Kjarninn - 04.09.2014, Blaðsíða 19

15/15 alÞJóðamál
Evrópusambandinu sem eru bæði Íslandi og Noregi mjög
fjárhagslega mikilvægir.
Í raun eru enginn formleg tímamörk sem ljúka þarf
viðræðunum fyrir. Flækjustigið mun hins vegar aukast eftir
því sem samkomulagið dregst og erfiðara verður að fram-
kvæma úthlutanir úr sjóðnum. Þá er auðvitað sá möguleiki
fyrir hendi að ekki takist að semja. Þá er EES-samningurinn í
uppnámi.
mikilvægasti viðskiptasamningur Íslands
EES-samningurinn er mikilvægasti viðskiptasamningur sem
Ísland hefur gert. Hann veitir Íslandi nokkurs konar auka-
aðild að innri markaði Evrópu án tolla og gjalda á flestar
vörur. Um 80 prósent af útflutningi okkar fara til Evrópu, að
langmestu leyti til landa sem tilheyra innri markaðinum, og
um 60 prósent af því sem við flytjum inn koma þaðan.
Einn ókostur við EES-samninginn er síðan að Ísland
undirgekkst að taka upp stóran hluta af regluverki Evrópu-
sambandsins án þess að geta haft nokkur áhrif á mótun þess.
Í Evrópustefnu sitjandi ríkisstjórnar er lögð áhersla á að efla
hagsmunagæslu Íslands innan EES og stórefla samstarf við
Norðmenn á þeim vettvangi. Þessari stefnu á að framfylgja
meðal annars með því að koma sjónarmiðum Íslands á fram-
færi í löggjafarstarfi Evrópusambandsins strax á fyrstu stigum
mála. Ljóst er að slík hagsmunagæsla mun kosta töluvert
fé, enda nauðsynlegt að fjölga verulega starfsfólki í Brussel,
aðalbækistöð Evrópusambandsins, til að framfylgja henni.
utanríkisráðherra
Gunnar Bragi Sveinsson stýrir
því ráðuneyti sem hefur við-
ræðurnar á sinni könnu.