Morgunblaðið - 21.04.2012, Side 32

32
MORGUNBLAÐIÐ LAUGARDAGUR 21. APRÍL 2012
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Stuðnings-menn að-ildar Ís-
lands að Evrópu-
sambandinu hér á
landi leggja mikið
á sig við að reyna
að útskýra fyrir landsmönnum
að ekkert í samskiptum Ís-
lands og ESB geti tengst yfir-
standandi aðildarviðræðum.
Þeir sjá ekkert athugavert við
að ESB gerist með ósvífnum
hætti aðili að málsókn gegn
Íslandi og reyni með því að
skaða hagsmuni landsmanna
eins og sambandinu frekast er
unnt.
Þeir sjá heldur ekkert að
því að Evrópusambandið hóti
viðskiptaþvingunum gegn Ís-
landi vegna deilunnar um
makrílinn, þar sem þetta séu
„ótengd mál“.
Hljómurinn í „röksemdum“
stuðningsmanna ESB verður
þó æ holari eftir því sem tím-
inn líður og Evrópusambandið
snýst harðar gegn Íslandi.
Þetta sjá allir og jafnvel þeir
sem hafa hingað til kosið að
setja kíkinn fyrir blinda augað
geta ekki látið sem þeir sjái
ekki tengslin þegar þingmenn
í sjávarútvegsnefnd Evrópu-
þingsins hafa nú farið fram á
að aðildarviðræður við Ísland
verði stöðvaðar vegna makríl-
deilunnar.
Fyrir liggur að þessir þing-
menn hafa gengið á fund Stef-
ans Füle stækkunarstjóra
með þessa kröfu og að hann
sagði þeim að málið væri til
meðhöndlunar á æðstu stöðum
innan framkvæmdastjórn-
arinnar, að hann hefði skilning
á málinu og að hann vildi að
lausn yrði fundin.
Það var þess vegna sér-
kennilegt að sjá í
fyrirspurnartíma á Alþingi í
gær að enn skuli vera til ís-
lenskir þingmenn sem láta
eins og ekkert hafi í skorist.
Og þessir þingmenn eru ekki
bara í sértrúarsöfnuðinum í
Samfylkingunni heldur einnig
í Vinstri grænum.
Ragnheiður Elín
Árnadóttir spurði
varaformann þess
flokks hvort hún
teldi að þrátt fyrir
þetta ætti að halda
viðræðum við Evr-
ópusambandið áfram eins og
ekkert hefði gerst og fékk það
staðlaða samfylkingarsvar að
halda ætti makríldeilunni utan
við aðlögunarferli Íslands að
ESB. Katrín Jakobsdóttir
sagðist vita af kröfugerð evr-
ópuþingmannanna til Füle en
taldi enga ástæðu til við-
bragða af Íslands hálfu og
sagðist þrátt fyrir þetta telja
málin ótengd.
Hvernig á að vera hægt að
ræða jafn mikilvæg mál og að-
lögunarferli Íslands að ESB
eða rík hagsmunamál á borð
við makríldeiluna, þegar ráð-
herrar Samfylkingar og
Vinstri grænna hafa kosið að
loka báðum augum fyrir um-
heiminum og neita að láta
staðreyndir hafa áhrif á sig?
Það er auðvitað ekki nokkur
leið. Þegar þingmenn koma
upp í ræðustól Alþingis og
segjast telja að makríldeilan
og ESB séu ótengd mál þrátt
fyrir að sá sem rætt er við telji
þau nátengd og tvinni þau
saman í kröfugerðum þá er
útilokað að vitrænar umræður
geti átt sér stað.
Um leið vaknar spurningin
hvernig hægt er að útskýra
þessa blindu stórs hóps þing-
manna, ekki síst þingmanna
Vinstri grænna. Hvað veldur
því að þeir neita að sjá hið
augljósa? Er svarið að finna í
löngun þeirra til að stofna til
kosningabandalags með Sam-
fylkingunni fyrir næstu kosn-
ingar eða jafnvel að sameina
flokkana? Ætla þessir þing-
menn Vinstri grænna að fórna
helsta baráttumáli sínu frá
síðustu kosningum til að fá að
skríða upp í hjá Samfylking-
unni? Getur verið að þeir ætli
að fórna eigin flokki fyrir
þátttöku í sértrúarsöfn-
uðinum?
Hversu langt ætla
þingmenn VG að
ganga í daðrinu við
Samfylkinguna?}
„Ótengd mál“
Viðskiptafræði-deild og hag-
fræðideild Háskóla
Íslands standa nú
fyrir ráðstefnu til
heiðurs dr. Þráni
Eggertssyni, pró-
fessor emeritus. Þetta er vel til
fundið enda Þráinn lengi verið
einn allra gleggsti hagfræð-
ingur þjóðarinnar og vakið at-
hygli langt út fyrir landstein-
ana. Í viðtali við Morgunblaðið
í gær segist hann telja „al-
gjörlega óskilj-
anlegt að þjóð sem
er allt að því á
barmi glötunar
skuli spila rúss-
neska rúllettu með
undirstöðugrein
eins og sjávarútveginn, með
óundirbúnu og vanhugsuðu
fikti með skatt- og gjaldheimtu
af greininni“.
