Morgunblaðið - 19.10.2012, Qupperneq 46

46 MENNING
MORGUNBLAÐIÐ FÖSTUDAGUR 19. OKTÓBER 2012
Silja Björk Huldudóttir
silja@mbl.is
„Il trovatore á fullt erindi við okkur í dag, enda
úreldist ástin ekki, hvort heldur hún birtist í
formi móðurástar eða milli elskenda. Hvað
varðar hinar myrkari hliðar sögunnar þá
finnst mér þær kallast sterkt á við fréttir þær
sem borist hafa frá Mið-Austurlöndum á síð-
ustu árum,“ segir Carol I. Crawford hljóm-
sveitarstjóri um Il trovatore eftir Giuseppi
Verdi sem Íslenska óperan frumsýnir í Eld-
borgarsal Hörpu annað kvöld kl. 20.
Leikstjóri uppfærslunnar er Halldór E.
Laxness, leikmyndahöfundur Gretar Reynis-
son, búninga hannar Þórunn María Jónsdóttir
og lýsingu Björn Bergsteinn Guðmundsson. Í
helstu hlutverkum eru Jóhann Friðgeir Valdi-
marsson sem syngur Manrico, Hulda Björk
Garðarsdóttir sem Leonora og Anooshah
Golesorkhi sem Luna greifi.
Crawford er með doktorsgráðu í hljómsveit-
arstjórn frá Yale-háskóla og starfaði sem list-
rænn stjórnandi og óperustjóri óperunnar í
Tulsa í Bandaríkjunum á árunum 1993-2008.
Hún hefur stjórnað yfir þrjátíu óperuupp-
færslum í Bandaríkjunum
og Evrópu, m.a. hjá óperu-
num í St. Louis og Port-
land, Staatstheater Kassel
og Landestheater Magde-
burg í Þýskalandi.
Aðspurð segist Crawford
aðeins hafa stjórnað Il
trovatore í tveimur sviðs-
uppfærslum áður. „Þessi
ópera er ekki sviðsett oft í
Bandaríkjunum, sem helg-
ast fyrst og fremst af því að hún krefst fjög-
urra framúrskarandi söngvara, enda er óperan
sönglega séð mjög krefjandi,“ segir Crawford
og rifjar upp fleyg ummæli ítalska tenórsins
Enrico Caruso þess efnis að til þess að upp-
setning á Il trovatore takist sem skyldi þurfi
að fá fjóra bestu söngvara heims.
Hugvitsamlega hönnuð leikmynd
Í samtali við Morgunblaðið lýkur Crawford
lofsorði á Hörpu. „Mér finnst orkan í þessu
húsi stórkostleg, en hér iðar bókstaflega allt af
lífi. Hljómburðurinn í Eldborg er frábær, en
ég fór á nokkra sinfóníutónleika áður en æf-
ingar á óperunni hófust. Sviðið er auðvitað
ekki hannað fyrir óperuflutning og það þýðir
að það þarf talsverða útsjónarsemi í sviðsetn-
ingunni. Leikmynd Gretars er hins vegar sér-
lega hugvitsamlega hönnuð og nýtir rýmið til
hins ýtrasta. Búningarnir eru færðir til nú-
tímans og það virkar að mínu mati mjög vel,“
segir Crawford og hrósar jafnframt leikstjór-
anum fyrir sérlega ánægjulegt samstarf.
Spurð á hvað hún leggi áherslu í túlkun sinni
á tónlist Verdis segir Crawford „bel canto“-
söngstílinn vera í forgrunni. „Óperan býr yfir
mörgum fallegum bundnum hendingum. Þær
eru tæknilega snúnar og krefjast því mikils af
söngvurunum. Hins vegar er það svo að alveg
sama hvað er að gerast á sviðinu dramatískt
séð þá verða söngvararnir ávallt að syngja fal-
lega,“ segir Crawford, en þess má geta að í
verkinu takast bræðurnir Manrico og Luna
greifi heiftarlega á með dramatískum afleið-
ingum, en þeir vita ekki að þeir eru bræður
þar sem þeir voru skildir að í æsku. Átök
þeirra eiga sér upptök í því að þeir hrífast af
sömu konunni, Leonoru. Tortryggni og heift
persóna verksins leiðir til þess að konur eru
brenndar á báli sem og saklaust barn.
Ástin úreldist aldrei
Ljósmynd/Gísli Egill Hrafnsson
Afbrýði Anooshah Golesorkhi, Hulda Björk Garðarsdóttir og Jóhann Friðgeir Valdimarsson í hlutverkum sínum sem Luna, Leonora og Manrico.
