Morgunblaðið - 17.02.2012, Qupperneq 21

21
MORGUNBLAÐIÐ FÖSTUDAGUR 17. FEBRÚAR 2012
Snjóar Eftir hlýja og snjólausa daga, sem fengu suma til að halda að vorið væri á næsta leiti, ákvað Vetur konungur að minna borgarbúa á sig og sýna að hann væri ekki lagstur í dvala.
RAX
Dómur Hæstaréttar um geng-
istryggð lán 15. febrúar ætti að
öllu eðlilegu að knýja ríkisstjórn
Samfylkingar og Vinstri-grænna
til að segja af sér. Það var sam-
dóma álit allra sjö dómaranna að
lög nr. 151 frá 2010, sem rík-
isstjórnarflokkarnir hrófluðu upp
af mikilli hroðvirkni, stönguðust á
við stjórnarskrá. Nú er því orðið
ljóst að umrædd lög hafa valdið
gríðarlega miklum skaða. Skaði
bankakerfisins hlýtur að verða
mikill í þeim tilfellum sem bank-
arnir hafa verið að vinna eftir lögum sem halda
ekki vatni og baka þeim jafnvel skaðabótaskyldu.
Skaði fjölmargra lántakenda er þó mun sárari.
Vafamál er hvernig bæta skuli fólki upp húsnæð-
ismissi, eignarnám og jafnvel fjölskyldumissi.
Með umræddri lagasetningu hefur ríkisstjórn
Samfylkingar og Vinstri-grænna valdið afmörk-
uðum hópi fólks ómælanlegum skaða. Með slím-
setu sinni veldur hún þjóðinni allri ómælanlegum
skaða.
Óvirðing við stjórnarskrá
Óvirðing vinstristjórnarinnar við stjórn-
arskrána ætti ekki að koma á óvart. Um víða ver-
öld hafa blandaðar vinstristjórnir og komm-
únistastjórnir ýmist gert aðför að stjórnarskrám
eða kollvarpað þeim. Sums staðar hafa verið bún-
ar til ítarlegar langlokustjórnarskrár til hátíða-
brigða, en síðan verið virtar að vettugi. Stjórn-
arskrár eru m.a. til þess gerðar að vernda
almenning fyrir geðþóttaákvörðunum valdhafa,
vernda eignarrétt einstaklinga og frelsi. Umrædd
afturvirk lagasetning er einmitt dæmi um geð-
þóttaákvörðun.
Þrælahald?
Skattpíning vinstristjórnarinnar er orðin slík
að varla er hægt að tala um sjálfseignarrétt vinn-
andi fólks lengur. Það er óþarflega gróft að tala
um þrælahald. Réttara væri að segja að vinnandi
einstaklingur sé hluthafi í sjálfum sér.
Hf. að nokkru leyti en ohf. að öðru
leyti. Ef virði launþega er sú upphæð
sem vinnuveitandinn greiðir í laun og
launatengd gjöld vegna launþegans er stutt í að
einstaklingur sé minnihlutaeigandi í sjálfum sér
þegar búið er að greiða skattinn, útsvarið, lög-
bundna lífeyrissjóðinn og launatengdu gjöldin.
Og ríkisstjórnin er enn með höfuðið í bleyti og
upphugsar nýjar leiðir til aukinnar skattpíningar.
Fyrir hvað standa vinstristjórnir?
Of langt mál yrði að útlista hina pólitísku spill-
ingu sem grasserað hefur í tíð vinstristjórn-
arinnar eða andstöðu hennar við uppbyggingu at-
vinnulífsins enda sorgarsaga sem aðeins ergir
lesandann. Ekki verður þó komist hjá því að
benda á almennar staðreyndir. Ríkisstjórn Sam-
fylkingar og Vinstri-grænna hefur gert ítrekaðar
árásir á landsbyggðina, gert aðför að stjórn-
arskránni, staðið fyrir árásum á Hæstarétt, kom-
ið á pólitískum réttarhöldum, gert linnulausar
árásir á eignarréttinn og hert að ferðafrelsi og
öðru frelsi einstaklinga.