Þegar Þráinn Eggertsson
talar af slíkum þunga ættu
ráðamenn að hlusta.
Stjórnvöld geta ekki
leyft sér að líta fram
hjá ábendingum
Þráins Eggertssonar}
Alvarleg athugasemd
Í
vikunni var gengið frá samningi milli
ríkisins og sveitarfélaganna á höfuð-
borgarsvæðinu þess efnis að ríkið
leggi til 900 milljónir á ári til almenn-
ingssamgangna á höfuðborgarsvæð-
inu næstu tíu árin. Markmið samningsins er
m.a. að auka hlutdeild almenningssamgangna í
heildarfjölda ferða á höfuðborgarsvæðinu
a.m.k. tvöfalt, úr 4% í 8%, en einnig stendur til
að hafa umhverfissjónarmið að leiðarljósi í
rekstrinum, t.d. þegar nýjum vögnum verður
bætt í flota Strætó bs. Á móti skuldbinda sveit-
arfélögin sig til að minnka ekki framlög sín til
málaflokksins og samþykkja að ekki verði ráð-
ist í umfangsmiklar samgöngumannvirkja-
framkvæmdir á höfuðborgarsvæðinu á samn-
ingstímanum.
Samningurinn verður m.a. til þess að hægt
verður að bæta þjónustu Strætó bs. og stendur raunar til
að ráðast í breytingar í þá átt strax í sumar og með aukn-
um krafti næsta haust. Stjórnendur fyrirtækisins hafa við-
urkennt að viðskiptavinir þess, notendur strætó, hafi kall-
að eftir þjónustuaukningu og m.a. óskað eftir því að
vagnarnir keyri lengur fram eftir á virkum kvöldum og
hefji akstur fyrr á morgnana um helgar. Þessu á að verða
við.
Stjórnendum Strætó bs. virðist þó einnig ljóst að leiðar-
kerfi Strætó, í núverandi mynd, mun aldrei uppfylla þær
kröfur sem gerðar eru til þess. Það verður aldrei nógu
skilvirkt né áreiðanlegt, ferðir aldrei nógu tíðar né stuttar
í tíma. Til þess þyrfti miklu meiri peninga,
fleiri vagna og fleira starfsfólk, en jafnvel þá
yrði þjónustan alltaf háð þeim takmörkum sem
gatnakerfi borgarinnar setur henni.
Til skemmri tíma litið virðist fátt hægt að
gera en stjórnendur Strætó bs. horfa nú til
framtíðar og vinna að smíði tíu ára áætlunar.
Það virðist ekki langur tími þegar litið er til
þess að almenningssamgöngur í Ósló t.d. eru
skipulagðar 50 ár fram í tímann en við byrj-
uðum seinna að horfa til þessara mála en
margar aðrar þjóðir og erum enn að læra. Á tíu
ára áætlun Strætó stendur raunar til að draga
lærdóm af langri reynslu nágrannaþjóða okk-
ar. Hefur í því samhengi m.a. verið horft til for-
gangsaksturs, hraðleiða og ekki síst til sveigj-
anlegs leiðarkerfis, þar sem bæði er leitast við
að mæta fjölbreyttum þörfum notenda al-
menningssamgangna og á sama tíma að hámarka nýtingu
ferða á jaðartímum með hagkvæmnissjónarmið að leið-
arljósi.
Kerfið er í dag að ýmsu leyti gallað og það getur verið
fáránlega flókið og tímafrekt að ferðast með strætó. Þetta
eru vagnstjórarnir fyrstir til að viðurkenna. Það á enn eft-
ir að koma í ljós hversu miklu þessi innspýting frá ríkinu á
eftir að skila en sé það raunverulegur vilji kjörinna full-
trúa að gera Strætó að raunhæfum valkosti og í leiðinni að
draga úr mengun og umferðarþunga á höfuðborgar-
svæðinu, er kominn tími til að hugsa út fyrir rammann.
holmfridur@mbl.is
Hólmfríður
Gísladóttir
Pistill
Strætó brunar inn í framtíðina
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
FRÉTTASKÝRING
Guðni Einarsson
gudni@mbl.is
Bókanir á gistirými eru orðnar fleiri
nú en á sama tíma í fyrra, að sögn
markaðsstjóra hótela. Nú þegar er
uppbókað á sumum hótelum á mesta
álagstímanum í sumar. Bók-
unarmynstrið hefur breyst frá því
sem áður var. Nú ber meira á því að
fólk ferðist á eigin vegum fremur en
í hópferðum og það bókar gistingu
með skemmri fyrirvara en áður.
