Morgunblaðið - 24.12.2012, Blaðsíða 6

VIÐTAL
Ágúst Ingi Jónsson
aij@mbl.is
„Jólin hafa alltaf skipt mig miklu máli
og samveran með fjölskyldunni. Það
hefur ekkert breyst, en ég er þakk-
látur fyrir að vera á lífi og kannski
tek ég aðeins þéttar utan um konuna
og börnin á þessum jólum,“ segir Ei-
ríkur Ingi Jóhannsson. Fyrir ellefu
mánuðum fórst togarinn Hallgrímur
SI undan ströndum Noregs í aftaka-
veðri og fórust þrír skipverjar.
Eiríkur Ingi vann einstakt þrek-
virki er hann komst í björgunarbún-
ing og frá sökkvandi skipinu. Öld-
urnar gengu yfir hann og sjór komst
inn í flotbúninginn meðfram andlits-
opinu. Það var ekki fyrr en tæpum
fjórum klukkustundum síðar að hon-
um var bjargað úr köldum sjónum
um borð í norska björgunarþyrlu.
Eiríkur er 36 ára og býr ásamt
konu sinni, Bertu Gunnlaugsdóttur,
og fjórum börnum þeirra í Árbæjar-
hverfinu í Reykjavík. Börnin eru 2, 4,
6 og 12 ára, tvær stelpur og tveir
strákar, og því var nóg að gera í jóla-
undirbúningnum þegar spjallað var
við Eirík. „Yngsti strákurinn er með
hlaupabólu, en er sprækur og hleyp-
ur um allt. Það er nóg að gera sem
betur fer,“ segir Eiríkur.
Einstæð lýsing
Eftir björgunina var Eiríkur í einn
dag á sjúkrahúsi í Noregi, en fljótlega
eftir heimkomuna fór hann í Kastljós
Sjónvarpsins. Hann lýsti deginum ör-
lagaríka á einstæðan hátt og þjóðin
fylgdist agndofa með þættinum sem
er sá lengsti í sögu Kastljóss.
Með Hallgrími SI fórust þeir
Magnús Þórarinn Daníelsson, Gísli
Garðarsson og Einar G. Gunnarsson.
Eiríkur segir að hugurinn leiti oft til
ættingja þeirra, sem hafi misst mikið.
„Það er örugglega erfitt hjá fólkinu
þeirra að njóta ekki samvista við
þessa góðu menn lengur og þá sér-
staklega yfir hátíðirnar. Við erum
örugglega öll að vinna úr þessum at-
burðum,“ segir Eiríkur.
Ekki auðveldir mánuðir
Í samtali við Morgunblaðið undir
fyrirsögninni „Ég er ekki nein hetja,
ég var bara að reyna að bjarga mér“
sagðist Eiríkur eiga eftir að brotna.
„Ég er búinn að gráta oft og fá tár í
augun og allt þetta. Þetta er bara upp
og niður en ég er aðallega uppi núna,“
sagði Eiríkur.
Mánuðirnir frá slysinu hafa ekki
verið auðveldir fyrir Eirík og enn hef-
ur hann ekki að öllu leyti unnið úr
slysinu hörmulega. Framundan sé
enn einn hjallinn því slysið varð 25.
janúar og sú dagsetning situr í hon-
um. „Það hafa ýmsir bardagar verið í
þessu, sem maður gat ekki gert sér
grein fyrir áður,“ segir Eiríkur.
„Þetta tekur í, en er allt í rétta átt
og ég einbeiti mér að því að gera já-
kvæða hluti fyrir sjálfan mig. Það
þarf samt ekki mikið að koma upp á
til að hugurinn leiti til baka og ein-
beitingin hverfi. Þegar ég hugsa til
þeirra sem eru farnir verður þetta
mjög erfitt.
Stundum gerist þetta upp úr
þurru, stundum er nóg að heyra á tal
manna og stundum fer hugurinn á
flug við eitthvað í umhverfinu eins og
að sjá skip. Þetta gerist fyrirvara-
laust, það er eins og eitthvað detti í
hausinn á manni og næturnar eru
ekki verstar,“ segir Eiríkur.
Köfun og körfubolti
Hann segist hafa unnið í sínum
málum með aðstoð lækna, sjúkra-
þjálfara og sálfræðinga og allt stefni í
rétta átt. Líkamlega hafi hann slopp-
ið ótrúlega vel. Hann skaddaði rófu-
bein í slysinu og segist enn finna fyrir
óþægindum ef hann sitji lengi, það
fari þó eftir setunni. Einnig sé hann
enn að jafna sig í hendinni, en allt
færist þetta í rétta átt.
Eiríkur er tækniköfunarkennari
og hefur kafað talsvert síðustu mán-
uði og þá einkum í sjónum, í Kleif-
arvatni og á Þingvöllum. Hann byrj-
aði að æfa körfubolta með b-liði Vals í
byrjun janúar í vetur og hélt því
áfram í haust með strákunum í
Leikni. Það hafi verið talsvert átak
eftir átján ára fjarveru frá boltanum.
Ennþá er hann ekki farinn að stunda
vinnu.
Gleðileg jól, allir
Eiríkur segir að undirbúningur
jólanna hafi verið skemmtilegur á
heimilinu og yngsta fólkið hafi vakn-
að snemma til að kíkja í skóinn.
Framundan sé að halda jól þar sem
ástin verði í fyrirrúmi.
