Skinfaxi - 01.03.2013, Blaðsíða 6

6 SKINFAXI – tímarit Ungmennafélags Íslands
Skinfaxi 1. tbl. 2013
Ritstjóri: Jón Kristján Sigurðsson.
Ábyrgðarmaður: Helga Guðrún
Guðjónsdóttir, formaður UMFÍ.
Ljósmyndir: Jón Kristján Sigurðsson,
Jóhann G. Kristinsson, karfan.is, Þórólfur
Sveinsson, Ásbjörg Jónsdóttir, Sigurður
Guðmundsson o.fl.
Umbrot og hönnun: Indígó.
Prentun: Ísafoldarprentsmiðja.
Prófarkalestur: Helgi Magnússon.
Auglýsingar: Miðlun ehf. og Gunnar
Bender.
Ritnefnd:
Stefán Skafti Steinólfsson, Gunnar
Gunnarsson, Ester Jónsdóttir, Bryndís
Gunnlaugsdóttir og Óskar Þór
Halldórsson.
Skrifstofa UMFÍ/Skinfaxa:
Þjónustumiðstöð UMFÍ,
Sigtúni 42, 105 Reykjavík.
Sími: 568-2929
Netfang: umfi@umfi.is
Heimasíða: www.umfi.is
Starfsmenn UMFÍ:
Sæmundur Runólfsson,
framkvæmdastjóri,
Helgi Gunnarsson, fjármálastjóri,
Jón Kristján Sigurðsson, ritstjóri
Skinfaxa og kynningarfulltrúi,
Sigurður Guðmundsson, landsfulltrúi,
Ómar Bragi Stefánsson, landsfulltrúi,
með aðsetur á Sauðárkróki,
Sabína Steinunn Halldórsdóttir,
landsfulltrúi,
Guðbirna Kristín Þórðardóttir, ritari.
Stjórn UMFÍ:
Helga Guðrún Guðjónsdóttir, formaður,
Haukur Valtýsson, varaformaður,
Jón Pálsson, gjaldkeri,
Eyrún Harpa Hlynsdóttir, ritari,
Björg Jakobsdóttir, meðstjórnandi,
Bolli Gunnarsson, meðstjórnandi,
Stefán Skafti Steinólfsson, meðstjórnandi,
Baldur Daníelsson, varastjórn,
Matthildur Ásmundardóttir, varastjórn,
Anna María Elíasdóttir, varastjórn,
Einar Kristján Jónsson, varastjórn.
Forsíðumynd:
Íþróttalíf á Siglufirði hefur verið blómlegt
í gegnum tíðina. Krakkarnir í Ungmenna-
félaginu Glóa hafa staðið sig vel á mótum
sem þau hafa tekið þátt í. Á dögunum
gerðu þau góða ferð til Reykjavíkur. Þau
náðu afbragðsárangri á Meistaramóti
Íslands 11–14 ára í frjálsum íþróttum.
Á myndinni eru þau Björgvin Daði Sigur-
bergsson, Elín Helga Þórarinsdóttir og
Unnur Hrefna Elínardóttir, ásamt þjálfara
sínum, Þórarni Hannessyni.
Á þessu ári blasa við mörg spenn-
andi og áhugaverð verkefni hjá Ung-
mennafélagi Íslands. Þrjú stórmót
verða haldin í sumar, 3. Landsmót
UMFÍ 50+ í Vík í Mýrdal, 27. Lands-
mót UMFÍ á Selfossi og 16. Unglinga-
landsmót UMFÍ á Höfn í Hornafirði.
Undirbúningur fyrir þessi mót
hefur staðið yfir um nokkurt skeið
en á viðkomandi stöðum hefur risið
glæsileg aðstaða á undanförnum
árum sem mun sannarlega nýtast
vel við mótshaldið. Landsmenn
verða örugglega meira á faraldsfæri
um landið sitt í sumar og því má
búast við góðri þátttöku á mótin
enda eru þau tilvalin vettvangur
fyrir fjölskylduna til að verja tíman-
um saman.
