnum veiðarfærum
í flóum og fjörðum á
svonefndri grunnslóð.
Vísindamenn hjá
Hafró og Háskóla Ís-
lands hafa bent á að
lífríkið í sjónum út að
50 faðma dýpi sé e.t.v.
mesta auðlind þjóð-
arinnar, þar sem upp-
eldi dýralífsins er hvað
mest.
Á aðalfundi 30. sept.
2011 ályktaði Skalli:
„Skalli lýsir fullum stuðningi við
Jón Bjarnason sjávar og landbún-
aðarráðherra, sem hefur tekið
ákvarðanir sem hleypt hafa lífi í
sjávarbyggðir landsins.
Skalli telur mikilvægi sjáv-
arútvegsmála fyrir þjóðina gríð-
arlegt og því ekki tímabært að
leggja sjávarútvegsráðuneytið nið-
ur og sameina við atvinnuvegaráðu-
neyti.“
Jón hafði efasemdir um að það
væri rétt að gera þetta núna og um
það vorum við honum sammála en
talið var að spara mætti 300 millj.
kr fyrir ríkissjóð með þessari sam-
einingu en niðurstaðan var 34 millj.
kr.
Við viljum þakka Jóni Bjarna-
syni fv. sjávar og landbún-
aðarráðherra fyrir mjög gott og
ánægjulegt samstarf, hann hefur
tekið tillit til sjónarmiða smábáta-
útgerðarinnar og metið að verð-
leikum mikilvægi hennar fyrir
þjóðina.
Hæstaréttardómur
um dragnótaveiðar
Eftir Sverri
Sveinsson
» Fundurinn beinir
þeim tilmælum til
sjávarútvegsráðherra
að strax við útfærsluna
verði hafnar rannsóknir
á lífríki svæðanna sem
friðuð eru fyrir drag-
nótaveiðum...
Sverrir
Sveinsson
Höfundur er formaður í smábáta-
félaginu Skalla.
Flestum lands-
mönnum mun ljóst að
1918 varð Ísland sjálf-
stætt konungsveldi,
með Kristján X. sem
konung, sameiginlega
með Danmörku. Þessi
konungur fór með
fullveldisrétt þjóð-
arinnar þar til lýð-
veldið var stofnað
1944. Með nýrri
stjórnarskrá færðist
fullveldisrétturinn úr höndum kon-
ungs til almennings á Íslandi.
Lýðveldi nefnist það stjórn-
arform þegar fullveldisréttur þjóð-
ar er í höndum almennings. For-
seti lýðveldisins er umboðsmaður
þjóðarinnar innan stjórnkerfisins.
Hann er handhafi framkvæmda-
valdsins, en jafnframt er hann eft-
irlitsmaður með löggjafarvaldinu.
Af 81 grein stjórnarskrárinnar
fjalla 30 greinar eingöngu um
verksvið forsetans. Forsetinn fer
með vald til þingrofs (24. gr.) og
vald til að vísa lagafrumvörpum til
þjóðaratkvæðis (26. gr.). Jafnframt
skipar forsetinn ráðherra og leysir
þá frá störfum (15. gr.). Forsetinn
er eini valdhafi lands-
ins sem kjörinn er al-
mennri kosningu.
Frá 1944 hefur okk-
ar ágæta stjórnarskrá
formfest lýðræði sem
stjórnarfar landsins,
þótt valdastéttin hafi
rangtúlkað mörg
ákvæði hennar. Sem
dæmi um þessar til-
raunir til að rugla
landsmenn í ríminu,
má benda á nafngift-
ina „fullveldisdagur“
um 1. desember 1918,
þegar þjóðin staðfesti fullveldisrétt
Kristjáns X. Hins vegar náðist
1918 fram viðurkenning á sjálf-
stæðinu og 1. desember ætti því að
nefnast „sjálfstæðisdagur“. Full-
veldið var síðan heimt úr greipum
konungs með stjórnarskránni frá
1944 og því ætti 17. júní að nefnast
„fullveldisdagur“.
