Morgunblaðið - 31.07.2012, Side 2

2 FRÉTTIRInnlent
MORGUNBLAÐIÐ ÞRIÐJUDAGUR 31. JÚLÍ 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
„Þetta er ævintýralega skemmti-
legt,“ segir Sesselja Traustadóttir,
íbúi við Laugarnesveg 57, en við
húsið stendur stoppistöð Strætó.
Íbúar hverfisins tóku sig til á dög-
unum og búa nú til sitt eigið torg
við biðstöðina. Á myndinni má sjá
vasklega karla og konur hlaða vegg
úr streng og grjóti sem ætlaður er
strætófarþegum til framtíðar.
„Það er mikið um að skólar, leik-
skólar og frístundanámskeið taki
vagninn héðan niður í bæ og með
tilkomu veggjarins býðst sýnishorn
úr ekta íslenskri náttúru til að príla
eða sitja á meðan beðið er eftir
vagninum,“ segir Sesselja. „Okkur
finnst svo gaman að færa sveitina
inn í borg með þessum hætti,“ bætir
hún við.
„Við fengum sérfræðinga í grjót-
hleðslu til liðs við okkur. Guðjón úr
Stokkum og steinum var okkur til
ráðgjafar og verkið höfum við unn-
ið í samstarfi við íslenskt grjót-
hleðslufyrirtæki sem heitir The
TurfNetwork.“
Eins og sjá má lét hundur Sess-
elju ekki tækifærið til að merkja
sér stoppistöðina úr loppum renna. Morgunblaðið/Árni Sæberg
Hlaða stein-
vegg strætó-
farþegum til
hæginda
Íbúar í Laugarneshverfinu láta hendur standa fram úr ermum og búa nú til sitt eigið torg
Björn Jóhann Björnsson
bjb@mbl.is
Sigurður Erlingsson, framkvæmda-
stjóri Íbúðalánasjóðs (ÍLS), segir
það ekki vera lögbundið hlutverk
sjóðsins að vera stór þátttakandi á
leigumarkaði, tilgangur sjóðsins sé
fyrst og fremst að veita lán til íbúða-
kaupa. Sjóðurinn líti svo á að hann sé
tímabundið á leigumarkaði og vinni
eftir ákveðinni áætlun til að losa sig
við þær fasteignir sem hann hefur
eignast. Alls er um 2.000 eignir að
ræða á öllu landinu.
Bæjarfulltrúar í Árborg hafa
gagnrýnt Íbúðalánasjóð fyrir að
setja ekki í leigu eða á sölu þær tómu
íbúðir sem hann á á Árborgarsvæð-
inu. Mikill skortur sé þar á leiguhús-
næði og eftirspurn mikil. Að sögn
Sigurðar er ÍLS með ríflega 50 eign-
ir í leigu í Árborg, 20 eru á söluskrá
og átta eru með öllu óíbúðarhæfar og
ekki hæfar til sölu. Um 50 íbúðir eru
tómar og var stór hluti þeirra í leigu
áður. „Síðan hefur endurnýjun verið
hröð, menn hafa ekki staldrað lengi
við í þessum íbúðum, sagt upp leigu
og farið. Eignirnar eru í slöku
ástandi og ekki hæfar á almennan
leigumarkað. Við þyrftum að leggja í
töluverðan kostnað við að koma þeim
aftur í leigu,“ segir Sigurður og
bendir á að helmingur þessara tómu
íbúða í Árborg séu þrjár blokkir sem
til standi að selja í heilu lagi með
haustinu. Áhugi sé til staðar á að
kaupa heilar blokkir. „Við erum að
leigja þarna allt sem við getum með
góðu móti leigt, annað er að koma á
sölu,“ segir Sigurður.
Hann segir
ÍLS hafa gert upp
íbúðir til að gera
þær söluhæfar,
einkum í Reykja-
vík, en lítið gert
af því á lands-
byggðinni. Meg-
inmarkmiðið sé
að selja íbúðirnar,
ekki leigja þær.
Eðlilega láti sjóð-
urinn mála íbúðirnar, skipta um
blöndunartæki og helstu nauðsynjar.
Verði kostnaðurinn meiri en það séu
íbúðirnar frekar settar á sölu en að
leigja þær út.
Að sögn Sigurðar eru íbúðir tómar
víðar en í Árborg, einna helst á Suð-
urnesjum. Þar sé offramboð á eign-
um, aðallega vegna Keilissvæðisins.
„Það sem er sérstakt við Árborg
er að þar erum við afgerandi leigu-
sali á svæðinu og eigum mun fleiri
íbúðir en á mörgum öðrum svæðum.
Við viljum ekki vera í ráðandi mark-
aðsstöðu sem leigusali þar sem við
erum helstu lánveitendur leigufélaga
með íbúðarhúsnæði. Það er óheppi-
legt ef við færum að ganga hart fram
í þessu efni, þannig að viðskiptavinir
okkar gætu setið uppi með tómar
eignir. Við viljum ekki hafa slík áhrif
á rekstur viðskiptavina okkar, enda
er það hlutverk sjóðsins samkvæmt
lögum að veita fyrst og fremst lán til
kaupa á íbúðarhúsnæði,“ segir Sig-
urður ennfremur. Hann vill glaður
setjast niður með þingmönnum Suð-
urlands, sveitarstjórnarmönnum og
fleirum til að útskýra í hvaða stöðu
sjóðurinn er.