Eins og endranær stendur hreyf-
ingin fyrir ýmsum verkefnum í sum-
ar. Má í því sambandi nefna frjáls-
íþróttaskólann sem hefur verið
starfræktur undanfarin fimm sumur
í samvinnu við Frjálsíþróttasam-
band Íslands. Verkefnið Fjölskyldan
á fjallið og Göngum um Ísland á
sinn fasta stað og hefur þátttakan
í þessu verkefni ávallt verið mikil í
gegnum árin. Verkefnið Hættu að
hanga! Komdu að hjóla, synda eða
ganga heldur áfram í sumar en góð
þátttaka hefur verið í verkefninu
síðustu ár.
Sennilega hefur gott aðgengi
barna og unglinga að iðkun íþrótta
og þátttaka í æskulýðsstarfi aldrei
skipt meira máli en á þeim tímum
sem við lifum nú. Við megum aldrei
gefa eftir hvað þennan þátt áhrærir
því það getur skipt sköpum að allir,
óháð efnahag, geti stundað íþróttir
sér til hressingar og heilsubótar.
Töluverð umræða hefur verið um
þetta á síðustu misserum í kjölfar
kreppunnar og ekki er annað að
skilja en að allir séu sammála um
að við megum aldrei slaka á klónni
í þessum efnum. Gott aðgengi er
það sem skiptir öllu máli.
Sú uppbygging íþróttamann-
virkja, sem orðið hefur á síðastliðn-
um árum, tengd Unglingalandsmót-
um og Landsmótum, er greinilega
farin að bera ríkulegan ávöxt. Það
var nú tilgangurinn í upphafi að þessi
uppbygging myndi skila sér með
tíð og tíma og efla íþróttastarfið í
þeim byggðum þar sem þessi mót
eru haldin. Þetta hefur gengið eftir
og iðkendum hefur fjölgað til muna.
Góður árangur keppenda af lands-
byggðinni hefur komið berlega í
ljós á mótum sem haldin hafa verið
á vegum Frjálsíþróttasambandsins í
nýju Frjálsíþróttahöllinni í Laugar-
dalnum í vetur.
Íþróttafólkið frá þessum stöðum
hefur sýnt þar umtalsverðar fram-
farir. Það er ánægjulegt fyrir fram-
kvæmdaaðila þessara móta að sjá
þetta gerast. Árangurinn á mótun-
um er glæsilegur og á ekki síst ríkis-
valdið þakkir skilið, sem komið hef-
ur myndarlega að uppbyggingunni
víðs vegar um land. Það er vonandi
að þegar þjóðarskútan verður komin
á lygnan sjó verði uppbyggingunni
haldið áfram.
Fjármunum ríkisins er vel varið
með þessum hætti og þeir skila sér
alla leið. Byggðirnar kringum keppn-
isstaðina standa sterkari eftir og
börn, unglingar og fullorðið fólk geta
æft íþróttir og stundað þær sér til
heilsubótar við aðstæður eins og
þær gerast bestar. Staðreyndir tala
líka sínu máli í þessu sambandi en
rannsóknir hafa leitt í ljós að eftir
því sem aðgengi til að stunda
íþróttir verður betra fyrir börn og
unglinga skilar það þeim sem sterk-
ari einstaklingum í námi og starfi. Á
þessum vettvangi er einnig unnið
öflugt forvarnastarf.
Vorið er ekki langt undan og oft
er sagt að sumarið sé tíminn. Nýtum
tímann vel með börnunum okkar
og fjölskyldum. Þeim tíma er vel
varið og hann skilar sér margfalt til
baka þegar upp er staðið.
Nýtum tímann vel með börnunum
okkar – honum er vel varið
Jón Kristján Sigurðsson – ritstjóraspjall:
Vík í Mýrdal
7.–9. júní 2013