Morgunblaðið - 31.07.2012, Blaðsíða 15

VIÐTAL
Helgi Bjarnason
helgi@mbl.is
„Öll okkar orka hefur farið í að laga
húsið og við höfum ekki haft tíma til
að vinna úr þeim fjölda hugmynda
sem upp hafa komið,“ segir Stein-
gerður Jóhannsdóttir sem ásamt
manni sínum, Árna Emanúelssyni,
er að gera upp gamla íshúsið í
Krossavík við Hellissand, Hvíta-
húsið. Þau hafa opnað sýningarsal
og minjagripasölu í húsinu og eru
að innrétta listamannaíbúð. Hvíta-
húsið verður því listhús.
Þau festu kaup á húsinu fyrir
þremur árum en það hafði staðið
autt í áratugi. „Við förum oft í
gönguferðir hingað í Krossavík og
fylgdumst með þessu fallega og
traustbyggða húsi sem vindurinn
blés í gegnum. Við biðum eftir að
einhver gerði eitthvað í málinu en
þegar það gerðist ekki föluðumst
við eftir því til kaups,“ segir Stein-
gerður. „Við erum haldin húsaham-
ingju,“ bætir Árni við og vísar til
þess að þau hafa lengi unnið við að
gera upp gömul hús í frístundum.
Þau áttu húsbíl og fóru mikið um
landið en fundu þörf fyrir að eign-
ast fastan samastað. „Okkur lang-
aði að eignast sumarhús við sjó-
inn,“ segir Steingerður. Þau festu
kaup á gömlu húsi á Hellissandi til
að gera upp og hafa raunar gert
upp annað hús á staðnum. Þau
dvelja þar mikið á sumrin.
Verið að innrétta íbúð
Steingerður er áhugaljósmynd-
ari og Snæfellsjökull og allt um-
hverfið í Krossavík togar hana til
sín.
Frá upphafi var það ásetningur
þeirra hjóna að veita öðru listafólki
aðgang að þessu fallega umhverfi
og því er tilgangurinn að koma upp
listhúsi.
Þau eru komin vel á veg með við-
gerðir á húsinu og hafa opnað sýn-
ingarsal og minjagripasölu. Í and-
dyrinu er lítil sýning um afa Árna,
Gísla Stefánsson útvegsbónda og
oddvita á Hellissandi. Þá eru þau að
vinna í að innrétta listamannaíbúð á
efri hæðinni. Listafólkið getur búið í
húsinu, unnið og jafnvel haft sýn-
ingar á verkum sínum. Sjálf er
Steingerður með sýningu á ljós-
myndum í húsinu í sumar.
Þau stefna að því að ljúka við-
gerðum fyrir áramót enda eru
fyrstu listamennirnir búnir að boða
komu sína í byrjun næsta árs.
Þau hafa lítið kynnt hugmyndir
sínar í listheiminum en þó fengið
ágætar undirtektir. „Við erum ekki
aðeins að hugsa um myndlistarfólk,
heldur einnig að tónlistarfólk geti
fengið að njóta þeirrar einstæðu
kyrrðar sem hér er.“
Kyrrð og friður
Hvítahúsið var byggt fyrir tæp-
um áttatíu árum sem íshús til að
frysta beitu. Öflug útgerð var í
Krossavík fyrstu áratugi tuttugustu
aldarinnar sem þurfti sína þjónustu.
Húsið, sem upphaflega hét Snæfell,
var alltaf kallað Hvítahúsið. Það var
ekki notað sem íshús nema í fáein ár
en hafði staðið autt í áratugi þegar
Árni og Steingerður fundu það. „Já,
þetta er hús með sögu og sál. Hér er
gott að vera, mikil kyrrð og friður,“
segir Steingerður og opnar dyrnar
sem snúa að Snæfellsjökli.
Hús með sögu og sál
Morgunblaðið/Helgi Bjarnason
Listhús Steingerður Jóhannsdóttir og Árni Emanúelsson eru að gera upp
Hvítahúsið, gamla íshúsið í Krossavík við Hellissand á Snæfellsnesi.
 Gamla íshúsið í Krossavík við Hellissand gert upp eftir áratugi í niðurníðslu
 Verður listhús við rætur Snæfellsjökuls og listamannaíbúð verður innréttuð
FRÉTTIR 15Innlent
MORGUNBLAÐIÐ ÞRIÐJUDAGUR 31. JÚLÍ 2012
Frönsk
húsgögn
og búsáhöld
fyrir bústaðinn
og heimilið
Útsalan hafin
allt að 50% afsláttur
„Hann hefur verið hjálplegur
og er auk þess skemmtilegur
maður. Það var mikils virði að
fá hann sem nágranna í sum-
ar,“ segir Steingerður um
þýska listmálarann Peter
Lang sem verður næsti ná-
granni gesta Hvítahússins
fram á vor.
Peter Lang ferðast um
heiminn til að mála. Hann
hefur þann háttinn á að flytja
öll sín áhöld og efni í gámi
og tjaldar í kring. Þannig hef-
ur hann aðstöðu til að búa og
vinna. Hann er aðeins eitt ár
á hverjum stað og flytur þá
hafturtask sitt og í stað efn-
anna verður í gámnum fjöldi
stórra listaverka sem fara á
sýningu. Gámurinn fer hins
vegar til næsta lands og
verður bækistöð listamanns-
ins næsta árið.
Steingerður og Árni hafa
verið í góðu sambandi við
Peter Lang í sumar en hanner
nú staddur úti í Þýskalandi
vegna opnunar sýningar.
