Morgunblaðið - 17.02.2012, Page 38

Mannbætandi Leikhópurinn Kviss búmm bang setur
upp sýninguna Hótel Keflavík þar sem gestir dvelja
á Hótel Keflavík í 22 tíma og leysa ýmis verkefni.
Árni Matthíasson
arnim@mbl.is
Leikhópurinn Kviss búmm bang setur upp
óvenjulega sýningu í Hótel Keflavík í kvöld.
Þetta er þátttökuverk sem hefst á BSÍ í
Reykjavík og lýkur á sama stað sólarhring
síðar. Verkið heitir Hótel Keflavík.
Í frétt frá „framandverkaflokknum“ Kviss
búmm bang er verkinu lýst svo að við upphaf
þess á BSÍ kl. 14 á föstudag fái þátttakendur
leiðbeinandi handrit í hendur sem hver og
einn fylgi og leysi síðan verkefni þess út frá
sér sjálfum, en frá BSÍ er hann fluttur á Hót-
el Keflavík. Verkinu lýkur svo á kl. 14 á laug-
ardag þegar þátttakanda er skilað aftur á
BSÍ, en þá hefst önnur sýning þess sem
stendur til kl. 14. á sunnudag. Verkið verður
sýnt sex sinnum, tvívegis nú um helgina og
síðan tvær helgar til. Alls geta sex manns
tekið þátt í verkinu hverju sinni og sýning-
argestir, sem eru líka þátttakendur í því,
geta því ekki orðið nema 36. Miðinn kostar
7.500 kr. fyrir hvern og innifalin gisting á
Hótel Keflavík og matur.
Þær eru ósýnilegar
Verkið er sýnt í samstarfi við Steinþór
Jónsson, hótelstjóra Hótels Keflavíkur, og
Valgerði Guðmundsdóttur, framkvæmda-
stjóra menningarsviðs Reykjanesbæjar.
Kviss búmm bang er hópur þriggja sviðs-
listakvenna, Evu Bjarkar Kaaber, Vilborgar
Ólafsdóttur og Evu Rúnar Snorradóttur,
sem stofnuðu leikhópinn fyrir þremur árum.
Þær hafa sett upp verk hér á landi og erlend-
is, meðal annars á Wiener Festwochen, Bal-
tic Circle í Helsinki, Bonus Festival #1 í
Héde, Danslistahátíð Vilníusborgar og í New
York.
Hér heima settu þær upp Eðlileikana á Art
Fart-sviðslistahátíðinni og svo á LÓKAL
2009 þar sem fulltrúar Wiener Festwochen
sáu verkið og buðu þeim að koma með það til
Vínarborgar, en þaðan fór það til Berlínar.
Verkið Safari, námskeið í hegðun með hag-
nýtum æfingum fyrir þátttakendur, var svo
sett upp á dansleikverkhátíðinni Keðju
Reykjavík 2010, sem er eina verkið sem þær
koma fram í sjálfar, og svo settu þær upp The
Great Group of Eight á LÓKAL sama ár.
Framleiðandi Kviss búmm bang og leik-
stjóri Hótels Keflavíkur er Ragnheiður
Skúladóttir. Hún segir að þær Eva Björk,
Vilborg og Eva Rún taki á móti þátttak-
endum á BSÍ þegar leikverkið hefst, en síðan
sjái þeir þær ekki aftur fyrr en þær kveðja
þátttakendur á Hótel Keflavík daginn eftir,
„þær eru ósýnilegar, sem er dæmigert fyrir
þær“, segir hún. Að verkinu koma fjölmargir
aðrir en þær. „Það hljómar kannski einfalt að
dvelja á Hótel Keflavík í 22 tíma, en alls
koma um 20-30 manns að verkinu og aðstoða
við að leysa þau verkefni sem leysa þarf á
þessum tíma.“
Gestum kippt úr sambandi við eigið líf
Ragnheiður segir að gesturinn verði
margs vísari um sjálfan sig á þessum tíma,
enda verður hann algerlega án tímaskyns, án
peninga og samskiptatækja, allt er tekið af
honum í upphafi verksins, og hann hefur
enga afþreyingu aðra en þá sem boðið er upp
á í verkinu, það megi segja að honum sé kippt
út úr sambandi við sitt daglega líf. „Þetta er
óvenjulegt verk að því leyti að það eru ekki
neinir áhorfendur að því, aðeins þátttak-
endur,“ segir Ragnheiður, en hún tók einmitt
þátt í generalprufu og veit því vel um hvað
málið snýst. „Þetta var 24 tíma törn sem
breytti lífi mínu, og þó er ég framleiðandi
verksins og þekki til þeirra. Það má segja að
ég hafi ekki fattað það fyrr en ég var að
slökkva á símanum mínum hvað ég væri að
fara út í. Eftir að hafa gengið í gegnum verk-
ið finnst mér það gjörsamlega mannbætandi,
– þótt ég sé kannski ekki betri er ég allavega
önnur manneskja.
