Morgunblaðið - 09.03.2012, Page 34

34 | MORGUNBLAÐIÐ
Á
hvítasunnudag, 7. júní 1992,
gekk lítill og feiminn piltur inn
kirkjugólfið á Tálknafirði. Stór
dagur var runninn upp í lífi
Bjarna Snæbjörnssonar. „Á
Tálknafirði var alltaf fermt á hvítasunnu,
því algengt var að ófært væri út í kirkju
frá sjálfum bænum um páska. Svo var auð-
vitað von á fólki úr Reykjavík og líklegra
að fleiri gestir gætu séð sér fært að mæta
að sumri til.“
Bjarni er í dag eftirsóttur leikari en
hann segist hafa verið allt annað en fram-
bærilegur fermingardrengur, og sé raunar
enn ósköp feiminn þó það sjáist ekki eins
vel og þá. „Í minningunni er þetta góður
dagur og sólríkur. Gaman var að fá alla
þessa ættingja í heimsókn og smakka allar
góðu veitingarnar. Haldið var gamaldags
hnallþóruboð að minni ósk, og kökur allan
hringinn.“
Trúarhitinn hvarf
Bjarni man að hann var fótbrotinn á
meðan á fermingarfræðslunni stóð, og
hann man líka að hann tók ferminguna
mjög alvarlega. „Ég var rosalega trúaður,
en svo var eins og trúarsannfæringin hyrfi
strax eftir athöfnina. Ég hafði heyrt um
fólk sem missti tengslin við trúna eftir
fermingu, en í mínu tilviki gerðist það nán-
ast samstundis,“ segir hann. „Eftir á að
hyggja held ég að það gæti verið betra að
ferma börn seinna. Fyrir marga er þetta
stór ákvörðun að taka, með ekki meiri
þroska til að byggja á, og ég held að ef ég
hefði tekið ákvörðunina ári eldri hefði ég
sennilega ekki látið ferma mig.“
Í veislunni sjálfri var Bjarni ögn hlé-
drægur, en foreldrar hans tóku að sér
gestgjafahlutverkið á meðan ferming-
arbarnið lét ekki of mikið á sér bera. „Við
höfðum farið í innkaupaferð til Amst-
erdam páskana áður og þar fékk ég ferm-
ingarfötin: dökkfjólubláan jakka, skó í stíl
og svartar buxur. Þetta var rosalega
„nineties“ og mér fannst ég ógeðslega
flottur.“
Stóra fermingargjöf Bjarna var nýtt
rúm til að sofa í. „Ég man að ég fékk frek-
ar lítinn pening miðað við hina krakkana í
plássinu en ég var sáttur Við þurftum
heldur ekki miklar gjafir, enda löngu farin
að vinna langa daga í fiskvinnslunni. Ég
man að við fermingarbarnahópurinn tók-
um vinnuna svo alvarlega að við gættum
þess að biðja mjög tímanlega um frí frá
saltfiskverkuninni til að geta örugglega
látið ferma okkur,“ segir Bjarni. „Sú gjöf
sem nýttist mér sennilega best var teppi
sem ég fékk, voða fínt en ekkert sér-
staklega merkilegt. Þetta teppi fylgdi mér
næstu 15 árin, hingað og þangað, og kom
oft í góðar þarfir.“
ai@mbl.is
Feiminn sveitastrákur í fjólubláu
Morgunblaðið/Ómar
Töffari Hárgreiðslan segir Bjarni hafa verið fengna beint úr Parker Lewis Can’t Lose þáttunum.
Breytingar Bjarni var að eigin sögn mjög trúaður á fermingardaginn og tók athöfnina alvarlega en trúin bráði nánast samdægurs af honum.
’Bjarni man að hann varfótbrotinn á meðan áfermingarfræðslunni stóð,og hann man líka að hanntók ferminguna mjög alvar-
lega. „Ég var rosalega trúað-
ur, en svo var eins og trúar-
sannfæringin hyrfi strax eftir
athöfnina
Stelling Fermingarfötin keypti fjöl-
skyldan í ferðalagi til Amsterdam.
Bjarni Snæbjörnsson leikari
var fermdur að sumri svo
ættingjar hans fyrir sunnan
ættu auðveldara með að kom-
ast alla leið vestur á Tálknafjörð
Fermingarveislur
H am r a b o r g – N ó a t ú n 1 7 – H r i n g b r a u t – A u s t u r v e r – G r a f a r h o l t
Veisluþjónusta nóatúns býður upp á úrval
af hlaðborðum fyrir fermingaveisluna
SÚPU- OGBRAUÐVEISLA
LÉTTARVEITINGAR
KALTVEISLUBORÐ
HAMBORGARHRYGGJAVEISLA
KALKÚNAVEISLA
LAMBAVEISLA
Fyrir ítarlegri upplýsingar um samsetningu veislurétta er hægt að kíkja áwww.noatun.is
2100
Á MANN
AÐEINS
VERÐ FRÁ