Morgunblaðið - 19.06.2012, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 19. JÚNÍ 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Egill Ólafsson
egol@mbl.is
Thorsil ehf. hefur gert samkomulag
við Landsvirkjun um skilmála lang-
tímasamnings um raforkukaup fyrir
kísilmálmverksmiðju sem Thorsil
hyggst reisa og reka á Bakka við
Húsavík. Áætlaður framkvæmda-
kostnaður er 37 milljarðar og reiknað
er með að við verksmiðjuna starfi 158
starfsmenn.
Auglýsing um drög að matsáætlun
vegna kísilmálmverksmiðju á Bakka
við Húsavík var birt í dagblöðum í
gær. Í auglýsingunni kemur fram að
ársframleiðsla er áætluð 100 þúsund
tonn. Hákon Björnsson, fram-
kvæmdastjóri Thorsils, segir að for-
ráðamenn fyrirtækisins vilji eiga
möguleika á að stækka verksmiðjuna,
en í fyrsta áfanga sé eingöngu fyr-
irhugað að byggja verksmiðju sem
framleiði 53 þúsund tonn.
Samningurinn sem Thorsil og
Landsvirkjun gerðu er ekki endan-
legur orkusamningur, en hann verður
ekki gerður fyrr en búið er að binda
fleiri lausa enda.
Stjórnendur Landsvirkjunar hafa á
síðustu misserum sagt að þeir vilji
selja raforkuna á hærra verði en gert
hafi verið í síðustu samningum.
Magnús Bjarnason, forstöðumaður
markaðs- og viðskiptaþróunarsviðs
Landsvirkjunar, segir að Landsvirkj-
un sé sátt við verðið. Það sé í sam-
ræmi við markaða stefnu fyrirtækis-
ins.
Umhverfismat og fjármögnun
Hákon segir að samningurinn við
Landsvirkjun sé mikilvægur áfangi,
en enn sé eftir að hnýta ýmsa lausa
enda. Einn af þeim sé umhverfismat-
ið, en vinna við það tekur 10-11 mán-
uði. Síðan sé eftir að ganga frá fjár-
mögnun, en hann segir að Thorsil hafi
fengið jákvæð viðbrögð frá bönkum í
Evrópu og eins hér heima.
Órói hefur verið í efnahagslífi
heimsins og var Hákon spurður hvort
það hefði engin áhrif á þetta verkefni.
„Við höfum farið talsvert í gegnum
þetta með þeim sem við erum að ræða
við um kaup á málminum og eins við
þá sem vilja vera hluthafar. Þeir vilja
horfa lengra fram í tímann og sjá fyr-
ir sér að á þeim tíma sem verksmiðjan
fer af stað verði kominn bati á mörk-
uðum. Þetta eru aðilar sem aðallega
kaupa hráefni frá Kína og líta til þess
að hafa valkosti og geta keypt hrá-
efni bæði frá Kína og Evrópu.“
Magnús segir að orkan
komi úr kerfi Landsvirkjun-
ar. Hann segir að unnið sé að
virkjun jarðvarmaorku á
Norðausturlandi. Stefnt sé
að stækkun virkjunar í
Bjarnarflagi.
Thorsil og Landsvirkjun semja
 Auglýsing um drög að matsáætlun vegna kísilmálmverksmiðju á Bakka við Húsa-
vík birt í blöðum  Verksmiðjan kostar 37 milljarða, en framkvæmdir hefjast 2013
Reykjavíkurborg og Vegagerðin skipta á milli
sín slætti á um 400 ha svæði í Reykjavík. Minni
spretta hefur verið í ár sökum þurrkatíðar en
engu að síður má víða sjá hátt gras í borginni.
Á árunum 2008 -2011 lækkuðu framlög til
grassláttar í borginni. Svo dæmi sé tekið var
kostnaður vegna grassláttar árið 2008 um 230
milljónir, á árinu 2009 var hann 170 milljónir
og árið 2010 var hann kominn í 140 milljónir. Í
fyrra var 146 milljónum varið í slátt en gert er
ráð fyrir um 174 milljónum króna í þennan
málaflokk í ár.
Morgunblaðið/Árni Sæberg
Skipta á milli sín slætti á 400 hekturum
„Þetta er samkvæmt þeim
áformum sem við höfum lagt
upp með. Við höfum átt ágætis
samvinnu fram að þessu en nú
er komin meiri alvara í málið,“
segir Bergur Elías Ágústsson,
bæjarstjóri Norðurþings, og
bætir við að áfram verði unnið
að þessu máli. Thorsil á í við-
ræðum við Norðurþing um leigu
á lóð undir verksmiðjuna og seg-
ir Bergur Elías þær ganga ágæt-
lega. „Það eru komin drög að
samningum, síðan munum
við hitta þá fljótlega.“
Komin meiri
alvara í málið
VERIÐ AÐ SEMJA UM LÓÐ
Bergur Elías
Ágústsson
Stefán Gunnar Sveinsson
sgs@mbl.is
Ítölsk seglskúta, Best Explorer, er í Reykja-
víkurhöfn, en hún er á leiðinni frá Tromsö í
Noregi til Aljútaeyja í Alaska. Er ætlunin sú
að fara norðvesturleiðina norður fyrir Kan-
ada, en hún var lengst af illfær sökum lofts-
lags. Leiðangursstjórinn Nanni Acquorone
segir að hending ein hafi ráðið því að ákveðið
var að ráðast í þessa ferð, en hann er þraut-
reyndur sjómaður og hefur siglt um heim-
skautahöfin síðastliðin ár: „Ég var í Tromsö
þar sem sonur minn býr að leggja á ráðin um
það að sigla í hlýrra loftslagi í Kyrrahafinu.
