Kjarninn - 26.06.2014, Qupperneq 74

11/11 íþróttir
auðvelt að taka gagnrýni þegar vel tekst til
El Hadji Mamadou Kane, eigandi næststærsta dagblaðs
Senegal, íþróttablaðsins Stades, lýsir Diambars sem „veru-
lega, verulega, verulega góðu framtaki“ og fyrirmynd sem sé
til mikillar eftirbreytni þegar peningar sem þénast í Evrópu
skili sér aftur til baka til Afríku. Diambars skiptir miklu
máli fyrir ímynd Senegal og vegna þeirra 85 stöðugilda sem
akademían starfrækir leggur hún sitt af mörkum til hag-
vaxtar í Saly. En Kane segir líka að það sé auðvelt að taka
gagnrýni þegar vel takist til. „Í Afríku eru margir sem tala
en fáir sem gera. Og sá sem framkvæmir er oft gagnrýndur,“
segir Kane.
Sumum félagsliðum finnst Diambars dýr staður að sækja
leikmenn, en Jean-Marc Adjovi-Bocco vill meina að það sé
rangt. „Við fylgjum reglum FIFA. Þetta
snýst meira um að við viljum fá peninga
fyrir að hafa alið nemendurna upp og
veitt þeim menntun. Þetta snýst um
að leikmennirnir, manneskjurnar, séu
metnir að verðleikum. Evrópa verður
að breyta sýn sinni á afrískt vinnuafl og
hætta að halda að það sé ókeypis,“ segir
Adjovi-Bocco.
Hann vonast til þess að þótt nemend-
urnir kvarti stundum og haldi að verið
sé að halda þeim frá atvinnumennsku í
Evrópu skilji þeir að ástæða sé fyrir því að
Diambars krefjist mikils fjár fyrir þá. Ef
þeir séu nógu góðir muni Diambars hjálpa
þeim að komast út, hjálpa Ousseynou og
vinum hans til lífs þar sem þeir geti keypt
sér „a beautiful flat“, líkt og þeir töluðu
um í ensku tímanum hjá herra Ousmane
Niane. Kannski verða þeir knattspyrnu-
menn í Barcelona, Marseille eða París.
Kannski verða þeir ráðherrar í Dakar. Því
draumurinn lifir.
Þurfa að vinna
Diambars vill að afrískt
vinnuafl verði meira virði. Hér
sjást drengir úr akademíunni
þrífa rútu.
MYND: PERNILLE INGEBRIGTSEN