Skinfaxi - 01.03.2013, Blaðsíða 36

36 SKINFAXI – tímarit Ungmennafélags Íslands
Ferskeytlan er Frónbúans
fyrsta barnaglingur.
En verður seinna í höndum hans
hvöss sem byssustingur.
Hér verður hleypt
af stokkunum
vísnaþætti og eins
og með flesta
vísnaþætti er það
vísa Andrésar
Björnssonar um
ferskeytluna sem
fleytir þættinum
af stað. Lesendur
muna sumir hverjir eftir vísnaþætti
sem birtist hér á síðum Skinfaxa fyr-
ir rúmum þrjátíu árum og gekk meira
eða minna óslitið í um fimmtán ár,
en þraut þá þrek og leið undir lok.
Að yrkja góða vísu er íþrótt og hér
verða haldin íþróttamót í formi vísna-
þátta, árfjórðungslega. Ætlunin er að
sjá hvort liðugir hagyrðingar leynist
meðal lesenda Skinfaxa. Þar sem langt
er á milli tölublaða þarf snerpan ekki
endilega að vera mikil en því mikil-
vægara er að kunna grunntæknina og
að hafa vilja og þrek til að æfa og slípa
þá tækni. Þar sem það er að mestu
liðin tíð að fólk fæðist inn í fjölskyld-
ur þar sem uppeldið snýst meðal ann-
ars um að kenna fólki vísnagerð og
rétta bragfræði, þá er rétt að benda
lesendum á að kíkja á bókasafnið og
lesa bókina Bragfræði og háttatal eftir
Sveinbjörn heitinn Beinteinsson
(þær bragfræðireglur má einnig finna
á rimur.is). Heimasíðan bragur.is er
einnig góður staður fyrir áhugasama
um bragfræði.
Hér eru þrír fyrripartar:
Viltu liðka vísnatá
vöðva styrkja bögu?
Mikið vísnamaraþon
mætir vilja yrkja.
Sífellt hærra sólin rís
syngur nærri spóinn.
Til að koma þessum vísnaþætti af
stað hvet ég eindregið sem flesta til
að botna þessa fyrriparta og senda
þættinum, auk frumortra vísna.
Reynt verður að birta sem mest af
efni frá lesendum og þá sérstaklega
það efni sem skarar fram úr að gæð-
um. Hægt er að senda efni á Skinfaxa,
Sigtúni 42, 105 Reykjavík, eða með
tölvupósti á hoskibui@gmail.com.
Kvæðakveðja
Höskuldur Búi Jónsson
Vísnaþáttur
Höskuldur Búi Jónsson
Námskeiðið Sýndu hvað í þér býr hefur
verið mjög vinsælt undanfarin ár. Á nám-
skeiðinu er farið yfir ýmsa þætti er tengjast
ræðumennsku, s.s. að taka til máls, fram-
komu, ræðuflutning, raddbeitingu, skipan
ræðu o.fl. Einnig er kennt ýmislegt sem við
kemur fundarsköpum, m.a. fundarreglur,
boðun fundar, fundarskipan, dagskrá fundar,
umræður, meðferð tillagna, kosningar o.fl.
Þátttakendur hafa almennt verið ánægðir
með námskeiðin og segja þau hafa verið
lærdómsrík og skemmtileg. Þeir eru sam-
mála um að þeir hafi lært að verða öruggari
í framkomu og ræðuhöldum auk þess sem
þeir telja gagnlegt að fá svör við mörgum
þeim spurningum um fundarsköp sem
nauðsynlegt er að kunna skil á.
„Sýndu hvað í þér býr“
Lærdómsrík og skemmtileg námskeið
Auk þess sem þátttakendur læra ræðu-
mennsku og fundarsköp er lögð áhersla á að
þeir kynnist vel og eigi auðveldara með að
mynda tengslanet með hópeflisleikjum og
hópverkefnum af ýmsu tagi. Undanfarnar
vikur hefur Sabína Steinunn Halldórsdóttir,
landsfulltrúi UMFÍ, verið á ferðinni og haldið
námskeið, m.a. á Húsavík og fyrir nemendur
framhaldsskólans í Mosfellsbæ.
UMFÍ hvetur sem flesta til þess að sýna
hvað í þeim býr og sækja námskeiðið. Allir
eru velkomnir á námskeið hvort sem þeir
eru í félagi eður ei og hvetjum við eindregið
áhugasama (ungmennafélög, kvenfélög,
búnaðarfélög, fyrirtæki, skóla, vinahópa o.fl.)
til að hafa samband við Sabínu í síma
568-2929 eða á sabina@umfi.is.
Velkomin á Selfoss
Mætum með bros á vör á Selfossi 4.–7. júlí 2013