 Óperan Il trovatore eftir Giuseppe Verdi frumsýnd í Hörpu annað kvöld
 Carol I. Crawford fyrst kvenna til að stjórna hjá Íslensku óperunni
Carol I.
Crawford
Vefgalleríið Muses.is heldur sjö-
undu „pop-up“ sýningu sína á 19.
hæð Höfðatorgs nú um helgina, frá
19. til 21. október. 19 listamenn
sýna verk sín, þeir Bergþór Mort-
hens, Björn Árnason, D. Íris Sig-
mundsdóttir, Halldór Sturluson,
Harpa Rún Ólafsdóttir, Hugleikur
Dagsson, Hulda Hlín Magnúsdóttir,
Inga María Brynjarsdóttir, Kalli
Youze, Kristinn Már Pálmason,
Ninna Þórarinsdóttir, Sara Oskars-
son, Sylvía Dögg Halldórsdóttir,
Sævar Karl, Sævar Jóhannsson,
Víðir Mýrmann, Þorvaldur Jónsson
og Ziska Örn Tönsberg.
Á vef Muses.is segir að hann sé
vefgallerí með myndlist eftir áhuga-
verða og framsækna listamenn.
Galleríið sér um kynningu á verkum
umbjóðenda sinna, geymslu á verk-
um og sölu, setur upp sýningar, tek-
ur þátt í viðburðum fyrir heimili og
fyrirtæki og aðstoðar við val á verk-
um í samvinnu við viðskiptavini. Um
galleríið sjá listfræðingarnir Nanna
Þórdís Árnadóttir og Rakel Sævars-
dóttir.
Morgunblaðið/Eggert
Sýnir Hugleikur Dagsson er einn listamanna Muses.is. Hér sést hann við
uppsetningu á sýningu í galleríi Bókabúðar Máls og menningar í júní sl.
Sjöunda „pop-up“
sýning Muses.is
Orgeltónleikar verða haldn-
ir í dag kl. 17 í Fella- og
Hólakirkju í tilefni af því að
20 ár eru liðin frá vígslu
Marcussen-orgels kirkj-
unnar sem þykir afar
hljómfagurt. Á tónleik-
unum koma fram Lenka
Mátéová og Guðný Einars-
dóttir og flytja ýmis ein-
leiksverk. Þær munu einnig
leika fjórhent og ferfætt á
orgelið, m.a. afmælislagið útsett fyrir slíkan
flutning og valsa eftir Johann Strauss fyrir
fjóra fætur. Myndatökumaður mun taka upp
tónleikana og varpa á stóran skjá í kirkjunni
svo allir geti fylgst með flutningnum.
Fjórhent og fer-
fætt á orgelið
Lenka Mátéová
Ólöf Arnalds heldur tón-
leika í Þjóðmenningarhús-
inu í kvöld kl. 21. Með henni
leika Klara Arnalds og
Ingibjörg Elsa Turchi úr
hljómsveitinni Boogie
Trouble. Á tóneikunum
verður einnig frumsýnt
myndband við lag Ólafar,
„A little grim“, sem verður
á væntanlegri hljómplötu
hennar, Sudden Elevation
en það gerði myndlistarkonan Sigrún Hrólfs-
dóttir. Þá mun Kristín Eiríksdóttir lesa upp úr
væntanlegri skáldsögu sinni Hvítfeld - fjöl-
skyldusaga á tónleikunum.
Tónleikar með
Ólöfu Arnalds
Ólöf Arnalds
Næstu tónleikar hádegis-
tónleikanna Klassík í hádeg-
inu verða haldnir í dag kl.
12.15 og á sunnudaginn, 21.
október, kl. 13.15. Listrænn
stjórnandi og flytjandi er
Nína Margrét Grímsdóttir
píanóleikari en með henni
leikur Ari Þór Vilhjálmsson
fiðluleikari. Nína og Ari
munu flytja Sónötu í A-dúr
D574, Ständchen og Ave
Mariu eftir Franz Schubert. Á hverjum tón-
leikum raðarinnar eru verkin kynnt fyrir gest-
um til að veita þeim innsýn inn í heim klass-
ískrar tónlistar.
Klassík í hádeginu
með Nínu og Ara
Nína Margrét
Grímsdóttir
Ármúla 32 · 108 Reykjavík · Sími 568 1888 · parketoggolf.is · Þú finnur okkur líka á Facebook
Parket & gólf - Sérfræðingar í gólfefnum!