Selja á þrjár blokkir í Árborg
 Íbúðalánasjóður segist vera tímabundið með íbúðir í leigu  Ekki hlutverk sjóðsins að vera í sam-
keppni við viðskiptavini sína  Íbúðir víðar tómar en í Árborg, m.a. á Suðurnesjum vegna offramboðs
Sigurður
Erlingsson
Helgi Bjarnason
helgi@mbl.is
Samkomulag sem sjávarútvegs- og
landbúnaðarráðherra hefur gert við
grænlensku landstjórnina heimilar
grænlenska loðnuskipinu Eriku að
landa makríl fjórum eða fimm sinn-
um hér á landi. Makríllinn er veiddur
í grænlensku fiskveiðilögsögunni.
Þegar Eriku var bannað að landa
makrílnum á Íslandi hafði Ane Han-
sen, sem fer með sjávarútvegsmál í
grænlensku landstjórninni, þegar
samband við íslensk stjórnvöld og
þrýsti á um breytingu. Erika hafði
þá veitt 550 tonn af makríl og landaði
aflanum í Færeyjum.
Síldarvinnslan í Neskaupstað á
þriðjung í útgerð Eriku og var ætl-
unin að landa makrílnum til vinnslu
þar, eins og skipið hefur áður gert.
Stjórnvöld töldu löndunina óheimila
og vísuðu í lög um veiðar og vinnslu
erlendra skipa í fiskveiðilandhelgi
Íslands þar sem fram kemur að skip-
um sem stunda veiðar úr fiskistofn-
um sem ekki hefur verið samið um
nýtingu á, eins og makrílstofninum,
sé óheimilt að koma til hafnar á
Íslandi.
Þrýstu á um breytingu
Sigurgeir Þorgeirsson, ráðuneyt-
isstjóri í sjávarútvegs- og landbún-
aðarráðuneytinu, staðfestir að sam-
komulag hafi náðst við grænlensku
landstjórnina um lausn málsins.
Henni hafi verið mikið í mun að fá að
landa hér. Veiðarnar séu í þeim til-
gangi að kanna útbreiðslu makríls í
grænlenskri fiskveiðilögsögu og það
torveldi verkefnið ef skipið fái ekki
að landa á Íslandi. Sigurgeir segir að
ráðherra hafi heimilað takmarkaðan
fjölda landana í þessum tilgangi,
fjórar eða í mesta lagi fimm á yfir-
standandi vertíð. Þá sé talið mikil-
vægt að halda góðum samskiptum
við nágrannaþjóðina.
Skynsamlegur millileikur
Gunnþór Ingvason, framkvæmda-
stjóri Síldarvinnslunnar, lítur á sam-
komulagið sem skynsamlegan milli-
leik og er sáttur við það í því ljósi.
Hann leggur hins vegar áherslu á að
gert verði samkomulag milli þjóð-
anna um gagnkvæmar heimildir til
löndunar.
Ljóst er að möguleikar Eriku til
makrílveiða skerðast töluvert því
mun lengra er að fara til löndunar í
Færeyjum eða á Grænlandi. Gunn-
þór segir að útgerðin haldi sínu striki
enda standi sterkir aðilar að henni.
Erika fær að landa nokkrum sinnum
 Könnunarveiðar
í grænlenskri
fiskveiðilögsögu
Ljósmynd/Markús Karl Valsson
Erika Grænlenska fiskiskipið hefur oft landað hér á undanförnum árum.
Maður lést þegar bifreið sem hann
ók lenti út af veginum á Steingríms-
fjarðarheiði seint í fyrrakvöld.
Tveir farþegar voru fluttir með
sjúkrabíl og þyrlu á slysadeild
Landspítalans í Reykjavík. Annar
var í lífshættu í gærkvöldi en hinn
er úr hættu.
Slysið varð á Djúpvegi, í Norðdal
sem er Steingrímsfjarðarmegin á
heiðinni. Ökumaðurinn var íslensk-
ur karlmaður. Hann var látinn þeg-
ar að var komið. Farþegarnir voru
erlendir ferðamenn.
Lögreglan á Vestfjörðum og
Rannsóknarnefnd umferðarslysa
vinna að rannsókn á tildrögum
slyssins.
Ökumaður lést og
farþegi í lífshættu
eftir slys á Ströndum
Tveir menn stálu
söfnunarbauk úr
Árbæjarkirkju
um áttaleytið í
gærkvöldi. Sam-
koma var í kirkj-
unni og húsið því
opið. Sást til
tveggja ungra
manna fara inn
og hverfa með baukinn. Lögreglan
á höfuðborgarsvæðinu leitaði
mannanna í gærkvöldi.
Ekki liggur fyrir hversu mikið fé
var í söfnunarbauknum.
Stálu söfnunarbauk
úr Árbæjarkirkju
Íbúðalánasjóður á um 2.000
fasteignir sem hann hefur þurft
að leysa til sín víða um land, þar
af eru um 900 í útleigu. Um 500
íbúðir eru annaðhvort komnar á
sölu eða á leiðinni til þess. Ríf-
lega 300 eru á byggingarstigi
og aðrar íbúðir, eða um 300, eru
því ýmist tómar eða óíbúðar-
hæfar. Markmið ÍLS er að losna
við þessar 2.000 íbúðir.
900 í leigu
af um 2.000
ÍBÚÐIR Í EIGU ÍLS