Viðfangsefni Kviss búmm bang er alltaf
spurningin um hver hin hliðin sé á því sem
við lítum á sem eðlilegt og af hverju við segj-
um að sumt sé eðlilegt og annað ekki. Í öllum
verkum þeirra þarf maður að líta inn á við og
gengur frá verkinu með þekkingu á sjálfum
sér.“
„Gjörsamlega mannbætandi“
 Leikhópurinn Kviss búmm bang setur upp Hótel Keflavík í Hótel Keflavík  Sex gestir taka þátt í
hverri sólarhringsuppfærslu  Aðeins sex sýningar fyrirhugaðar  Engir áhorfendur, aðeins þátttakendur
38 MENNING
MORGUNBLAÐIÐ FÖSTUDAGUR 17. FEBRÚAR 2012
Katrín Sigurðardóttir myndlist-
arkona verður fulltrúi Íslands á
Feneyjatvíæringnum á næsta ári.
Katrín mun vinna að undirbún-
ingi verkefnisins með tveimur sýn-
ingarstjórum, Mary Ceruti og Ilaria
Bonacossa. Sú síðarnefnda starfar á
Ítalíu og á að baki fjölbreyttan feril
á sviði sýningarstjórnunar en Car-
uty er framkvæmdastjóri og að-
alsýningarstjóri Sculpture Center í
New York.
Katrín er einn af virtustu lista-
mönnum sinnar kynslóðar hér á
landi og hafa verk hennar notið sí-
vaxandi athygli erlendis. Skemmst
er að minnast einkasýningar hennar
í Metropolitan-safninu í New York í
fyrra en hún hefur einnig haldið
einkasýningu í PS1 þar í borg og í
öðrum virtum sýningarstöðum í
Evrópu, Suður-Ameríku og í Banda-
ríkjunum.
„Það er mikill heiður að hafa verið
valin til þessa verkefnis, og ég mjög
ánægð með það,“ segir Katrín. Hún
segir að þær sýningarstjórarnir séu
rétt byrjaðar að huga að verkefninu.
„Þetta er hópverkefni og ég er búin
að fara tvisvar til Feneyja vegna
undirbúningsins og þær Ilaria og
Mary voru með mér í seinni ferð-
inni.“ Ekki hefur verið ákveðið hvar
sýning Katrínar verður í Feneyjum
og segir hún þá ákvörðun haldast í
hendur við hvernig verk hún vinnur.
Katrín verður
fulltrúi Íslands
Listakonan Sýning Katrínar Sigurðardóttur verður sett upp í Listasafni
Reyjavíkur eftir að Feneyjatvíæringnum lýkur á næsta ári.
 Tekur þátt í Feneyjatvíæringnum
Stefnuyfirlýsing Kviss búmm bang:
 Hið eðlilega, og þar af leiðandi hið
óeðlilega, er meginrannsóknarefni okk-
ar. Við teljum að setja megi spurning-
armerki við allt. Það gerum við með því
að skapa heim, samfélagslegan strúkt-
úr sem þátttakendur fara inn í og upp-
lifa.
Við viljum rýna í hvað liggur að baki
merkingum sem við gefum hlutum, at-
höfnum og orðum. Í stað þess að skoða
málin úr öruggri fjarlægð viljum fara inn
í aðstæður sem okkur finnst for-
vitnilegar og rannsaka þær innan frá.
 Við viljum færa leiklistina út í líf fólks
með því að fá það til að skuldbinda sig
til þátttöku í lengri tíma. Með því viljum
við gera verkin hluta af hversdagslegri
rútínu þátttakenda, einskonar fram-
lengingu á lífi þeirra, og þar með vekja
með þeim spurningar um þeirra eigin
raunveruleika.
Leiklistina í lífið
STEFNUYFIRLÝSING
–– Meira fyrir lesendur
Skólahreysti er starfrækt í um 120
grunnskólum landsins og í ár
taka um 720 nemendur
þátt í mótinu sjálfu.
Þetta er einn vinsælasti
íþróttaviðburður sem
grunnskólakrakkar taka þátt í.
NÁNARI UPPLÝSINGAR:
Katrín Theódórsdóttir,
sími 569 1105, kata@mbl.is og
PÖNTUN AUGLÝSINGA:
Fyrir kl. 12, fimmtudaginn 23. febrúar.
Skólahreysti
SÉRBLAÐ
Þann 28. febrúar gefur
Morgunblaðið út sérblað
tileinkað Skólahreysti
sem hefst 1. mars 2012.