Morgunblaðið - Sunnudagur - 21.10.2012, Page 22

F
ormleg keppni í þríþraut með því sniði sem þekkt er í dag hófst á
áttunda áratug síðustu aldar. Síðan þá hafa vinsældir þrautarinnar
vaxið jafnt og þétt en mikil aukning hefur orðið í hópi iðkenda
hennar hér á landi undanfarin 3-4 ár.
Í þríþrautinni er keppt um tíma í samanlögðu sundi, hjólreiðum og
hlaupi, að skiptitímanum á milli greina meðtöldum. Keppt er í nokkrum
mismunandi vegalengdum og eru þær í „járnkarlinum“ svokallaða þar
lengstar. Gefur augaleið að mikið reynir á andlegt sem og líkamlegt þol
og atgervi við keppni í þrautinni
„Varlega áætlað æfa um 200 manns þríþraut markvisst
að staðaldri hér á landi, með keppni í huga,“ segir Egill
Ingi Jónsson, ÍAK einkaþjálfari, sem sérstaklega hefur
sérhæft sig í styrktarþjálfun fyrir þríþrautarfólk.
„Í raun og veru hentar þríþrautin öllum sem vilja fjöl-
breytta hreyfingu,“ segir Egill aðspurður hverjum íþrótt-
in henti.
Bendir hann á að auk þess að þrautin sé heilsusamleg
séu menn í þríþrautinni stöðugt að setja sér markmið og
vinna að því að ná þeim. Keppa þeir þannig stöðugt við
sjálfa sig og sigra þegar markmiðunum er náð og geta þá sett sér ný.
Eins og með aðrar íþróttir verður mikilvægi góðra og mikilla æfinga
seint nægilega áréttað. Að sögn Egils æfa þau sem mikið leggja upp úr
keppnum allt að tvisvar sinnum á dag 5-7 daga vikunnar. „Þau taka jafn-
vel sundæfingu á morgnana og þá hlaupa- eða hjólaæfingu að kvöldi,“
segir hann. Mikilvægt er þó að undanskilja ekki styrktaræfingar sem hafa
þarf með. „Í þessum greinum er mikið álag og tiltölulega einhæfar hreyf-
ingar eins og í hlaupi og á hjóli, því er mikilvægt að halda jafnvægi í lík-
amanum góðu og byggja upp jafnhliða styrk,“ segir Egill.
Aðalkeppnistímabilið í þríþraut fer fram á sumrin hér á landi en iðk-
endur eru duglegir að æfa í sundlaugum og þrekstöðvum yfir veturinn.
Nokkrar þríþrautardeildir eru starfandi undir hatti íþrótta- og sundfélaga
á landinu og halda þau úti skipulögðum æfingum allt árið hugnist fólki
slíkt fyrirkomulag betur en að æfa á eigin vegum. Vert er að benda á fé-
lögin 3SH í Hafnarfirði, Sundfélagið Ægi í Reykjavík, ÞríKó í Kópavogi
og þríþrautadeild UMFN í Njarðvík, vilji fólk kynna sér þrautina nánar.
SUND, HJÓL OG HLAUP
Þríþrautin
vinsæl
VINSÆLDIR ÞRÍÞRAUTAR HAFA AUKIST
STÓRUM Á MEÐAL LANDANS UNDAN-
FARIN ÁR. STÖÐUGT FJÖLGAR ÞEIM SEM
KJÓSA AÐ ÆFA SAMHLIÐA SUND, HJÓL-
REIÐAR OG HLAUP OG KEPPA Í ÖLLUM
ÞREMUR GREINUM.
Gunnhildur Ásta Guðmundsdóttir
gunnhildur@mbl.is
Keppendur í hálf-ólympískri þríþraut við að koma í mark í Hafnarfirði sl. sum-
ar. Höfðu þeir þá lagt að baki 750 m syndandi, 20 km hjólandi og hlaupið 5 km.
Ræst af stað í sundhluta ólympískrar þríþrautar sl. sumar. Var þetta jafnframt
fyrsta keppnin þar sem sá hluti var syntur í sjó hérlendis eins og víðast tíðkast.
Talsvert er orðið um að Íslendingar fari einnig utan til að keppa í þríþraut. Birna Björnsdóttir, Íslandsmeistari í hálfum járnkarli og bronsverðlaunahafi í Kölnarþríþrautinni, sem hér sést, er ein þeirra.
Egill Ingi Jónsson
Keppendur í hálfum járnkarli bíða eftir að vera ræstir af stað í 1900 metra sund í Sundlaug Hafnarfjarðar sl. sumar.
22 MORGUNBLAÐIÐ SUNNUDAGUR 21.10. 2012
Hreyfing og heilsa
Í þríþraut er ávallt keppt í
eftirtöldum þremur greinum,
þ.e. sundi, hjólreiðum og
hlaupi. Tekur hvað við af öðru
og í fyrrnefndri röð. Hér á
landi er keppt í eftirtöldum
fjórum útgáfum þríþrautar:
Sprettþraut
400 m sund, 10 km hjól og 2,5
km hlaup
Hálfólympísk þríþraut
750 m sund, 20 km hjól og 5
km hlaup
Ólympísk þríþraut
1500 m sund, 40 km hjól og
10 km hlaup
Hálfur járnkarl
1900 m sund, 90 km hjól og
21,1 km hlaup.
Þá hefur töluverður fjöldi
Íslendinga einnig sótt út fyrir
landsteinana þar sem þeir hafa
reynt sig við heilan járnkarl.
Keppt á fjóra
vegu hérlendis