Þessi fölsun á nafngiftum er auð-
vitað smámál, í samanburði við þá
vanvirðingu á efnisatriðum stjórn-
arskrárinnar sem viðgengist hefur
allar götur frá 1944. Þingræð-
issinnar hafa komist upp með að
sniðganga mörg ákvæði stjórn-
arskrárinnar sem er forskrift okk-
ar að lýðræðinu. Þingræðissinnar
hafa í heitstrengingum að afsala
sjálfstæði landsins til risans í
austri og afnema formlega fullveld-
isrétt almennings. Þeir hafa jafnvel
uppi áróður um að embætti forset-
ans verði lagt af. Slík krafa lýsir
vilja til að lýðveldið verði lagt nið-
ur og að í staðinn verði höfð-
ingjaveldi formfest, öðru nafni
þingræði.
Áskorun á Ólaf
Ragnar Grímsson
Við þessar aðstæður er öðru
mikilvægara að þjóðin geti full-
komlega treyst að forseti lýðveld-
isins fylgi stjórnarskránni og láti
ekki fulltrúa hins erlenda valds
komast upp með bellibrögð. Við
vitum að núverandi forseti, Ólafur
Ragnar Grímsson hefur þann dug
og þann skilning á stjórnskipun
landsins sem þarf til að mæta at-
lögunni. Ef nýr maður kemur að
Bessastöðum veit enginn hvort
hann muni líta á sig sem umboðs-
mann almennings og vörzlumann
lýðræðisins.
Íslensk þjóð getur ekki tekið
áhættu með að embætti forsetans
lendi í höndum fólks sem tilbúið er
að fórna sjálfstæði landsins og full-
veldisrétti þjóðarinnar á altari
framandi hugmyndafræði. Ekki má
henda að barátta genginna kyn-
slóða verði að engu gerð með
hirðuleysi, eða í nafni stundarhags-
muna. Að beztu manna yfirsýn er
því skorað á forsetann Ólaf Ragnar
Grímsson að gefa kost á áfram-
haldandi setu á forsetastóli.
Stjórnarskráin
er fjöregg þjóðarinnar
Ekki eru margar þjóðir sem eiga
alvörustjórnarskrá, eins og við Ís-
lendingar. Ákvæðið um þjóð-
aratkvæði samkvæmt 26. greininni,
er einn af dýrgripum þessarar
þjóðar og það ákvæði bjargaði okk-
ur frá Icesave-kúguninni. En í
stjórnarskránni er aðra dýrgripi að
finna og þar á meðal er 24. greinin
um þingrof og 15. greinin um ráð-
herraskipanir:
„24. grein. Forseti lýðveldisins
getur rofið Alþingi, og skal þá
stofnað til nýrra kosninga, áður en
45 dagar eru liðnir frá því er gert
var kunnugt um þingrofið, enda
komi Alþingi saman eigi síðar en
tíu vikum eftir að það var rofið. Al-
þingismenn skulu halda umboði
sínu til kjördags.“
„15. grein. Forsetinn skipar ráð-
herra og veitir þeim lausn. Hann
ákveður tölu þeirra og skiptir
störfum með þeim.“
Þegar hvorki meirihluti Alþing-
ismanna né ríkisstjórn landsins
njóta trausts þjóðarinnar verður
forsetinn að hafa styrk til að beita
þeim úrræðum sem stjórnarskráin
leggur honum í hendur. Við flest-
um blasir að mikil mistök voru
gerð í alþingiskosningunum 2009.
Til þings völdust of margir óhæfir
frambjóðendur, sem dag hvern
virðist leggja sig fram um að valda
tjóni.
Icesave-klafinn sem þetta fólk
vildi umfram allt leggja á almenn-
ing er bara eitt dæmi af mörgum.
Sannast hefur að undirgefni við
Evrópusambandið var orsök þess-
arar óþjóðhollu tilraunar. Fram-
undan er lokaorrusta um sjálfstæði
landsins, sem enginn skyldi fyr-
irfram telja auðunna. Framtíð
þjóðarinnar hangir raunverulega í
bláþræði. Næsti forseti verður að
hafa dug til að losa þjóðina við
gagnslaust fólk sem of lengi hefur
hangið á ríkisspenanum. Ólafur
Ragnar Grímsson er manna líkleg-
astur til að uppfylla þessa kröfu al-
mennings.
Framundan er harðnandi barátta um
lýðveldið og embætti forseta
Eftir Loft Altice
Þorsteinsson » Að beztu manna yf-
irsýn er skorað á
forsetann Ólaf Ragnar
Grímsson að gefa kost á
áframhaldandi setu á
forsetastóli.
Loftur Altice
Þorsteinsson.
Höfundur er verkfræðingur og
stjórnarmaður í félaginu Samstaða
þjóðar.