Morgunblaðið - 19.01.2013, Blaðsíða 14

ÚR BÆJARLÍFINU
Jónas Erlendsson
Fagridalur
Mýrdælingar hafa ekki þurft að
kvarta undan snjóþyngslum það
sem af er vetri, því að varla hefur
sést snjór á láglendi. Þetta kemur
sér afar vel fyrir framkvæmda-
glaða ferðaþjónustuaðila í sveitar-
félaginu, og er ljóst að töluverð
fjölgun verður á gistirýmum fyrir
næsta sumar.
  
Hótel Vík verður stækkað um
2.440 fermetra og eru fram-
kvæmdir þegar hafnar. Byggja á í
áföngum norðan við eldri bygg-
ingar hótelsins og mun nýja bygg-
ingin hýsa bæði gistirými og mat-
sal. Hjá Hótel Dyrhólaey er verið
að stækka matsalinn. Og á Hótel
Kötlu á Höfðabrekku er verið að
byggja hús við heitu pottana fyrir
búningsaðstöðu og líkamsrækt.
Þetta eru þær framkvæmdir
sem farnar eru af stað en auk
þessa eru í umræðunni bygging
hundrað herbergja hótels í Vík og
tveggja sumarhúsa á Suður-Hvoli
auk annarra smærri verkefna. Það
er því ljóst að Mýrdælingar eru
bjartsýnir um gott áframhald á
aukningu ferðamanna sem vilja
gista á svæðinu.
  
Framkvæmdir við nýja brú á
Múlakvísl hófust í byrjun desem-
ber. Búið er að reka niður staura
undir eina brúarundirstöðu.
Eftir að hlaup úr Kötluöskj-
unni eyðilagði fyrri brúna var
byggð þar bráðabirgðabrú á
nokkrum dögum. Ekki er búið að
bjóða verkið við varnargarðana og
brúna út. Stefnt er að því að það
verði gert með vorinu, og á nýja
brúin að vera tilbúin í júní 2014.
Morgunblaðið/Jónas Erlendsson
Framkvæmdir Tinna og Guðmundur Elíasbörn tóku fyrstu skóflustunguna að stækkun Hótels Víkur.
Uppgangur í ferðaþjónustu
14 FRÉTTIRInnlent
MORGUNBLAÐIÐ LAUGARDAGUR 19. JANÚAR 2013
Allir fimm sakborningarnir í svo-
nefndu Pitstop-máli voru dæmdir í
fangelsi í Héraðsdómi Reykjaness
í gær.
Þeir játuðu allir sök við aðal-
meðferð málsins á mánudag.
Mennirnir, sem eru á aldrinum
22-29 ára, voru ákærðir fyrir sér-
staklega hættulega líkamsárás í
Hafnarfirði árið 2010. Í ákæru
sagði að mennirnir hafi í félagi í
september 2010 veist að karlmanni
innandyra á verkstæðinu Pitstop í
Hafnarfirði. Þeir eltu manninn upp
á aðra hæð húsnæðisins, slógu
hann með kylfu í höfuð og líkama
og hrintu honum á glervasa sem
brotnaði.
38 spor
Einn fimmmenninganna var
einnig ákærður fyrir að hafa í
mars 2011 kastað bjórglasi í vanga
karlmanns á skemmtistað í mið-
borg Reykjavíkur með þeim afleið-
ingum að glasið brotnaði. Sá sem
varð fyrir árásinni fékk skurði á
andliti og hálsi, sem sauma þurfti
með samtals 38 sporum. Þá löm-
uðust raddbönd hans.
Tveir sakborninganna hlutu eins
árs skilorðsbundinn fangelsisdóm
en það var virt þeim til málsbóta
að þeir játuðu brot sitt. Annar
þeirra er sá sem réðst á karlmann
á skemmtistað og er honum gert
að greiða fórnarlambinu 800 þús-
und krónur í miskabætur.
Einn sakborninganna var
dæmdur í sex mánaða fangelsi og
tveir í tveggja mánaða fangelsi.
Alls þurfa mennirnir að greiða
rúmar 2,8 milljónir króna í sak-
arkostnað.
Fimm dæmdir í
Pitstop-málinu
 Dæmdir í 2-12 mánaða fangelsi
Morgunblaðið/Ómar
Héraðsdómur Húsnæði Héraðs-
dóms Reykjaness í Hafnarfirði.
„Ég man ekki eftir því að svona margir hafi hætt á
sama árinu. Þetta er óvenjustór hópur. Þau eru
mjög víða úr starfseminni og úr öllum deildum
Landhelgisgæslunnar nema sprengjudeildinni,“ seg-
ir Hrafnhildur Brynja Stefánsdóttir upplýsinga-
fulltrúi, en tíu manns hættu hjá gæslunni um síðast-
liðin áramót vegna aldurs. Á myndinni eru eftir röð
Ragnar Ingólfsson, Ríkharður Laxdal, Árni Ólason,
Haraldur Ö. Haraldsson, Sjöfn Axelsdóttir, Jón Ebbi
Björnsson, Sigríður Ólafsdóttir, Gylfi Geirsson,
Ingvar Kristjánsson og Georg Kr. Lárusson for-
stjóri.
Morgunblaðið/Árni Sæberg
Tíu hættu á einu bretti
 Óvenjustór hópur hætti vegna aldurs hjá Landhelgisgæslunni
Mjólkurbúið KÚ hefur kært Mjólk-
ursamsöluna fyrir brot á 10. og 11.
grein samkeppnislaga með því að
krefja KÚ um hærra verð fyrir hrá-
mjólk en aðra kaupendur. Kæran
gegn Mjólkursamsölunni var lögð inn
til Samkeppniseftirlitsins í gær en
samkvæmt tilkynningu frá fyrirtæk-
inu verður í framhaldinu lögð fram
kæra hjá lögreglu á hendur forstjóra
Mjólkursamsölunnar og stjórnarfor-
manni.
Þess er krafist að Samkeppniseft-
irlitið stöðvi framgöngu Mjólkursam-
sölunnar þegar í stað og að stjórn-
endur og fyrirtækið sæti ábyrgð
vegna brota sinna. Þá er þess krafist
að Mjólkursamsalan endurgreiði KÚ
oftekinn kostnað upp á 16 milljónir
króna auk vaxta og annars kostnaðar
sem hlotist hefur vegna viðskiptanna.
„Mjólkurbúið KÚ ehf. áskilur sér
fullan rétt til að krefjast skaðabóta úr
hendi Mjólkursamsölunnar vegna
framgöngunnar en ljóst er að henni
var ætlað að hindra samkeppni á
mjólkurvörumarkaði. Rétt er að
árétta sögu samkeppni á mjólk-
urvörumarkaði en Mjólkursamsalan
hefur lagt að velli alla keppinauta
sína frá árinu 1935 fyrir utan einn
sem var keyptur upp. Við brot sín
hefur Mjólkursamsalan notið stuðn-
ings og skjóls stjórnvalda á hverjum
tíma og svo er einnig nú. Kæran verð-
ur jafnframt send til Eftirlitsstofn-
unar EFTA ásamt kæru á hendur ís-
lenskum stjórnvöldum vegna
undanþáguákvæða er undanskilja ís-
lenskan mjólkuriðnað að hluta frá
samkeppnislögum,“ segir í tilkynn-
ingu frá KÚ.
KÚ kærir MS fyrir brot
á samkeppnislögum
Íslenska ullin
er einstök
Skoðaðu litaúrvalið í næstu verslun
Sjá sölustaði á istex.is