Kjarninn - 26.06.2014, Síða 77

03/03 markaðsmáL
starfsafmæli á næsta ári og viljum geta farið inn í það ár með
glæsilegan DVD-disk í farteskinu. Við höfum alla tíð haft
gríðarlega gaman af því að spila á tónleikum og viljum halda
því ótrauðir áfram.“
Hvernig byrjaði þessi hljómsveit og hvernig getur tribute-band
náð svona miklum vinsældum?
„Við hófum að spila saman árið 1995 og spiluðum nær ein-
göngu á Gauki á Stöng fyrstu árin. Við vorum, og erum, bara
lítill hópur vina sem hafði dálæti á klassísku rokki og elskuð-
um að spila það, og gerum enn. Svo hafði tónleikahaldarinn
og útgefandinn Guð-
bjartur Finnbjörnsson
samband við okkur um
að prófa að gera stærri
tónleika.
Á þessum tíma
var það óþekkt að
tribute-hljómsveit héldi
tónleika í stóru húsi en
við tókum áhættuna og
spiluðum Pink Floyd-
verkið Dark Side of the
Moon í heild sinni í
Borgar leikhúsinu árið
2000. Það urðu nokkrir uppseldir tónleikar og þar með var ís-
inn brotinn og kom berlega í ljós að fólk hafði mikinn áhuga
á að sjá vel þekkta tónlist flutta af öðrum í stóru tónleika-
húsi. Síðan þá höfum við yfirleitt haldið eina stóra tónleika á
ári með þessu sniði í Reykjavík og stundum einnig Akureyri
ásamt því að spila á smærri tónleikum víðs vegar um land.“