Morgunblaðið - Sunnudagur - 23.09.2012, Side 16

16 MORGUNBLAÐIÐ SUNNUDAGUR 23. 09. 2012
Ferðalög og flakk
Ef það er eitthvað sem er nóg af í Berl-
ín er það ís. Mest er af ískaffihúsum í
Prenzlauer Berg en þau hafa sprottið
upp víðar. Hver staður hefur sinn
sjarma, sumir bjóða t.d. eingöngu upp
á lífrænan ís. Súkkulaðiísinn er sígildur
en finna má óvenjulegri tegundir á
borð við freyðivíns- og myntuís. Ís-
kaffihúsið Annamaria er að finna í
einni fallegustu götunni í
Berlín, Husemannstraße, rétt
fyrir ofan Kollwitzplatz. Leit-
ið eftir orðunum „eigene her-
stellung“ eða „eigin fram-
leiðsla“ í glugganum.
DÁSAMLEGT ÍSKAFFIHÚS
B
erlín er nú orðin einhver allra vinsælasti áfanga-
staðurinn í Evrópu, á pari við París og London.
Ferðamönnum í borginni hefur fjölgað mjög enda
er margt sem mælir með henni. Fyrir utan
heimsfræg minnismerki á borð við Brandenborgarhliðið og
rústir Berlínarmúrsins er borgin mikil menningarborg með
ótrúlegum fjölda safna. Margir af hvað vinsælustu ferða-
mannastöðunum í borginni tengjast seinni heimsstyrjöldinni
eins og minnisvarðinn um helförina, sem er mikil upplifun
að sjá og Gyðingasafnið (Jüdisches Museum Berlin). Önnur
tengjast sögu borgarinnar og þessum mótum austurs og
vesturs sem þar voru eins og Berlínarmúrinn, Checkpoint
Charlie-safnið og DDR-safnið, svo eitthvað sé nefnt.
Fyrir utan allt þetta eru síðan allir veitingastaðirnir,
skemmtistaðirnir, búðirnar og garðarnir en Berlín er
óvenjulega græn borg. Það er líka alveg sérstakur andi í
henni og hún hefur mjög afslappað yfirbragð, öfugt við hina
hefðbundnu þýsku ímynd. Borgin nær yfir stórt svæði og
hafa bæjarhlutarnir hver sinn sjarma. Þau hverfi sem hafa
notið hvað mestra vinsælda síðustu ár eru hvað helst
Prenzlauer Berg, Mitte, Kreuzberg og Neukölln. Frábærar
almenningssamgöngur eru í borginni svo enginn þarf að
óttast að eiga erfitt með að komast milli svæða. Góða ferð!
HEIMSBORGIN
Berlín
Í BORGINNI ÞAR SEM ÁÐUR MÆTTUST
AUSTUR OG VESTUR MÆTAST NÚ AÐRIR
MENNINGARSTRAUMAR OG BORGIN IÐAR
AF LÍFI. BERLÍN ER SÉRSTAKLEGA SKEMMTILEG
BORG TIL AÐ SÆKJA HEIM.
Texti og myndir: Inga Rún Sigurðardóttir ingarun@mbl.is
Fyrir fólk með áhuga á útivist og
hreyfingu er nóg að gera í Berlín
eins og til dæmis í Tempelhof-
garðinum. Þar sem áður var flug-
völlur stundar fólk nú ýmiss konar
íþróttir á breiðum flugbrautunum.
Uppáhalds markaðurinn minn er markaður sem
haldinn er við Kollwitzplatz á hverjum laugardegi.
Þarna er matur í fyrirrúmi og bæði hægt að kaupa
sér gott hráefni og líka setjast niður og borða. Líka
er þarna að finna föt, hálsmen og annað handverk.
Stemningin við Kollwitzplatz er einstök og nauð-
synlegt að gera ráð fyrir rúmum tíma á staðnum til
að geta bæði skoðað og sest niður og fengið sér
bita.
Annar magnaður markaður, sem er töluvert
stærri í sniðum, er haldinn í Mauerpark á sunnu-
dögum. Þar eru gömul og ný föt, húsgögn, smá-
hlutir og bara alls kyns gamalt dót sem gaman er
að gramsa í. Mörg veitingasvæði eru í garðinum
svo þarna er einnig hægt að koma til að borða.
MAGNAÐIR MARKAÐIR
FLJÓTANDI LÚXUSHÓTEL
19. OKT - 1. NÓV 2012
OASIS OF THE SEAS
Fljótandi 5 stjörnu hótel sem undirstrikar
að skemmtisiglingar eru ævintýri og
upplifun sem seint gleymist.
MEIRA Á UU.IS
13. APRÍL - 1. MAÍ 2013
SERENADE OF THE SEAS
Þér gefst m.a. tækifæri á að fara
eyðimerkursafarí í Dubai, skoða Luxor
og Konungadalinn í Egyptalandi,
kafa í Rauðahafinu
VERÐDÆMI:
464.900*,-
á mann m.v. 2 fullorðna í innri-klefa.
Tilhugsunin um fljótandi lúxus hótel sem líður
á milli áfangastaða er freistandi!
VERÐDÆMI:
359.800*,-
á mann m.v. 2 fullorðna í innri-klefa.
* Innifalið: flug, skattar, gisting, akstur og íslensk fararstjórn. Prentað með fyrirvara um villur. ÚRVAL ÚTSÝN | LÁGMÚLI 4 108 RVK | S. 585 4000 | MEIRA Á URVALUTSYN.IS
VESTUR - KARÍBAHAFDUBAI OG SUEZ CANAL