Morgunblaðið - 09.03.2012, Síða 10

H
vort sem það er kreppa
eða góðæri, börnin á
heimilinu ótal mörg eða
aðeins eitt, þá getur ald-
eilis borgað sig að halda
fermingarveisluna með hagkvæmum
hætti.
María Sigurbjörnsdóttir er hagsýn
húsmóðir í Vestmannaeyjum. Hún
kann ýmis brögð í eldhúsinu enda
einn af forkólfum Kvenfélagsins
Líknar sem þekkt er fyrir gott bakk-
elsi. María lét á síðasta ári ferma barn
númer tvö og eru þá tvö eftir sem
verða fermd á næstu árum. Hún náði
síðast að útbúa veislu sem féll mjög
vel í kramið hjá gestunum án þess að
kosta nein ósköp, og líka án þess að
kosta mikla vinnu.
„Það eina sem fermingardreng-
urinn vildi ráða var valið á tertunni.
Honum leist best á ístertu frá Kjörís.
Tertan var mjög flott á veisluborðinu
og ekki dýr. Síðan keyptum við hum-
arsúpu frá Grími kokki. Grímur gerir
afskaplega góða súpu, en við gerðum
hana ögn að okkar, bættum við
rjóma, kryddjurtum, smjörsteiktum
humar og öðru góðgæti. Handa þeim
sem ekki vildu humarsúpu út-
bjuggum við síðan koníaksbætta
sveppasúpu,“ segir María. „Hjá Vil-
bergsbakaríi lét ég baka fyrir mig
svokallað partíbrauð, mjög gott súpu-
brauð úr mörgum litlum kúlum sem
mynda hring. Hvert brauð kostar svo
lítið að það tekur því ekki að baka það
sjálfur. Við höfðum svo salat sem
meðlæti.“
Með ístertunni var framreiddur
heimagerður ís, dóttirin á heimilinu
bakaði súkkulaðitertur og fjölskyldu-
vinur útbjó Rice Crispies-bita. María
gerði litlar vatnsdeigsbollur með fyll-
ingu og kransakökumola. Drykkjar-
föngin voru gos og kaffi. „Ég fékk svo
góða vinkonu mína til að standa vakt-
ina í eldhúsinu, svo ég gæti notið
veislunnar með gestunum. Ég kem
svo til með að gjalda greiðan þegar
hún fermir næst eða heldur veislu.
Útkoman af þessu öllu varð ósköp ljúf
veisla og allir kvöddu mjög sáttir.“
Eldað með góðum fyrirvara
Matseldin var líka þannig að María
gat haft flestallt klárt daginn áður.
„Við vorum með súpurnar klárar en
þurftum bara að gæta þess að láta
humarinn ekki út í fyrr en skömmu
fyrir veisluna svo hann yrði ekki seig-
ur. Einnig þurfti að geyma sveppa-
súpuna rétt svo hún myndi ekki
súrna,“ útskýrir María og segir það
gott ráð að halla sveppasúpupottinum
agnarögn í kælinum og loka ekki
Hélt 100 manna veislu fyrir 80.000 kr.
Sáttur Fermingardrengurinn vildi endilega bjóða gestum ístertu.
pottinum alveg með pottlokinu. „Um-
gjörðin var frjálsleg og þægileg og í
stað þess að þurfa að sitja yfir mar-
gréttuðu veisluborði gátu gestir verið
á hreyfingu og skrafað við fjölda
fólks. Utanumhaldið var svo einfalt að
við fjölskyldan gátum verið allan tím-
ann með gestunum og notið dagsins.“
Veislan var í stærra lagi og telst
Maríu til að um hundrað manns hafi
komið í félagsheimili björg-
unarfélagsins þennan daginn. „Ég
reiknaði vandlega útgjöldin við mat-
arinnkaupin og fékk það út að veiting-
arnar kostuðu í kringum 80.000 kr.
eða um 800 kr. á hvern gest.“
Skammtastærðir flæktust ekki
mikið fyrir og María var óhrædd við
að eiga afganga. „Við héldum nefni-
lega annað 40 manna matarboð fyrir
nánustu fjölskyldumeðlimi næsta dag
og komu umframsúpur og -kökur úr
fermingarveislunni þá í góðar þarfir.“
Um það hvort næsta ferming verð-
ur með sama sniði getur María engu
lofað. Hún kveðst hafa sloppið mjög
vel þegar hún fermdi fyrsta barnið,
en þá vantaði tíu daga í að fjölgaði í
fjölskyldunni svo vinkvennahópurinn
hljóp undir bagga og tók að sér mat-
seldina og baksturinn. „Það er auðvit-
að margt gott við að halda einfalda
súpu- og kökuveislu, en ég get líka al-
veg séð að það er ekki amalegur kost-
ur hreinlega að kaupa alla veisluna og
láta fagmenn um allt skipulagið og
matseldina.“
ai@mbl.is
Bjó þannig um hnútana að
matseldin truflaði ekki
fermingardaginn. Súpur og
heimilislegur bakstur ein-
faldaði vinnuna til muna
10 | MORGUNBLAÐIÐ
Fljótgerð hvítlauksbrauð
Fyrir átta manns.
