Kjarninn - 04.09.2014, Page 58
04/05 ÍÞróttir
sjónvarpsréttar en meistarar ársins á undan, Manchester
United, fengu á því ári, (60,8 milljónir punda).
Hinar auknu tekjur skiluðu því að ein vinsælasta auka-
afurð knattspyrnuheimsins, kaup og sölur á leikmönnum, tók
gríðarlegan kipp, enda geta þeirra til að greiða hátt kaupverð
og forstjóralaun fyrir vara-vinstri bakvörð enn meiri nú en
áður.
fótboltamenn verða
fjármálaafurð
Fjármálaheimurinn,
sem er alltaf að leita sér
að nýjum leiðum til að
græða peninga, hefur
ekki látið þessa þróun
framhjá sér fara. Lengi
hefur tíðkast í sumum
hlutum heimsins, sér-
staklega Suður-Ameríku,
að fjárfestar kaupi
raunverulega hluti í
leikmönnum og græði
ævintýralega á þeim
þegar þeir eru seldir
til stórliða í Evrópu. Frægasta dæmi um slík viðskipti á
undanförnum árum er líklega salan á stórstirninu Neymar til
Barcelona.
Þessi fjárfestingarhegðun er þó hægt og rólega að festa
rætur í Evrópu, sérstaklega í Suður-Evrópu. Það hefur færst
í aukanna í löndum eins og Portúgal að fjárfestingarsjóðir
„hjálpi“ knattspyrnufélögum að kaupa leikmenn með því að
leggja fram hlutfall af kaupverði þeirra. Á móti fá þeir sama
hlutfall af söluverðinu ef leikmennirnir eru seldir áfram.
Þeir sem standa í þessum bransa segja þetta til hins góða.
Áhættan af leikmannakaupum flytjist enda af knattspyrnu-
félögunum að hluta en á sama tíma auki þetta fyrirkomulag
möguleika þeirra til að „eignast“ frábæra knattspyrnumenn.
sá dýrasti
Manchester United keypti
Argentínumanninn Angel Di
Maria á 59,7 milljónir punda
frá Real Madrid í glugganum.
Hann er dýrasti leikmaður
sem keyptur hefur verið til
ensks liðs frá upphafi.