Skinfaxi - 01.03.2013, Blaðsíða 22

22 SKINFAXI – tímarit Ungmennafélags Íslands
Fjóla Signý og Jón Daði
íþróttafólk Árborgar
Frjálsíþróttakonan Fjóla Signý Hannesdóttir
og knattspyrnumaðurinn Jón Daði Böðvars-
son, bæði í Umf. Selfoss, voru kjörin íþrótta-
kona og íþróttakarl Sveitarfélagsins Árborg-
ar árið 2012. Kjörinu var lýst á uppskeruhátíð
íþrótta- og tómstundanefndar Árborgar í
hátíðarsal Fjölbrautaskóla Suðurlands.
Mjótt var á mununum hjá konunum en
Fjóla Signý sigraði með 178 stig. Önnur varð
fimleika- og handknattleikskonan Hrafnhild-
ur Hanna Þrastardóttir, Umf. Selfoss, með
174 stig og þriðja varð knattspyrnukonan
Guðmunda Brynja Óladóttir, Umf. Selfoss,
með 97 stig. Hjá körlunum sigraði Jón Daði
með yfirburðum annað árið í röð en hann
fékk 246 stig. Kylfingurinn Hlynur Geir Hjartar-
son, GOS, varð annar með 127 stig og tae-
kwondomaðurinn Daníel Jens Pétursson,
Umf. Selfoss, þriðji með 78 stig.
Björn Lúkas og Christine
íþróttafólk Grindavíkur
Júdókappinn Björn Lúkas Haraldsson og
hlaupakonan Christine Bucholtz voru kjörin
íþróttamaður og íþróttakona Grindavíkur
2012. Var það gert við hátíðlega athöfn í
Hópsskóla.
Björn Lúkas er einstaklega hæfileikaríkur
íþróttamaður og skaraði fram úr í þremur
íþróttum samtímis, þ.e. taekwondo, júdó og
brasilísku jiu jitsu, þar sem hann keppir bæði
í unglinga- og fullorðinsflokki. Björn Lúkas
stefnir á að taka svarta beltið í bæði júdó og
taekwondo á næstunni. En fyrir þá sem ekki
vita þá eru þessar tvær íþróttir mjög ólíkar.
Christine Bucholtz er í félagi 100 km hlaup-
ara. Hún hefur verið að færa sig yfir í lengri
vegalengdir eftir að hún lauk 100 km hlaupi
á Spáni haustið 2010. Hún hljóp 100 mílna
hlaup á Spáni 22. og 23. október 2011 á tím-
anum 23 klst. og 30 mín. Hún lauk áfanga-
hlaupinu GORE-TEX® TRANSALPINE-RUN í
september 2012. Það var hlaupið á átta dög-
um um Þýskaland, Austurríki og Ítalíu. Hlaup-
ið var 320 km langt og samanlögð heildar-
hækkun var 15.000 metrar.
Jón Margeir og Íris Mist
íþróttafólk Kópavogs
Jón Margeir Sverrisson, sundmaður úr Fjölni/
Ösp, og Íris Mist Magnúsdóttir, fimleikakona
úr Gerplu, voru kjörin íþróttakarl og íþrótta-
kona Kópavogs fyrir árið 2012. Kjörinu var
lýst á íþróttahátíð Kópavogs í Salnum. Fengu
þau að launum farandbikar og eignarbikar
jafnframt því sem Ármann Kr. Ólafsson, bæj-
arstjóri Kópavogs, afhenti þeim hvoru um sig
150 þúsund króna ávísun í viðurkenningar-
skyni frá bæjarstjórn Kópavogs.
Íris Mist varð á árinu fjórfaldur Íslands-
meistari í hópfimleikum ásamt stöllum sín-
um í liði Gerplu. Bikarmeistaratitillinn fór
einnig til Írisar og félaga hennar í Gerplu sem
sigraði reyndar á öllum mótum sem liðið tók
þátt í á árinu. Íris Mist hefur um árabil verið
lykilmanneskja í íslenskum fimleikum og
frammistaða hennar í landsliði Íslands í hóp-
fimleikum hefur verið til mikillar fyrirmyndar.
Íris Mist var einn af máttarstólpum landsliðs-
ins sem varði Evrópumeistaratitil Íslands í
kvennaflokki á Evrópumeistaramótinu í hóp-
fimleikum, sem fór fram í Árósum í Danmörku
í október.
Mette Mannseth
íþróttamaður Skagafjarðar
Mette Mannseth, hestakona í Léttfeta, var
valin íþróttamaður Skagafjarðar 2012. Var
það gert í hófi UMSS í Húsi frítímans, að
viðstöddu fjölmenni.
Mette er mikil keppnismanneskja, metn-
aðarfull, fjölhæf, skipulögð og ákaflega vinnu-
söm, segir í greinargerð um Íþróttamann
Skagafjarðar 2012. Helgi Rafn Viggósson lenti
í öðru sæti í kjörinu og Árný Lilja Árnadóttir
í þriðja sæti.
Elvar Þór íþróttamaður Hattar
Knattspyrnumaðurinn Elvar Þór Ægisson var
útnefndur íþróttamaður Hattar á Egilsstöðum
fyrir árið 2012 og fékk viðurkenningu sína á
þrettándagleði Fljótsdalshéraðs og Hattar.