2 snittubrauð
100 g smjör
2-3 hvítlauksgeirar, marðir
1 dl steinselja, fínt söxuð
1 msk. timjan, fínt saxað
Smjör, hvítlaukur og krydd hrært
vel saman. Skurður gerður í snittu-
brauðin langsum, samt ekki í gegn.
Kryddsmjörinu jafnað þar í.
Brauðin bökuð við 225°C í ca. 10
mínútur. Borin fram heit.
Hægt að útbúa brauðin daginn áð-
ur, pakka vel inn og geyma í kæli.
Hátíðarpottréttur
Pottréttir eru alltaf vinsælir og úr
mörgu að velja í þeim efnum. Hér er
einn sem fljótlegt er að matbúa, auk
þess sem hann smakkast mjög vel.
Fyrir 8 manns.
Hráefni
1 kg lamba- eða nautakjöt, beinlaust
300 g perlulaukur
½ dós sveppir ásamt vökva
3 msk. matarolía
2 msk. smjör
2 tsk. salt
1 tsk. pipar
1 tsk. karrí, milt
1 tsk. hvítlauksduft, má sleppa
1 tsk. paprikuduft
1 dós tómatmauk
2 dl vatn
2 dl rauðvín eða 4 dl vatn (gjarnan með
kjötkrafti í)
2 grænar paprikur
3-4 dl rjómi
Aðferð Kjötið skorið í teninga og
brúnað létt á pönnu í heitri olíunni.
Kjötið fært yfir í pott.
Smjörinu bætt á pönnuna og lauk-
ur mýktur þar í. Settur saman við
kjötið. Vatni og rauðvíni hellt í pott-
inn ásamt kryddi, tómatmauki og
sveppum bætt út í. Látið malla í 20
mín. (lamb) eða 30 mín. (naut).
Paprikurnar skornar í ræmur og
settar út í ásamt rjómanum og látið
malla í 10-15 mínútur í viðbót.
Smakkað til með salti og pipar.
Borinn fram með soðnum hrís-
grjónum, salati og smábrauði eða
hvítlauksbrauði. Í stað niðursoðinna
sveppa má að sjálfsögðu nota ferska,
ca. 1 bakka og nota aðeins meira
vatn í soðið. Pottréttinn má frysta.
Kvenfélagasamband Íslands starfrækir Leiðbeiningastöð
heimilanna og veitir þar faglega ráðgjöf um allt sem við-
kemur matseld og heimilishaldi. Á vefnum www.leidbein-
ingastod.is hefur verið safnað saman alls kyns hagnýtum
upplýsingum en einnig má hringja í gjaldfrjálsa símaþjón-
ustu mánudaga, þriðjudaga og fimmtudaga milli kl. 10 og
14, í síma 552-1135.
Uppskriftirnar hér til hliðar eru fengnar úr safni Eyglóar
Guðjónsdóttur, forstöðumanns Leiðbeiningastöðv-
arinnar, en að auki tók Eygló saman nokkur hollráð fyrir
fermingarveisluna:
Góð veisla undirbúin
„Að mörgu þarf að huga þegar ferming er framundan í
fjölskyldunni. Hvernig veislu skal halda? Á hvaða tíma
dagsins? Verður veislan í heimahúsi eða að heiman?
Áætla þarf svo fjölda veislugesta og senda út boðskort,“
segir Eygló. „Úr mörgu er að velja og fer tegund og um-
gjörð veislunnar eftir því hvað fjölskyldunni hentar best.
Það eru ekkert endilega bestu veislurnar þar sem mestu
er kostað til. Tilgangurinn er fyrst og fremst að koma
saman og njóta dagsins með fermingarbarninu, fjölskyldu
og vinum. Og umfram allt á fermingarbarnið sjálft að vera
með í ráðum, sérstaklega þegar velja skal veitingarnar.“
Eygló segir mikilvægt að skipuleggja undirbúning veisl-
unnar með góðum fyrirvara, t.d. gera einn innkaupalista
yfir það sem hægt er að kaupa og vinna fyrirfram og ann-
an yfir það sem þarf að kaupa þegar nær dregur. „Margt
er hægt að útbúa með góðum fyrirvara og frysta, s.s. baka
kökur, brauð og útbúa pottrétti. Gera þarf lista yfir borð-
búnað og annað sem hægt er að fá að láni til veislunnar ef
hún er haldin heima, ákveða borðskreytingar og panta
servíettur og kerti. Ekki sakar að fá fjölskyldu og vini með
sér í undirbúninginn því margar hendur vinna létt verk.“
Tímasetning veislunnar segir Eygló að fari svo eftir því
hvaða tegund veislu verður fyrir valinu. Dögurður
(brunch) er á bilinu kl. 11-13, hádegisverður kl. 12-14, eft-
irmiðdagskaffiboð kl. 13-17, smáréttahlaðborð kl. 17-19 og
kvöldverðarboð kl. 18-21.
ai@mbl.is
Gefa ómetanleg ráð við matseldina
Samvera Fjölskyldan saman á fermingardaginn. María, maður hennar Adolf Þórsson og börnin fjögur. María
er ættuð frá Fáskrúðsfirði en kom til Vestmannaeyja á eina vertíð 1986 og hefur verið þar síðan.
SKÓLAVÖR‹USTÍG 6B - SÍMI 562 6999
FERMINGARFÖT
Á MÆÐGURNAR
www.marialovisa.com