Morgunblaðið - 01.12.2012, Qupperneq 30

30 FRÉTTIRErlent
MORGUNBLAÐIÐ LAUGARDAGUR 1. DESEMBER 2012
BRETTAPAKKAR
20% AFSLÁTTUR
ÞEGAR KEYPT ERU
BRETTI, BINDINGAR
OG BRETTASKÓR.
Á
R
N
A
S
Y
N
IR
util if. is
Sértækri skuldaaðlögun
lýkur um áramót
Við bjóðum
góða þjónustu
islandsbanki.is | Sími 440 4000
Samkomulag um sértæka skuldaaðlögun rennur út um áramótin.
• Sértæk skuldaaðlögun er ætluð þeim sem skulda meira en 100% af markaðs-
virði veðsettra fasteigna og bifreiða. Skuldaaðlögunin nær til allra skulda
einstaklinga hjá Íbúðalánasjóði, bönkum, sparisjóðum og lífeyrissjóðum.
• Sértæk skuldaaðlögun kemur aðeins til greina ef sýnt þykir að önnur vægari
úrræði nægja ekki til að rétta af fjárhagsstöðuna og fyrirséð er að viðkomandi
geti ekki staðið í skilum af lánum sínum til langframa.
Hægt er að sækja um sértæka skuldaaðlögun á islandsbanki.is eða í útibúum og á vef
viðskiptabanka umsækjanda.
Kjartan Kjartansson
kjartan@mbl.is
Þúsundir stjórnarandstæðinga mótmæltu á
götum Kaíró í gær í kjölfar þess að sérstakt
stjórnlagaþing samþykkti drög að nýrri stjórn-
arskrá Egyptalands. Drögin voru samþykkt án
þátttöku fulltrúa frjálslyndra og kristinna.
Atkvæði voru greidd um drögin eftir sólar-
hringslangan fund en talið er að íslamistar,
sem ráða lögum og lofum í þinginu, hafi hraðað
afgreiðslu stjórnarskrárdraganna áður en
dómstólar gætu leyst samkunduna upp.
Stjórnlagadómstóll á að kveða upp úr um það á
morgun hvort leysa eigi upp stjórnlagaþingið.
Samþykktin gerir lítið til að draga úr spennu
á milli stjórnarandstöðunnar annars vegar og
Mohamed Morsi, forseta landsins, og Bræðra-
lags múslíma sem hann tilheyrir hins vegar.
Frá því að Morsi gaf út tilskipun í síðustu
viku sem færðu honum svo gott sem einræð-
isvald í landinu þar til ný stjórnarskrá hefur
verið samþykkt og þingkosningar haldnar hef-
ur hörð valdabarátta staðið yfir á milli forset-
ans og dómstóla. Tilskipun Morsis fól meðal
annars í sér að ekki væri hægt að leysa upp
stjórnlagaþingið og að dómstólar geti ekki
hnekkt ákvörðunum hans.
Samkvæmt lögum verður Morsi að halda
þjóðaratkvæðagreiðslu um stjórnarskrárdrög-
in innan þrjátíu daga en hann segir að hún
verði haldin „fljótlega“.
Mannréttindastjóri Sameinuðu þjóðanna,
Navi Pillay, hvatti Morsi í gær til þess að end-
urskoða tilskipun sína og varaði við því að hún
stangaðist á við alþjóðlega mannréttindasátt-
mála. Lýsti hún sérstökum áhyggjum sínum af
áhrifum hennar á sjálfstæði dómstóla og að-
gang að dómstólum.
Drögum hraðað í gegnum þingið
 Stjórnlagaþing Egyptalands samþykkti drög að stjórnarskrá eftir maraþonfund  Samþykkt án að-
komu frjálslyndra og kristinna  Fjöldi stjórnarandstæðinga mótmælti Morsi og Bræðralaginu í gær
AFP
Mótmæli Maður hrópar slagorð gegn Morsi.
Rússneskur dóm-
stóll hefur lagt
bann við birtingu
myndbands
pönkhljómsveit-
arinnar Pussy
Riot á þeim for-
sendum að það
sé „öfgafullt“.
Því eigi að fjar-
lægja það af vefsíðum sem hýsa
það.
Dómarinn sagði dóminn byggjast
á niðurstöðu nefndar sérfræðinga
sem hefði skoðað myndband af því
þegar meðlimir sveitarinnar rudd-
ust inn í kirkju. Í því væru ákveðnir
hópar niðurlægðir vegna trúar
sinnar og frjáls dreifing á því gæti
ýtt undir kynþátta- og trúarhatur.
RÚSSLAND
Myndband Pussy
Riot verði fjarlægt
Nú um helgina eru sextíu ár liðin frá
einni fyrstu kynleiðréttingaraðgerð-
inni sem framkvæmd var með bæði
skurðaðgerð og hormónameðferð.
Það var árið 1952 sem Banda-
ríkjamaðurinn George Jorgensen
fór í kynleiðréttingaraðgerð í Dan-
mörku og gekk upp frá því undir
nafninu Christine Jorgensen. Sem
unglingur varð Jorgensen fullviss
um að hún væri föst í karlmannslík-
ama. Það var svo seint á 5. áratug
síðustu aldar sem hún rakst á grein
um danskan lækni, Christian Ham-
burger, sem gerði tilraunir með kyn-
leiðréttingu með því að prófa horm-
ón á dýrum.
Báðir foreldrar Jorgensen voru
fæddir í Danmörku svo að það
reyndist henni auðvelt að réttlæta
ferð þangað árið 1950 án þess að
segja neinum frá hinum raunveru-
lega tilgangi.
„Ég var svolítið taugaóstyrk
vegna þess að það voru svo margir á
þessum tíma sem héldu því fram að
ég væri klikkuð.
Dr. Hamburger
fannst hins vegar
ekkert sérstak-
lega athugavert
við það,“ rifjaði
Jorgensen upp í
viðtali mörgum
árum eftir að-
gerðina.
Læknirinn var
sá fyrsti sem
greindi Jorgensen sem transmann-
eskju og setti hana á kvenhormón.
Þá hvatti hann hana til að haga sér
og klæða eins og kvenmaður. Eftir
rúmt ár af hormónameðferð fór Jor-
gensen í röð kynleiðréttingar-
aðgerða. Lögum um geldingar í
Danmörku var meðal annars breytt
til þess að aðgerðirnar gætu farið
fram. Eftir aðgerðirnar skrifaði
Jorgensen foreldrum sínum bréf
þar sem sagði: „Náttúran gerði mis-
tök sem ég hef nú látið leiðrétta og
ég er nú dóttir ykkar.“
Kom heim frá
Danmörku sem kona
Christine
Jorgensen
Bráðnun heimskautaíssins hefur
hækkað yfirborð sjávar um ellefu
millimetra á undanförnum tveimur
áratugum. Þetta er niðurstaða
rannsóknar fjölda vísindamanna á
ís við Grænland og Suðurskauts-
landinu sem birt hefur verið í vís-
indatímaritinu Science.
Þetta er nákvæmasta mat á
hækkun yfirborðs sjávar sem gert
hefur verið. Rannsóknin bendir
jafnframt til að bráðnun heims-
skautaíss hafi valdið um fimmtungi
af yfirborðshækkuninni frá árinu
1992. Þá kemur fram að ísinn á
Grænlandi bráðni nú fimmfalt
hraðar en hann gerði það ár. AFP
Hafísinn
hverfandi á
norðurhveli