Morgunblaðið - 01.12.2012, Page 11

kveikja á útikertum og dreifa þeim
en allir ferðafélagar koma með eitt
eða tvö útikerti með sér. Á meðan
kveikt er á ljósunum fer afgang-
urinn af hópnum inn í heitan skál-
ann og býr til jólaskraut.
Hópurinn sem skreytir
skálann
„Við skreytum svo skálann
með heimatilbúna föndrinu okkar
og hjá Útivist heitum við Hópurinn
sem skreytir skálann. Við gerum
músastiga, kramarhús og annað
skraut og gerum skálann ofboðs-
lega fallegan. Föndrið er svo skilið
eftir og svo kemur Útivist með hóp
helgina á eftir og þá koma þau í
skreyttan skálann. Þetta skraut
fer ekki niður fyrr en eftir nýárs-
ferðina þannig að við erum svolítið
ánægð með okkur.“ Þegar skreyt-
ingunni er lokið er hafist handa við
að elda og leggja á langborð og
kemur hver fjölskylda með mat
sem dugar fyrir hana. „Það er allt-
af jólahlaðborð en aldrei gefið út
hvað menn eiga að koma með. Ég
fer með mat fyrir átta og ég ræð
hvort ég kem með forrétt, aðalrétt
eða eftirrétt. Svo þegar við komum
inneftir kemur í ljós hvað er á
hlaðborðinu. Það er alltaf nóg af
öllu og mér finnst það alltaf jafn-
fyndið hvað þetta dreifist jafnt.“
Hjálparsveitarfólkið kann
bæði að skemmta sér og skipu-
leggja sig og því er jafnan veislu-
stjóri. Það hlutverk hefur fallið í
skaut Magneu Einarsdóttur, skóla-
stjóra í Snælandsskóla. „Veislu-
stjórinn stjórnar borðhaldi sem
hefst á söng og svo hefur skapast
sú hefð að leyfa börnunum alltaf
að byrja að borða. Svo þegar menn
eru búnir að borða eru skemmti-
atriði. Síðan er kaffi og litlu börnin
sett í rúmið og þá er gítarinn dreg-
inn fram og sungið þar til fólk fer
að geispa.“
Þægileg uppskrift að ferð
Krakkarnir sjá til þess að
ferðafélagarnir fari snemma á fæt-
ur en daginn eftir fara þau yfirleitt
út að leika sér á meðan eldra fólkið
fer í gönguferð. „Svo hittumst við í
hádegismat og klárum afgangana
og yfirleitt tökum við engan mat
með okkur heim. Þessi uppskrift
að ferð er mjög þægileg. Börn og
fullorðnir eru saman á jólahlað-
borði sem stendur í rúman sólar-
hring og allir eru afslappaðir. Það
var einn með okkur í ferðinni núna
sem er kokkur á Hilton. Við spurð-
um hann hvort þetta væri ekki
miklu betra en á Hilton og hann
svaraði bara: Sko skrautið á Hilton
er allavega ekki heimagert! Við
eigum það fram yfir Hilton en ég
veit ekki með rest,“ segir Íris og
hlær.
Ljósmynd/Eyrún Felixdóttir
Jólaskraut Það fylgir því ábyrgð að tilheyra hópnum sem skreytir skálann.
Ljósmynd/Magnús Þórsson
Jólalegt Ferðalangarnir búnir að moka helstu gönguleiðir að skálanum, skreyta og kveikja á útikertunum í Básum.
DAGLEGT LÍF 11
MORGUNBLAÐIÐ LAUGARDAGUR 1. DESEMBER 2012
Jólahelgi verður haldin nú um helgina,
1. og 2. desember í glerblástursverk-
stæðinu á Kjalarnesi. Gestablásarar
eru Amy Kruger frá Svíþjóð, Marie
Bang frá Danmörku, og Verena Schatz
frá Austurríki og munu þær, ásamt
Ólöfu og Sigrúnu Einarsdætrum sýna
glerblástur. Gefst fólki með þessu
skemmtilegt tækifæri til að sjá lista-
verk verða til úr gleri.
Á staðnum verður einnig útsala á
útlitsgölluðum glermunum og af-
sláttur af öðru gleri. Þá verða kaffi og
piparkökur og munu
félagar úr Vinabandinu leika jólalög
á munnhörpu og gítar á laugardags-
morgun. Verkstæðið er staðsett milli
Klébergsskóla og Grundarhverfis og
eru allir velkomnir frá milli 10 til 15.
Endilega…
…sjáið
glerblástur
Glerblástur List verður til úr gleri.