„Fjölskyldan hefur alltaf verið mér
dýrmætust. Ég kunni að meta það
sem ég átti áður og það hefur ekkert
breyst. Það kemur fyrir þegar ég
horfi á börnin mín að ég hugsa hversu
litlu munaði að ég hefði ekki séð þau
aftur og þau hefðu þurft að alast upp
föðurlaus. Það tekur í að hugsa þessa
hluti, en við ætlum að halda jól á já-
kvæðum nótum.
Fyrst ég fæ tækifæri til segi ég
bara gleðileg jól, allir. Njótið hvert
annars, jól eru tími til að njóta sam-
vista með þeim sem okkur þykir vænt
um og hugsa til þeirra sem við elsk-
um. Hjarta mitt er hjá ykkur, strák-
ar, og megi ykkar fólk gleðjast yfir
fallegum minningum um ykkur, sem
veita hlýhug í hjarta.
Takk fyrir hlýhug og virðingu á
árinu sem er að líða,“ segir Eiríkur
Ingi Jóhannsson að lokum.
Tekur þéttar um fólkið sitt þessi jólin
 „Þetta tekur í, en er allt í rétta átt,“ segir Eiríkur Ingi Jóhannsson, sem bjargaðist á ótrúlegan hátt
úr sjóslysi við Noreg fyrir tæpu ári  Þakklátur fyrir að vera á lífi og undirbýr jól á jákvæðum nótum
Morgunblaðið/RAX
Fjölskyldan Eiríkur Ingi Jóhannsson og Berta Gunnlaugsdóttir með börnin sín fjögur, en þau eru Selka Sólbjört, tólf ára, Adam Valgeir, sex ára, Vigdís Sól
fjögurra ára, og Jónatan Jón, tveggja ára. Eiríkur segir undirbúning jólanna hafa verið skemmtilegan á heimilinu og nóg að gera, sem betur fer.
6 FRÉTTIRInnlent
MORGUNBLAÐIÐ MÁNUDAGUR 24. DESEMBER 2012
Í samtali við Morgunblaðið í febr-
úar í vetur sagði Sævar Gunnars-
son, formaður Sjómanna-
sambands Íslands, meðal annars:
„Þetta er náttúrlega bara sláandi
reynsla. Sem betur fer þurfa fáir
að ganga í gegnum þetta. Mér
sýnist að pilturinn hafi brugðist
rétt við á allan máta og tekið af-
skaplega vel á málum við ólýs-
anlegar aðstæður.“ Í samtalinu
segir Sævar að nokkrum sinnum
hafi kalt vatn runnið honum milli
skinns og hörunds þegar hann
hlustaði á lýsingu Eiríks í Kast-
ljósi.
Eiríkur Ingi var í sjónum í hátt í
fjórar klukkustundir og sagði
Hilmar Snorrason, skólastjóri
Slysavarnaskóla sjómanna, í sam-
tali við Morgunblaðið, að þetta
væri líklega lengsti tími sem ís-
lenskur sjómaður hefði verið í sjó
í björgunarbúningi og það í köld-
um sjó og mikilli ölduhæð.
Olves Arnes, flugstjóri á ann-
arri norsku björgunarþyrlunni
sem fór á slysstaðinn þegar Hall-
grímur sökk sagði í samtali við
Morgunblaðið að Eiríkur Ingi
hefði gert allt rétt miðað við að-
stæður. „Hann lifði af vegna alls
þess sem hann gerði.“
Brást rétt við á allan máta
LANGUR TÍMI Í KÖLDUM SJÓNUM OG MIKILLI ÖLDUHÆÐ
Björgun Eiríkur Ingi við flotbúninginn.
Morgunblaðið/Árni Sæberg
SÉRHÆFING Í VIÐHALDI GÓLFA
SÉRSMIÐI
innréttingar, borðplötur, sprautulökkun
info@golfthjonustan.is | golfthjonustan.is
S: 897 2225
„Þær vikur sem endurbætur á orgelinu taka verður maður
sem vængstýfður fugl. En ég er strax farinn að hlakka til, því
í byrjun mars fáum við enn betra hljóðfæri með alveg nýjum
möguleikum,“ segir Björn Steinar Sólbergsson organisti
Hallgrímskirkju.
Strax eftir nýár, þegar helgihaldi jóla er lokið, mæta org-
elsmiðir frá Klais í Þýskalandi í kirkjuna á Skólavörðuholti.
Þeir munu taka aðalorgel kirkjunnar ofan, þar með flestar
pípur þess sem eru alls 5.277. Þær verða hreinsaðar, auk þess
sem einni rödd af 72 í orgelinu verður breytt. Gangvirkið
verður yfirfarið og tölvubúnaður endurnýjaður, en miklar
framfarir hafa orðið í þeim efnum frá því hljóðfærið var tekið
í notkun fyrir réttum tuttugu árum.
„Orgelið er í mikilli notkun, því hér eru kennsla, tónleikar
og helgihald alla daga. Viðgerðin er nauðsynlegt verkefni
sem kostar á bilinu 25 til 30 milljónir kr,“ segir Björn Steinar
Sólbergsson. Kostnað segir hann að mestu greiddan úr sjóð-
um Hallgrímssafnaðar. Ýmsir hafi þó lagt málinu lið, svo sem
kvenfélag kirkjunnar og sömuleiðis listamenn sem fram
komu á tónleikaröðinni Alþjóðlegt orgelsumar fyrr á þessu
ári. sbs@mbl.is
Orgel nýrra möguleika
 Hljóðfæri Hallgrímskirkju endurbætt  30 milljónir kr.
Morgunblaðið/Sigurður Bogi
Organisti Fáum mun betra hljóðfæri með nýjum
möguleikum, segir Björn Steinar Sólbergsson.