Kjarninn - 04.09.2014, Side 21
02/04 ViðSKipti
ó
formlegar sameiningarviðræður Virðingar og
MP banka, sem staðið hafa frá því í sumar, hafa
meðal annars gert ráð fyrir því að verðmatið á
MP banka sé á bilinu 0,3 til 0,6 sinnum eigið fé
bankans, sem þýðir að bankinn er metinn á 1,5
til þrjá milljarða króna. Eigið fé bankans var í árslok í fyrra
rúmlega fimm milljarðar króna. Mismunandi hugmyndir
eru þó uppi um verðið, eins og gefur að skilja. Hluthafar
MP banka vilja að það sé metið í hærri kantinum á meðan
aðrir þeir sem horfa til sameiningarinnar úr hluthafahópi
Virðingar telja bankann vera minna virði.
Í sumar var meðal annars opið svonefnt gagnaherbergi
þar sem fjárfestar gátu kynnt sér gögn um innviði MP banka
með fjárfestingu í huga. Samkvæmt heimildum kynntu
nokkrir aðilar sér þau en nokkrir hluthafa bankans hafa að
undanförnu sóst eftir því að selja hlut sinn í bankanum.
Sumarið er tíminn
Eins og greint var frá í Kjarnanum í síðustu
viku hafa sumarmánuðirnir verið nýttir til að
ræða sameiningar smærri fjármálafyrirtækja
þar sem útgangspunktur viðræðnanna er sá
að ná fram hagræðingu í grunnrekstri og búa
til grundvöll þar sem skýr valkostur er á bankamarkaði við
hlið endurreistu bankanna þriggja, Landsbankans, Íslands-
banka og Arion banka. Viðræðurnar hafa verið óformlegar
til þessa en hafa borist inn á stjórnarfundi hjá félögunum
sem um ræðir, eins og Virðingu, MP banka, Straumi og
Íslenskum verðbréfum, auk þess sem einstaka hluthafar í
félögunum hafa rætt um mögulega sameiningarfleti.
Miklir hagsmunir eru í húfi í þessum efnum og við-
skiptatækifæri sömuleiðis. Fram undan er nær algjör endur-
skipulagning á eignarhaldi fjármálakerfisins, með samning-
um við almenna kröfuhafa í slitabú föllnu bankanna sem og
jöklabréfaeigendur, en eins og stjórnvöld hafa greint frá í
fréttatilkynningum er nú unnið að lausnum á þessum málum
í samvinnu við erlenda ráðgjafa þessa dagana. Þar er meðal
ViðSKipti
Magnús Halldórsson
L @MaggiHalld
„Viðræðurnar hafa verið
óformlegar til þessa en hafa
borist inn á stjórnarfundi hjá
félögunum sem um ræðir.“