Morgunblaðið - Sunnudagur - 20.01.2013, Blaðsíða 32

32 MORGUNBLAÐIÐ SUNNUDAGUR 20.1. 2013
Matur og drykkir
10 miðlungsstórar
kartöflur
1 msk smjör
1 dós sýrður rjómi
4 msk smátt skorinn
púrrulaukur
kartöflukrydd
1 bréf beikon
rifinn ostur
Kartöflunar eru bakaðar í ofni og
leyft að kólna aðeins. Þær eru
síðan skornar í tvennt og inni-
haldið skafið úr og sett í hræri-
vélarskál. Passa þarf að skafa var-
lega svo hýðið rifni ekki. Gerð
er kartöflumús úr innihaldinu og
smjöri og sýrðum rjóma hrært
saman við. Því næst er blandan
krydduð með kartöflukryddi.
Steikið beikonið og klippið það
síðan niður í litla bita. Hrærið
saman við kartöflumúsina. Að
lokum fyllið þið kartöfluskinnið
með músinni og dreifið smátt
skornum púrrulauk og rifnum
osti yfir. Þetta er tilvalið að gera
kvöldið áður. Að lokum eru
kartöflurnar hitaðar í um það bil
tuttugu mínútur í ofni eða þar til
þær eru orðnar heitar í gegn og
osturinn fallega bráðinn.
Fylltar kartöflur
I
nnilegt faðmlag og koss á kinn einkenna upphaf þessa matarboðs.
Kominn er saman hópur af æskuvinum Örnólfs Örnólfssonar og konur
þeirra. Þetta er sá fasti liður sem heldur hópnum þétt saman en eftir
fjölskyldustækkanir og fólksflutninga utan hefur dregið úr tækifærum
til að rækta vináttuna. Þetta er eini dagurinn sem allir taka frá, koma
börnunum í pössun og sitja yfir borðhaldi tímunum saman. Vinirnir hafa
allir komið sér upp sínum steini fyrir steina-
steik og mæta með sinn stein í boðið. Á meðan
steinarnir eru hitaðir í ofninum er grænmetið
skorið niður og matnum raðað á diska sem er
svo komið fyrir á veisluborðinu. Örnólfur og
Bryndís hafa frá upphafi tekið á móti hópnum
og alltaf hafa þau séð um meðlæti og eftirrétt.
Þegar maturinn er tilbúinn kemur hópurinn
saman og skálar í fordrykknum. Oft hefur verið notað tækifærið á þessari
stundu til að tilkynna væntanlegar barneignir eða brúðkaup á nýju ári.
Að þessu sinni fær hin tveggja mánaða gamla Íris Dana Guðmundsdóttir
að fylgjast með boðinu og er ein af fáum börnum í hópnum sem hafa orð-
ið þeirrar gæfu aðnjótandi. Hún stelur senunni í hópmyndatökunni enda
fáir sem standast nýburahjal og allra síst hjartahlýr ljósmyndari Morgun-
blaðsins.
Þegar sest er að borðum raða gestirnir matnum á steininn af mikilli
kunnáttu. Maturinn er hægeldaður og því setið lengið og snætt, spjallað
og hlegið. Að aðalréttinum loknum dregur Bryndís fram umslag á meðan
Örnólfur skellir eftirréttinum á borðið. Í umslaginu hvíla draumar, áætl-
anir og loforð gestanna fyrir árið 2012. Hver gestur les upp það sem hann
skrifaði árið áður. Það er mikið hlegið en líka tár sem falla. Ítarlega er
farið yfir sigra og sorgir ársins 2012. Að lokum skrifa allir niður drauma
sína fyrir nýtt ár og eru þeir innsiglaðir í umslagi merktu 2013. Kvöldinu
er lokið með spili og konfekti og að átta klukkustundum liðnum standa
glaðir og þreyttir gestir upp frá borðum og halda heim.
Gestgjafarnir Örnólfur og Bryndís (til hægri) skála í fordrykk með gestunum.
Vinahópurinn sestur við borð og flestir búnir að raða matnum á steininn. Átta klukkustunda borðhald rétt að byrja.
ÆSKUVINIR KOMA SAMAN Í UPPHAFI HVERS ÁRS
Sorgir, sigrar
og steinasteik
*Maturinner hæg-eldaður og því
setið lengi.
HJÓNIN ÖRNÓLFUR ÖRNÓLFSSON OG BRYNDÍS HAR-
ALDSDÓTTIR HAFA SÍÐASTLIÐIN TÍU ÁR BOÐIÐ VINUM
HEIM Í JANÚARBYRJUN. TILHÖGUN BOÐSINS ER ÆTÍÐ SÚ
SAMA; STEINASTEIK, OG GESTIRNIR KOMA MEÐ SINN MAT
Á MEÐAN HJÓNIN SJÁ UM MEÐLÆTI OG EFTIRRÉTT.
Texti: Signý Gunnarsdóttir signy@mbl.is
Myndir: Kristinn Ingvarsson kring@mbl.is
Það er fjölbreytt hráefnið sem
hægt er að setja á steininn. Að
þessu sinni er notað nautafilet,
lambafilet, svínalund, humar og
ýmiss konar pylsur. Undanfarin
ár hefur hópurinn prófað að
steikja tígrisrækjur, ýmiss konar
fisktegundir, dádýra-, hreindýra-
og kengúrukjöt og ýmislegt ann-
að. Gestirnir taka með sér
krydd og hver kryddar eftir
smekk. Eins er gott að setja
grænmeti á steininn og er vin-
sælt að steikja ostafyllta sveppi,
paprikur, kúrbít, rauðlauk og
sætar kartöflur.
Hráefni
á steininn