Hann fór á strandveiðar með
Árna og hefur ráðlagt Stein-
gerði vegna sýningar hennar
um Snæfellsjökul.
„Hann verður fyrsti gest-
urinn okkar í listamiðstöð-
inni. Hann ætlar að taka nið-
ur tjaldið í vetur og nýta
okkar aðstöðu,“ segir Stein-
gerður.
Hjálplegur
og góður
nágranni
ÞÝSKUR LISTMÁLARI DVEL-
UR Í EITT ÁR Á HELLISSANDI:
Tvö fíkniefnamál
komu upp í Vest-
mannaeyjum um
helgina og var í
öðru þeirra um
að ræða sölu
fíkniefna.
Karlmaður um
þrítugt var hand-
tekinn aðfara-
nótt laugardags og í framhaldi af
því var farið í húsleit á heimili
mannsins. Við leit fundust á milli 60
og 70 grömm af amfetamíni og
nokkuð af peningum, sem grunur
leikur á að sé afrakstur fíkniefna-
sölu. Viðurkenndi maðurinn að
hafa stundað sölu fíkniefna og telst
málið að mestu upplýst.
Í hinu tilvikinu var maður á
þrítugsaldri, sem kom með Herjólfi
til Vestmannaeyja, stöðvaður eftir
að fíkniefnaleitarhundurinn Luna
fann fíkniefnalykt af manninum.
Við leit á honum fannst lítilræði af
kannabisefnum, sem hann viður-
kenndi að eiga.
Fíkniefnasali
handtekinn í Eyjum
Erlendur karl-
maður á þrítugs-
aldri var þann
20. júlí dæmdur í
Héraðsdómi
Reykjavíkur til
níu mánaða fang-
elsisvistar eftir
að hafa orðið
uppvís að því að
hafa komið fyrir afritunarbúnaði á
hraðbanka í miðborg Reykjavíkur.
Maðurinn hóf afplánun dómsins
strax.
Lögreglan á höfuðborgarsvæð-
inu segir, að maðurinn hafi verið
handtekinn á Akureyri eftir að
rannsókn lögreglu leiddi hana á
spor hans, en búnaðurinn fannst
þann 7. júlí. Því hafi ekki liðið lang-
ur tími frá því að upp komst um
brotið þar til dómur féll.
Þetta er í annað skiptið á þessu
ári sem mál af þessu tagi kemur
upp, en fyrsta málið af þessum toga
hér á landi kom upp árið 2006. Ekki
er vitað til þess að neinn hafi kom-
ist upp með afritun greiðslukorta
hér á landi án þess að lögreglu hafi
tekist að hafa hendur í hári þeirra.
Dæmdur fyrir að
afrita greiðslukort
Gunnlaugur Árnason
Stykkishólmi - Útgerð styrkist veru-
lega í Stykkishólmi með komu
tveggja nýrra báta. Það eru bátarn-
ir Þórsnes SH 109 og Bíldsey SH 65
og leysa þeir af hólmi eldri báta í
eigu útgerðanna.
Þórsnes SH hét áður Marta
Ágústsdóttir GK og er í eigu Þórs-
ness ehf. sem rekur bæði útgerð og
fiskvinnslu. Þórsnes SH mun stunda
línu- og netaveiðar. Verið er að setja
beitingavél um borð í skipið, ásamt
fleiri breytingum. Skipið verður
tilbúið til veiða í næsta mánuði.
Bíldsey SH 65 var keypt frá Sand-
gerði og hét áður Kiddi Lár GK. Það
er Sæfell hf. sem á og gerir bátinn
út. Bíldsey SH hefur tekið miklum
breytingum norður á Siglufirði og
hefur verkið verið unnið hjá Siglu-
fjarðar-Seig. Báturinn var lengdur
um tæpa 3 metra og mælist nú 15
metrar á lengd. Eftir breytingarnar
er Bíldsey SH mun öflugri bátur til
að sinna sínu hlutverki. Báturinn er
með beitingavél og er í krókaafla-
markskerfinu. Bíldsey SH hefur
þegar hafið róðra og rær nú frá
Breiðadalsvík. Í áhöfn eru fjórir
menn. Allur bolfisksafli bátsins er
unninn hjá Þórsnesi ehf.
Eggert Halldórsson,
framkvæmdastjóri Þórsnes ehf,
segir að með tilkomu þessara
tveggja báta muni hráefnisöflun
fyrir fyrirtækið verða mun örugg-
ari. Samanlagt reiknar hann með að
þessir tveir bátar komi til með að
landa um 2.500 tonnum á ári til
vinnslu hjá fyrirtækinu. Það mun
renna sterkari stoðum undir rekst-
ur fyrirtækisins. Eggert segir að
nýja Þórsnesið taki mun meiri afla í
lest en það gamla sem gerir það að
verkum að hægt er að sigla til
heimahafnar með aflann frá fjar-
lægum miðum og í því felst mikil
hagræðing.
Eggert segir að mikið og gott
samstarf sé á milli þessara tveggja
fyrirtæja sem er tilkomið m.a.
vegna þess að Þórsnes ehf. er
hluthafi í Sæfelli hf.
Allur afli sem Þórsnes tekur á
móti er verkaður í salt og starfa um
25 manns við vinnsluna og 10 manns
um borð í Þórsnesi SH
Tveir nýir bátar
komnir í Hólminn
Morgunblaðið/Gunnlaugur Árnason
Þórsnes SH Annar nýju bátanna.