Meira bókað en í fyrra
„Þetta lítur bara vel út,“ sagði
Aðalheiður E. Ásmundsdóttir,
markaðsstjóri Reykjavík Hotels, um
bókanir á komandi sumri. Keðjan
rekur þrjú hótel í höfuðborginni.
Aðalheiður sagði bókanir vera fleiri
en í fyrra og taldi það eiga almennt
við hjá hótelunum, enda sé það eðli-
leg afleiðing fjölgunar ferðamanna.
Hún sagði breytingu hafa orðið
á bókunum gistirýmis. „Ferðamenn
virðast bóka með miklu skemmri
fyrirvara en áður,“ sagði Aðalheiður.
Full bjartsýni
„Mér líst mjög vel á sumarið,“
sagði Hrönn Guðmundsdóttir,
markaðsstjóri Fosshótela. Hótelin
eru níu talsins, þar af tvö í Reykja-
vík. Hún sagði útlit fyrir betri nýt-
ingu gistirýmis nú en í fyrra.
„Landsbyggðin kemur mjög vel út
og Reykjavík hefur verið mjög góð
það sem af er ári. Það er töluverð
aukning á mörgum stöðum á land-
inu. Við getum ekki annað en verið
full bjartsýni,“ sagði Hrönn. Nokkur
hótel eru þegar fullbókuð í júlí og út-
lit fyrir góða aðsókn í ágúst og fram
í september.
Hrönn sagði ljóst að framboð á
flugferðum og verð skipti miklu fyr-
ir bókanir. „Við fögnum fleiri flug-
ferðum og lægra verði á flugi til
landsins,“ sagði Hrönn. Hún sagði
flesta erlendu gestina koma frá
Bretlandi, Bandaríkjunum, Þýska-
landi og Norðurlöndunum. Þá er
gestum frá Asíu, m.a. frá Japan og
Kína, einnig að fjölga.
Hrönn sagði það vera til skoð-
unar að opna nýtt Fosshótel í gömlu
Fiskiðjunni í Vestmannaeyjum.
Fosshótel gerðu tilboð í þrjár efstu
hæðir hússins með ýmsum fyr-
irvörum. Vestmannaeyjabær tók til-
boðinu, að sögn Eyjafrétta.is.
„Horfurnar eru góðar en við er-
um alltaf hóflega bjartsýn þar til allt
er komið í hús,“ sagði Hildur Ómars-
dóttir, markaðsstjóri Icelandair
Hotels. „Sumarið leggst vel í mig.
Það er hvergi farið að gjósa!“
Fullt á nýjasta hótelinu
Hótelin í Icelandair Hotels-
keðjunni eru alls 21 að tólf Eddu-
hótelum meðtöldum. Þar af eru þrjú
hótel í Reykjavík. Nýjasta viðbótin
er Reykjavík Marina, 108 herbergja
hótel sem var opnað síðasta vetr-
ardag. Hildur sagði það vera full-
bókað alla þessa helgi.
Hildur sagði það færast í vöxt
að einstaklingar bóki gistingu í stað
hópa. Á þessum tíma kemur í ljós
hvaða hópar sem hafa bókað sig
munu skila sér í gistingu. Hún sagði
algengt að ferðamenn bóki fyrstu og
síðustu nætur í Reykjavík eða Kefla-
vík og úti á landi þess á milli.
Álagstíminn í gistingu er
nú frá miðjum júní og alveg
fram í september. Þjóð-
verjar koma mikið fyrri
hluta sumars og fara í hring-
ferðir. Þegar líður á sumarið
fjölgar ferðamönnum frá
Suður-Evrópu. Bandaríkja-
menn eru tíðir gestir og
Bretar koma mikið í
stuttar borgarferðir
að vetri til.
Hótel þegar víða full-
bókuð á álagstímum
Morgunblaðið/RAX
Hótel Reykjavík Marina Gestir nýja hótelsins í gamla Slipphúsinu við
Reykjavíkurhöfn hafa slippinn í Reykjavík og höfnina fyrir augum.
„Ég ætlaði að halda alþjóðlegt
handboltamót í ágúst og var
búinn að fá tvö erlend lið og
ætlaði að fá það þriðja. Þetta
leit allt vel út þar til kom í ljós
að það var vonlaust að fá ódýra
gistingu,“ sagði Stefán Arn-
arson, handboltaþjálfari Vals.
Hann sagði um 20 manns
vera í hverjum liðshópi og því
hefði vantað gistingu fyrir um
60 manns. Stefán segir að for-
senda svona móts sé að fá
ódýra gistingu. Eftir könnun á
framboði á ódýru gistirými
komst hann að því að það
var mögulegt að fá gist-
ingu á Suðurnesjum en
ekkert á höfuðborg-
arsvæðinu.
Stefán sagði að með
gistingu fjarri höfuðborg-
inni hefði ferðakostn-
aður orðið of hár.
Mótið var því slegið
af.
Handbolta-
mót slegið af
ÓDÝR GISTING FANNST
EKKI Í HÖFUÐBORGINNI
Stefán Arnarson