Morgunblaðið - 31.07.2012, Blaðsíða 24

24 MINNINGAR
MORGUNBLAÐIÐ ÞRIÐJUDAGUR 31. JÚLÍ 2012
Bréf til Stínu.
Þá er kveðjustundin liðin,
elsku Stína mín. Hún var ljúf
og falleg eins og við var að bú-
ast af fólkinu þínu. Alveg í
þínum anda og ég sá þig fyrir
mér standa þarna og horfa
stolt yfir hópinn þinn. Topp-
urinn á athöfninni var þegar
barnabarnið þitt, hann Birkir,
spilaði á trompetinn fyrir þig
lagið „Til eru fræ“ með sinni
einskæru snilld. Mikið máttu
vera stolt af ungunum þínum,
elsku frænka mín. Þótt þú
værir komin á endastöð hérna
megin og búin að njóta langr-
ar ævi hér, þá var erfitt fyrir
mig að kveðja.
Þú varst alltaf heimakær og
gestrisin er fólk bar að garði.
Það var alltaf svo gott að
koma til ykkar Böðvars í
Hörpugötuna. Þá var ætíð
töfrað fram hlaðborð af góða
heimalagaða brauðinu þínu og
svo voru taldir upp allir ætt-
ingjar og hvað hver væri að
Kristín
Þorvaldsdóttir
✝ Kristín Þor-valdsóttir var
fædd á Bálkastöð-
um í Miðfirði 17.
janúar 1919. Hún
lést á dvalar- og
hjúkrunarheim-
ilinu Grund 12. júlí
síðastliðinn, þá 93
ára að aldri.
Kristín var jarð-
sungin frá Nes-
kirkju 23. júlí
2012.
gera og læra. Þú
vildir alltaf fylgj-
ast vel með okkur
öllum og varst svo
frændrækin og
jarðbundin þessu
lífi.
Ég man eins og
það hafi gerst í
gær þegar þú
heimsóttir mig á
fæðingardeildina
og gafst litla
drengnum mínum fallegustu
sængurgjöfina. Nú er hún vel
geymd inni í skáp við hliðina
á kjólnum hennar Elínar syst-
ir.
Þú varst mikil reglukona,
Stína mín, ábyrgðarfull og
alltaf til staðar. Sunna þín
naut þeirra forréttinda að
hafa Stínu ömmu ætíð í næsta
húsi og gat alltaf gengið að
þér heima. Þú naust þess svo
sannarlega líka að hafa hana í
kringum þig. Í dag eru það
forréttindi að eiga ömmu sem
er alltaf heima og tekur á
móti öllum með mjólk og
heitu kaffibrauði.
Ég hef alltaf litið upp til
föðurfólksins míns og er svo
þakklát fyrir að eiga ykkur
að. Kærleikur og vinskapur er
það dýrmætasta sem við gef-
um í þessu lífi og þess hef ég
svo sannarlega fengið að
njóta frá þér og þínum.
Handavinnan þín er ein af
áþreifanlegu minningunum
um þig, Stína mín. Eins og
fallegu harðangursgardínurn-
ar í elhúsglugganum hjá
Svövu. Þær hjálpa mér alltaf
að finna réttu blokkina og
íbúðina sem hún býr í. Svo
bjóstu til uppáhaldsfrænkuna
mína, hana Ellu sem alltaf
hefur verið mér svo góð.
Síðast er við kíktum á þig á
Grund,var heilsa þín ekki góð,
elsku frænka mín. En alltaf
varstu samt með á nótunum
þrátt fyrir háan aldur. Það er
svo gott að vita að Hilmar og
fjölskylda verma litla fallega
húsið þitt núna og halda því í
eigu fjölskyldunnar.
Ég óska þér alls hins besta
á nýjum stað, elsku frænka,
og ég veit að þér líður betur
núna.Þakka þér fyrir góðu
stundirnar okkar og kysstu
mömmu og pabba frá mér.
Það verður gleðistund þegar
ég heimsæki þig næst á nýjum
og fallegum stað. Eigðu
dásamlegar stundir þangað til
með kæru þakklæti og
kærleikskveðja til allra hinna,
elsku Stína mín.
Þín frænka Elín (dóttir
Bjössa bróður og Fríðu), eins
og þú sagðir alltaf.
Elsku Ella, Matti, Magga,
Hilmar, Svava og fjölskyldur.
Guð leiði ykkur í gegnum
söknuðinn og tómleikann sem
nú er framundan og megi
góðu minningarnar ylja ykkur
um hjartarætur. Guð veri með
ykkur elskurnar.
Elín og Árni
á Akureyri.
Okkar kæra vinkona Val-
gerður er látin. Ein af hvers-
dagshetjum okkar sem lét
ekki mikið á sér bera. Við sem
vorum með henni í Al-Anon
félagi aðstandenda drykkju-
manna, alveg frá því að Al-
Anon var stofnað kveðjum
hana í dag. Hún var aðalkonan
í því að koma þessum fé-
lagsskap af stað. Það var stór-
kostlegt framtak og hefur það
hjálpað mörgum.