Þá hafði ég vingast við nokkra sem höfðu
siglt þessa leið áður og því fékk ég þá hug-
mynd að best væri að fara norðvesturleiðina
til Kyrrahafsins. Það var ekki fyrr en síðar
sem ég uppgötvaði að ég og áhöfn mín yrðum
fyrstu Ítalirnir sem myndu sigla þessa leið.“
Ítalirnir fengu gott ferðaveður fyrstu tvo
dagana frá Tromsö og suður fyrir Lófóten,
en þaðan var mjög erfitt í sjóinn. Um leið og
náð var til Íslands varð veðrið gott aftur.
Eiginlega of gott, þar sem vind lægði svo
mikið að Ítalirnir neyddust til að nota vélar-
aflið meira en þeir vildu á leiðinni frá Ísafirði
til Reykjavíkur. Acquorone segir það hafa
verið erfitt fyrir hina í áhöfninni að hrista af
sér ímyndina af norðurslóðum sem köldum
stað, en síðustu dagar hafi afsannað það.
Vingjarnleg þjóð
Leiðangurinn hefur stuttan stans í Reykja-
vík og notar tímann hér til að útvega sér
vistir fyrir afganginn af ferðinni, en skútan
lætur úr höfn á hádegi í dag. Munu Ítalirnir
ferðast með Grænlandsströndum að Lancas-
ter-sundi og fylgja þaðan strandlínu Kanada
að Alaska, en áfangastaðurinn er á Aljútaeyj-
um.
Aðspurður hvernig áhöfninni falli Ísland í
geð segir Acquorone: „Ég er hugfanginn af
Íslandi, bæði af landinu sem er einstakt og
þjóðinni sem er mjög vingjarnleg. Ef ég væri
yngri myndi ég jafnvel hugsa mér Ísland til
fastrar búsetu.“
Skútan er bundin fyrir aftan Hörpuna.
Acqarone segir að Ítölunum hafi ekki litist á
blikuna í fyrstu: „Hvaða ferlíki var nú þetta?
Það var ekki fyrr en um kvöldið þegar sólin
settist, og Reykjavík var öll slegin gylltum
roða og særinn endurspeglaðist í gler-
hjúpnum að við sáum fegurðina við þetta hús.
Hvílíkt útsýni!“
Seglskúta á norðvesturleiðinni
 Ítalskir sæfarar gerðu stuttan stans á Ísafirði og í Reykjavík á leið sinni til Alaska  Verða fyrstu
Ítalirnir til að sigla norðvesturleiðina  Áhöfnin „hugfangin“ af Íslandi og íslensku þjóðinni
Morgunblaðið/ Árni Sæberg
Á leið til Alaska Hér sést áhöfn skútunnar Best Explorer. Ferðalangarnir eru á leiðinni til
Kyrrahafsins og hyggjast sigla norður fyrir Kanada. Fremstur í flokki er Nanni Acquorone.
Ómskoðun á konum með PIP-
brjóstapúða er nú lokið en alls fóru
350 konur í slíka skoðun hjá Leitar-
miðstöð Krabbameinsfélagsins frá
2. febrúar til 31. maí samkvæmt
upplýsingum landlæknis. Alls voru
208 af konunum með leka púða.
Þá voru 85 konur búnar að láta
fjarlægja púðana í byrjun þessa
mánaðar. Stjórnvöld buðu öllum
konum sem höfðu fengið PIP-
brjóstapúða hér á landi á árunum
1992-2010 að þeir yrðu fjarlægðir
með aðgerð á Landspítalanum.
Breska ríkisútvarpið greindi frá
því í gær að gelið sem notað var í
PIP-púðana væri ekki eitrað og yki
ekki hættu á heilsufarsvanda-
málum til langs tíma. Þetta var haft
eftir breskum heilbrigðisyfir-
völdum. Rannsóknir þeirra leiddu
hins vegar í ljós að púðarnir væru
tvisvar sinnum líklegri en aðrir til
þess að springa inni í líkama
kvenna. Líkur á því að PIP-púði
rofni eftir tíu ár í líkama konu eru
15-30%, samanborið við 10-14%
púða frá öðrum framleiðendum.
208 með
sprungna
PIP-púða
Framkvæmdir Bakki við Húsavík.