Hin hreina vinstristjórn hefur sýnt svo ekki
verður um villst hvað það er sem vinstristjórnir
standa fyrir. Skaði þjóðarinnar eykst með hverj-
um deginum sem vinstriflokkarnir stjórna.
Vinstriflokkarnir, Samfylking og Vinstri-grænir,
verða að fara frá völdum strax.
Nú er komið nóg – Aldrei aftur vinstristjórn.
Eftir Örvar Má Marteinsson »Hin hreina vinstri-
stjórn hefur sýnt svo
ekki verður um villst
hvað það er sem vinstri-
stjórnir standa fyrir.
Skaðinn eykst með
hverjum deginum.
Örvar Már
Marteinsson
Höfundur er sjómaður
og stjórnmálafræðingur.
Nú er komið nóg
Niðurstaða úttektarnefndar
um lífeyrissjóði á stöðu Ef-
irlaunasjóðs starfsmanna
Hafnarfjarðarbæjar (ESH) er
þungur áfellisdómur yfir
stjórn og stjórnarháttum
sjóðsins. Aðeins einn lífeyr-
issjóður á landinu tapaði hlut-
fallslega meiru en ESH. Sam-
kvæmt úttektinni vantar
68-78% upp á eignastöðu
sjóðsins til að hann standi
undir tryggingarfræðilegum
skuldbindingum sínum. Með öðrum orð-
um; annaðhvort þarf bæjarsjóður Hafn-
arfjarðar að auka verulega framlög sín til
sjóðsins á næstu árum, sem jafnvel gæti
numið milljörðum króna, en vandséð er
hvernig fjárhagsstaða bæjarins getur
staðið undir því, eða að skera þarf veru-
lega niður réttindi þeirra sem treysta á
sjóðinn, eftir starfsævi sína hjá bænum og
stofnunum hans.
Hvor leiðin sem yrði farin eða blanda af
þeim tveimur hefur alvarlegar afleiðingar
fyrir íbúa Hafnarfjarðar og bætist ofan á
aðra fjárhagserfiðleika sem bærinn á við
að etja.
Málefni ESH eru stórmál fyrir fjöl-
margar hafnfirskar fjölskyldur sem
byggja afkomu sína á sjóðnum. Þessar
fjölskyldur og Hafnfirðingar allir eiga rétt
á skýringum frá þeim sem haldið hafa um
stjórnartaumana hjá ESH um hvers vegna
ýmsar reglur og fyrirmæli voru brotin hjá
sjóðnum árum saman. Hvers vegna var
bókhald sjóðsins ekki fært eins og lög
kveða á um? Afhverju var farið út fyrir
heimildir í kaupum á óskráðum fyr-
irtækjum? Hvers vegna voru engar skrif-
legar verklagsreglur hjá sjóðnum? Af
hverju voru ekki gerðir skriflegir samn-
ingar við verðbréfafyrirtækið VBS og
hvers vegna týndust hlutabréf sem keypt
voru fyrir peninga sjóðsins?
Hér eru taldar upp aðeins nokkrar þær
ávirðingar sem stjórn sjóðsins fær í út-
tektarskýrslunni.
Stjórnarformaður eftirlaunasjóðsins til
margra ára, Lúðvík Geirsson, fyrrverandi
bæjarstjóri og núverandi þingmaður í
Suðvesturkjördæmi, skuldar Hafnfirð-
ingum skýringar á hörmulegri frammi-
stöðu sjóðsins og reyndar líka á bágri
fjárhagsstöðu bæjarsjóðs Hafnarfjarðar.
Eftir Rósu
Guðbjartsdóttur »Hvor leiðin
sem yrði farin
eða blanda af þeim
tveimur hefur alvar-
legar afleiðingar
fyrir íbúa Hafn-
arfjarðar og bætist
ofan á aðra fjárhags-
erfiðleika sem bær-
inn á við að etja. Rósa Guðbjartsdóttir
Höfundur er bæjarfulltrúi
Sjálfstæðisflokksins í Hafnarfirði.
Óreiða í Eftirlauna-
sjóði starfsmanna
Hafnarfjarðarbæjar