Þetta var yndislegur tími.
Hún og Vilhjálmur heitinn
maður hennar og Sigurður
Haukur, sem var prestur í
Langholti, blessuð sé minning
þeirra, voru alltaf tilbúin að
hjálpa. Það er ótrúlegt hvað
þetta fólk gaf mikið af sér. Við
hugsum ekki nógu mikið um
það fyrr en fólkið er horfið á
Valgerður Oddný
Ágústsdóttir
✝ ValgerðurOddný
Ágústsdóttir
fæddist í
Vestmannaeyjum
22. apríl 1924.
Hún andaðist á
Hrafnistu 2b í
Hafnarfirði þann
7. júlí 2012.
Útför Val-
gerðar Oddnýjar
fór fram frá Grav-
arvogskirkju miðvikudaginn
18. júlí 2012.
braut. Við erum
þakklát fyrir öll
kraftaverkin.
Ég hitti Valgerði
á fundi í vor, þá
var hún orðin veik.
Dóttir hennar
Kára var með
henni, hún var allt-
af með móður sinni
á fundunum. Ynd-
islegt að sjá þær
saman. Ég kom
sjaldan orðið á laugardags-
fundi. Því við tókum okkur
saman nokkrar úr Langholti
og opnuðum deild í Kópavogi.
Við vorum fyrst á skrifstofu
prestanna en síðar í gamla
safnaðarheimilinu og gekk allt
vel. Nú eru Al-Anon deildir út
um allt land þökk sé þessu
góða fólki. Við minnumst þín
með gleði í hjarta, því lífið
gengur nú betur hjá flestum.
Blessuð sé minning þín.
Við áttum hér saman svo indæla
stund
sem aldrei mér hverfur úr minni.
Og nú ertu genginn á guðanna
fund
það geislar af minningu þinni.
(Friðrik Steingrímsson.)
Innilegar samúðarkveðjur
til allra aðstandenda.
Fyrir hönd þeirra sem voru
í Langholtsdeild,
Geirlaug Egilsdóttir.
Mig langar að minnast vin-
konu minnar Dídíar með nokkr-
um orðum.
Þótt það væri tæplega 30 ára
aldursmunur á okkur vorum við
vinkonur til margra ára.
Dídí var mikið náttúrubarn og
kenndi mér og börnunum mínum
að meta allt það fallega í nátt-
úrunni. Við fórum oft í bíltúra
saman og þá var iðulega stoppað
til að fara niður í fjöru eða út í
móa, leitað að hreiðrum, fallegum
steinum eða tínd ber.
Ég vann í útibúi Pöntunar-
félagsins í tæp tvö ár en það var
staðsett beint fyrir neðan húsið
hennar Dídíar. Á hverjum degi
kom hún og færði mér heitt kaffi
á litlum hitabrúsa og nýbakað
brauð með.
Vigdís Júlíana
Björnsdóttir
✝ Vigdís JúlíanaBjörnsdóttir
var fædd 12. apríl
1926. Hún lést á
dvalarheimilinu
Hulduhlíð á Eski-
firði 18. júlí 2012.
Vigdís var jarð-
sungin frá Eski-
fjarðarkirkju 27.
júlí 2012.
Hún minntist oft
á það að á sumrin
þegar allt væri gróið
yrði hljótt í nátt-
úrunni og fyrir
mörgum árum sagði
hún við mig: „Ef ég
dey í júlí, vil ég láta
syngja ljóðið – Nú
sefur jörðin sumar-
græn – í jarðarför-
inni minni“. Ég vil
minnast hennar
með þessu fallega ljóði.
Nú sefur jörðin sumargræn.
Nú sér hún rætast hverja bæn
og dregur andann djúpt og rótt
um draumabláa júlínótt.
Við ystu hafsbrún sefur sól,
og sofið er í hverjum hól.
Í sefi blunda svanabörn
og silungur í læk og tjörn.
Á túni sefur bóndabær,
og bjarma á þil og glugga slær.
Við móðurbrjóstin börnin fá
þá bestu gjöf, sem lífið á.
(Davíð Stefánsson.)
Takk fyrir allar góðu minning-
arnar, elsku Dídí.
Kveðja,
Þórunn.
Vaktsími:
581 3300 & 896 8242
www.utforin.is
Allan sólarhringinn
ÚTFARARSTOFA ÍSLANDS
Sverrir Einarsson Kristín Ingólfsdóttir Hermann Jónasson
Flatahraun 5a • www.utfararstofa.is Símar: 565 5892 & 896 8242
ÚTFARARSTOFA HAFNARFJARÐAR
✝
Þökkum auðsýnda samúð og hlýhug við
andlát og útför ástkærrar móður okkar,
tengdamóður, ömmu og langömmu,
GUÐRÚNAR SIGURJÓNSDÓTTUR,
síðast til heimilis á Sólvangi,
Hafnarfirði,
sem lést fimmtudaginn 19. júlí.
