Kjarninn - 26.06.2014, Qupperneq 69

06/11 íþróttir
Tekjur vegna sölu leikmanna eru ein af þremur tekju-
lindum akademíunnar (hinar tvær eru auglýsingatekjur og
leiga á aðstöðu hennar). Þess vegna eru knattspyrnuhæfileikar
drengjanna mikilvægastir. Diambars hefur aldrei tekið inn
nemanda einvörðungu til að bjarga honum frá fátækt. Saër Seck
var sjálfur efnilegur leikmaður á yngri árum áður en meiðsl
skemmdu fyrir. Hann á líka tvo syni sem eru góðir knattspyrnu-
menn og hafa komist inn í akademíuna, en fáir gagnrýna það.
„Elsti sonur minn stóð sig ekki nógu vel í úrtakinu og fékk þar
af leiðandi ekki pláss hjá Diambars,“ segir Seck.
sjálfbært verkefni
Það er föstudagur. Hann hefur ferðast frá Dakar með einka-
bílstjóra og er klæddur í sín ljósbláu boubou, hefðbundinn
fatnað múslima sem karlar nota meðal annars þegar þeir
fara í mosku. Hann hallar sér fram í svörtum leðurstól á
skrifstofunni sinni og segir með mikilli
nákvæmni frá akademíunni samhliða því að
farsíminn hans hringir stanlaust og hann
borðar morgunmatinn sinn; en pain au
chocolat. Það eru tvö ár síðan hann og hinir
þrír stofnendurnir hætta að setja eigið fé
í verkefnið. Nú er það sjálfbært. Allir pen-
ingar sem koma inn notast enda til að reka
akademíuna. „Þetta er sjálfboðavinna og fjárfesting í hinu
manneskjulega,“ segir Seck.
Markmið Diambars er að nemendurnir fari þaðan sem
þroskaðir og sjálfstæðir einstaklingar. Þeir sem standa að
akademíunni vita að 80 prósent þeirra drengja sem koma
þangað munu aldrei verða atvinnumenn í knattspyrnu. Þess
vegna skiptir skólagangan enn meira máli. Um 70 prósent
nemendanna ljúka framhaldsskólagráðu. Akademían greiðir
einnig fyrir háskólavist þeirra nemenda sem hafa metnað
fyrir því að sækja sér slíka. „Draumur Saër Seck er að í fram-
tíðinni verði senegalskir ráðherrar úr röðum útskriftarnema
frá Diambars,“ segir Ousmane Niane, enskukennarinn sem
hefur verið hluti af Diambars frá upphafi.
„Í Senegal spila allir
knattspyrnu, alls staðar.
Á alls kyns undirlagi.
Án eða í skóm. Með eða
án bolta með lofti í.“