Helgafell - 01.07.1943, Side 13

Og karl er sterkur og kona ör,
og kinnroðalaust hið unga fjör,
það kyn er of stolt fyrir hjúp og hlekk,
of hreint fyrir klæðanna smánarflekk.
En megi þar stundum í stúlknaflokkum
sjá stássblæju um mitti eða sveig yfir lokkum,
þá tilgerð helgar sú hugsun ein
að heilla eða gleðja þráðan svein.
Hj á árinnar vogi,
í víkinni efst,
þar sem reykjanna togi
af tjöldum hefst,
þar unir smáfólksins leik og leit
að lífsins undrum í þröngum reit
hin ellisilfraða sveit.
En hátt uppi á kletti í kaldheiðri ró
ber konungsins hús yfir fjörð og skóg,
og uppi, á völlunum víðu í kring,
um vorhvarfaskeið stendur fólksins þing.
Þann dag skipar konungur dómarastólinn,
en dæmir ekki einn, því hans ráðgjafi er sólin,
og sólin gefur sitt gullna svar
um allt, sem verður og er og var.