Elvar var einn af betri leikmönnum 1. deild-
arinnar í sumar og sýndi á köflum hreint ótrú-
leg tilþrif. Hann spilaði nánast allar mínútur
sumarsins, lék 25 leiki í deild og bikar og var
markahæstur með 8 mörk í deild og 2 í bikar.
Elvar er góð fyrirmynd innan vallar sem utan
en hann fékk enga áminningu í sumar þrátt
fyrir að spila alla leikina.
Inga Elín íþróttamaður Akraness
Sundkonan Inga Elín Cryer var kjörin íþrótta-
maður Akraness fyrir árið 2012. Inga Elín átti
mjög gott sundár og vann til margra verð-
launa bæði á alþjóðlegum vettvangi og hér
heima. Hún varð þrefaldur Íslandsmeistari
auk þess sem hún setti nokkur Íslandsmet á
árinu. Hún var í landsliði Íslands á Sundmóti
smáþjóða sem haldnir voru í Andorra í sum-
ar en þar sigraði hún í þrem greinum.
Jakob Helgi íþróttamaður
Dalvíkurbyggðar
Jakob Helgi Bjarnason, skíðamaður úr Skíða-
félagi Dalvíkur, var kjörinn íþróttamaður Dal-
víkurbyggðar 2012. Jakob Helgi hefur lagt
mikið á sig til að ná langt í skíðaíþróttinni og
er hann í fremstu röð í heiminum í sínum
aldursflokki. Árið 2012 varð Jakob Helgi tvö-
faldur Íslandsmeistari í karlaflokki, þá 16 ára.
Hann varð einnig bikarmeistari SKÍ í 15–16
ára flokki og unglingameistari í svigi, alpa-
tvíkeppni og samhliðasvigi.
Ísólfur Líndal
íþróttamaður USVH
Ísólfur Líndal Þórisson, hestamaður, var kjör-
inn íþróttamaður Ungmennasambands
Vestur-Húnavatnssýslu 2012. Varð það gert
í hófi sem haldið var í íþróttamiðstöðinni á
Hvammstanga. Ísólfur hlaut 37 stig. Ísólfur
hefur á undanförnum árum skipað sér í raðir
bestu hestamanna landsins. Árið 2012 varð
honum farsælt á keppnisbrautinni og hann
keppti á mörgum mótum með flottum árangri.
Sökum þessa góða árangurs var hann valinn
knapi ársins hjá Hestamannafélaginu Þyt.
Andrea Sif og Justin íþróttafólk
Garðabæjar
Andrea Sif Pétursdóttir og Justin Christopher
Shouse eru íþróttamenn Garðabæjar 2012.
Valið fór fram með netkosningu bæjarbúa
auk valnefndar íþrótta- og tómstundaráðs
bæjarins.
Andrea Sif er 16 ára fimleikakona sem set-
ur æfingar og lið sitt framar öllu öðru. Hún er
góð fyrirmynd allra í Stjörnunni, hvort sem
er fyrir yngri flokka eða eldri, fimleikafélaga,
vini, þjálfara og foreldra. Helsti árangur
Andreu á árinu var Evrópumeistaratitill í hóp-
fimleikum í Árósum í Danmörku í október sl.
Að auki varð hún Íslandsmeistari unglinga í
febrúar, Íslandsmeistari yngri flokks í mars,
náði öðru sæti á Íslandsmóti eldri flokks í
apríl, fimmta sæti á NM unglinga og öðru
sæti á bikarmóti eldri hóps í nóvember.
Justin Shouse er 31 árs körfuknattleiks-
maður sem er að spila fimmta tímabil sitt með
Stjörnunni. Hann hefur vaxið jafnt og þétt
sem leikmaður og leiðtogi liðsins og á nú sitt
besta tímabil með Stjörnunni. Justin er leik-
maður sem aðrir leita til þegar illa gengur og
oftar en ekki er hann sá sem tekur til hend-
inni þegar á þarf að halda. Í lok síðasta keppn-
istímabils var Justin valinn besti íslenski leik-
maður úrvalsdeildarinnar í körfuknattleik
fyrir tímabilið 2011–12.
Ásgeir íþróttamaður Húsavíkur
Knattspyrnumaðurinn Ásgeir Sigurgeirsson
úr Völsungi var valinn Íþróttamaður Húsa-
víkur fyrir árið 2012. Árangur Ásgeirs á knatt-
spyrnuvellinum í íþrótt sinni á liðnu ári er frá-
bær og slíkur metnaður og sigrar ættu að
vera mikil hvatning fyrir annað ungt íþrótta-
fólk á Húsavík. Ásgeir Sigurgeirsson var val-
inn Íþróttamaður Húsavíkur 2012 fyrir frábær-
an árangur á knattspyrnuvellinum, bæði með
meistaraflokki Völsungs og með u17 ára lands-
liði Íslands sem hann spilaði með á Norður-
landamóti í Færeyjum og í undankeppni EM
2013 á Möltu.
Íþróttafólk ársins
isnic
Internet á Íslandi hf.