Sérstakar þakkir fær starfsfólk Sólvangs í
Hafnarfirði fyrir góða umönnun hennar.
Hilmar Karlsson, Kristín Ingvadóttir,
Þorleikur Karlsson, Áslaug Hringsdóttir,
Kristján Karlsson,
ömmubörn og langömmubörn.
✝
Elsku móðir okkar, amma og langamma,
GUÐRÚN ÁGÚSTA GUÐMUNDSDÓTTIR,
Sólvangsvegi 3,
sem lést mánudagskvöldið 23. júlí á
Hrafnistu í Hafnarfirði, verður jarðsungin frá
Hafnarfjarðarkirkju fimmtudaginn 2. ágúst
kl. 15.00.
Rannveig Traustadóttir,
Aðalbjörg Traustadóttir,
Trausti Rúnar Traustason,
Ingi Hrafn Traustason,
barnabörn, barnabarnabörn og tengdabörn.
✝
Innilegustu þakkir fyrir samúð og hlýhug
vegna andláts og útfarar ástkærrar móður
okkar, tengdamóður, ömmu og langömmu,
SIGRÍÐAR PÁLSDÓTTUR,
hjúkrunarheimilinu Skógarbæ,
áður til heimilis
í Miðleiti 4,
Reykjavík,
sem lést þriðjudaginn 10. júlí.
Sérstakar þakkir fær starfsfólk Skógarbæjar
fyrir frábæra umönnun og hlýju.
Ásta Benediktsdóttir,
Kristrún R. Benediktsdóttir, Jón R. Kristinsson,
Ingibjörg K. Benediktsdóttir, Friðrik Daníelsson,
Árni Benediktsson, Guðbjörg F. Ólafsdóttir,
Páll Benediktsson, Birna Björg Berndsen,
barnabörn og barnabarnabörn.
✝
Ástkær móðir okkar, tengdamóðir, amma og
langamma,
SVEINÍNA GUÐRÚN JÓNSDÓTTIR,
Dvalarheimilinu Höfða,
Akranesi,
lést fimmtudaginn 26. júlí.
Útförin fer fram frá Siglufjarðarkirkju
laugardaginn 4. ágúst kl. 14.00.
Sverrir Haraldur Björnsson, Ingibjörg Óladóttir,
Anna Björnsdóttir, Guðmundur Garðarsson,
Sævar Rafn Björnsson,
barnabörn og barnabarnabörn.
✝
Ástkær móðir okkar, tengdamóðir, amma
og langamma,
ÁSTA LÚÐVÍKSDÓTTIR,
fyrrverandi kennari,
Þúfubarði 2,
Hafnarfirði,
andaðist að Sólvangi sunnudaginn 29. júlí.
Gunnar Geirsson, Guðfinna Kristjánsdóttir,
Lúðvík Geirsson, Hanna Björk Lárusdóttir,
Hörður Geirsson, Jóhanna S. Ásgeirsdóttir,
Ásdís Geirsdóttir, Jón Páll Vignisson,
Þórdís Geirsdóttir, Guðbrandur Sigurbergsson,
barnabörn og barnabarnabörn.
✝
Ástkær móðir okkar, tengdamóðir, amma
og systir,
AÐALHEIÐUR JÓNASDÓTTIR,
Heiða,
framhaldskólakennari,
Akralandi 1,
Reykjavík,
lést á líknardeildinni í Kópavogi föstudaginn 27. júlí.
Jarðsungið verður frá Fossvogskirkju föstudaginn 3. ágúst
kl. 13.00.
Fyrir hönd aðstandenda,
Hrefna, Vilborg og Jóhanna. ✝
Þökkum auðsýnda samúð við andlát og útför
elskulegrar eiginkonu minnar, móður okkar,
tengdamóður, ömmu og langömmu,
GUÐRÚNAR MARGRÉTAR
SIGURÐARDÓTTUR,
Faxatúni 14,
Garðabæ.
Sérstakar þakkir til starfsfólks Holtsbúðar,
Vífilsstöðum, fyrir einstaka umönnun.
Kjartan Friðriksson,
Ingibjörg Kjartansdóttir, Salomon Kristjánsson,
Kristín Kjartansdóttir, Sigurður Þ. Sigurðsson,
Anna Kjartansdóttir,
Brynja Kjartansdóttir, Albert B. Hjálmarsson,
barnabörn og langömmubörn.
✝
Þökkum innilega auðsýnda samúð og hlýhug
við andlát og útför elskulegrar eiginkonu,
móður, tengdamóður og ömmu,
HAFDÍSAR BJARKAR
HERMANNSDÓTTUR,
Einilundi 2f,
Akureyri.
Guð blessi ykkur öll.
Stefán Böðvar Þórðarson,
Þórður Stefánsson, Margrét Hildur Kristinsdóttir,
Hermann Stefánsson, Ragnheiður María Harðardóttir,
Böðvar Stefánsson, Karólína Dóra Þorsteinsdóttir
og barnabörn.