Morgunblaðið - Sunnudagur - 20.01.2013, Side 49

20.1. 2013 MORGUNBLAÐIÐ SUNNUDAGUR 49
Ætli ég hafi ekki verið ein-hleyp lengur en ég hefverið í sambandi,“ segir
Guðríður Haraldsdóttir, betur
þekkt sem Gurrí. Gurrí er 54 ára,
starfar sem aðstoðarritstjóri Vik-
unnar og á einn son. Hún var gift í
nokkur ár en síðustu árin hafa ver-
ið samfelldur „einhleypur tími“.
„Ég hef verið í samböndum og
skellt mér á stefnumót en stefnu-
mótamenningin hér á landi er ekki
upp á marga fiska. Til sam-
anburðar má nefna að í Bandaríkj-
unum þykir ekkert stórmál að fara
með einhverjum gæja út að borða,
þótt það verði ekkert endilega neitt
úr því. Þetta er oft gert óþarflega
flókið hérlendis. Eitt sinn átti að
kynna mig fyrir voðalega indælum
manni. Ég var ekkert yfir mig
spennt en lét tilleiðast og stakk
upp á því að ef þessir vinir mínir
héldu matarboð gætu þeir boðið
mér og vini þeirra, ásamt öðrum
gestum, eðlilegasti hlutur í heimi.
En maðurinn fékk þá algjört áfall.
Honum þótti það form allt of vand-
ræðalegt. Það er kannski spurning
um að bjóða fólki á réttan hátt,
sleppa að minnast á aðkynna eigi
mann fyrir einhverjum. Það getur
verið vandræðalegt, ekki síst ef
báðir einstaklingarnir vita af því.“
Vinir Gurríar eru fæstir í hjóna-
klúbbum en almennt telur Gurrí að
einhleypar konur fái færri heimboð.
„Þetta þarf ekkert að vera per-
sónulegt en ég finn það á ein-
hleypum konum í kringum mig og
hef skynjað sjálf að sumir vilja síð-
ur fá einhleypa einstaklinga í boðin.
Kannski vilja gestgjafar forðast að
vera þrettán til borðs. Samkvæmt
Agöthu Christie veit það á morð.
En þótt ég hafi ekkert á móti því
að hitta góðan mann þá líður mér
afskaplega vel einhleypri og skil
stundum ekki að aðr-
ir sjái ekki hvað ég á
innihaldsríkt líf.“
Aðspurð hvort
Gurrí hugsar það
ekki sérstaklega sem
ávinning að ráða sér
sjálf. „Ég lít ekki á
það sem kost að
þurfa ekki að taka til-
lit til neins en ég er
vissulega orðin vön
því að taka allar
ákvarðanir sjálf.
Maður vinkonu minn-
ar spyr mig stundum
hvort ég ætli ekki að
fara að finna mér
mann. Ég svara „einlæglega“ að
vinkonur mínar hafi klófest alla
bestu mennina. Eftir því sem ég
eldist er svo æ minna um krúttlega
íhlutun í innanríkismál mín. Ætli
ég væri ekki duglegri að deita ef
ég væri ekki svona lítið fyrir að
fara út að skemmta mér. Svo finnst
mér kaffi betra en vín.“
Fyrir nokkuð mörgum árum var
Gurrí mönuð til að skrá sig á
einkamal.is og en ekki stóð það
lengi. „Þetta var eftir að ég hafði
sagt „þetta fólk“ um þá sem nota
þessa síðu, sem var náttúrlega al-
ger hroki, en ég hef áður sagt að á
þessari síðu hafi æsku minni og
sakleysi endanlega lokið. Þarna
hleypti ég að mér einhverju sem ég
kærði mig ekki um inn í líf mitt. Af
fjölmörgum
tilboðum má
nefna eitt frá
23 ára strák,
hermanni á
Vellinum,
sem sagði að
hann ásamt
nokkrum fé-
lögum sínum
hefði áhuga á
að kynnast
„eldri“ konu.
Þarna voru
líka ágætir
menn en
flestir þeirra
reyndust vera
giftir. Einn var fljótur að klippa á
línuna þegar ég spurði hvort hon-
um þætti ekki trúnaðarbrestur að
spjalla svona á netinu, verandi gift-
ur. Það var léttir þegar ég skráði
mig endanlega út eftir þessa nokk-
urra vikna þroskandi reynslu. Vin-
konan sem hafði manað mig sagði
að ég væri allt of viðkvæm, það
væri til delete-takki. Ég á marga
facebookvini og þar eru ókunnugir
innan um. Einn þeirra fleygði mér
út af vinalista sínum af því að ég
var svo „fúl“, ég tók ekki nógu vel í
daður hans. Kannski líta sumir á
Facebook sem stefnumótasíðu.“
Gurrí reyndi um tíma að standa
undir staðalímyndinni um einhleypa
konu. Hún nefnir sem dæmi jólin
fyrstu árin eftir skilnaðinn. „Mér
leið eins og ég ætti að vera döpur
yfir því að eiga ekki mann sem
gæfi mér fallegan skartgrip í jóla-
gjöf, eins og giftar vinkonur mínar
fengu, en áttaði mig með tímanum
á því að þetta væru ekki mínar til-
finningar. Oft eru einhleypum gerð-
ar upp tilfinningar og sumir trúa
mér hreinlega ekki þegar ég segi
líf mitt vera gott þótt ég eigi ekki
mann.“
Eitt er það þó sem margar ein-
hleypar konur, sérstaklega þær
sem eiga börn, eiga sameiginlegt.
„Fátækt er því miður algeng og
það er mikill misskilningur að ein-
stæðar mæður hafi það svo gott á
„öllum þessum bótum“. Ég reyndi
að láta það ekki á mig fá að geta
ekki veitt mér margt, haft góðan
mat um helgar, ferðast og slíkt en
hefði gjarnan viljað veita syni mín-
um að fara í tónlistarnám sem hann
þráði. Launamunur kynjanna bitnar
líka á karlmönnum. Ég fann líka
fyrir meiri óvirðingu sem einstæð
móðir, ekki síst í skólakerfinu.“ Á
móti nefnir Gurrí að mjög gott fólk
hafi líka orðið á vegi hennar eins
og fyrrverandi leigusali, kona sem
lækkaði leiguna þegar hún frétti að
hún væri einstæð móðir og heim-
sótti hana fyrstu jólin eftir að leiðir
þeirra skildi með væna peningagjöf.
Gurrí fór beinustu leið niður í bæ
og keypti betri jólamat og góða
jólagjöf fyrir soninn.
„Það getur vel verið að ég vinni
meira en sumir aðrir þegar ég
hugsa út í það hvort líf mitt sé
öðruvísi og ég set það yfirleitt ekki
fyrir mig að vinna á kvöldin og um
helgar. Ég fæ mikið út úr vinnunni.
Líklega samt ef ég ætti mann
myndi ég áreiðanlega ekki sitja í
tölvunni allan sólarhringinn.“
54 ára: Einhleypar fá
færri heimboð
GUÐRÍÐUR HARALDSDÓTTIR SEGIST STUNDUM EKKI SKILJA AÐ AÐRIR SJÁI
EKKI HVAÐ HÚN LIFI HAMINGJU- OG INNIHALDSRÍKU LÍFI. HÚN VINNUR
MIKIÐ, Á KVÖLDIN JAFNVEL OG UM HELGAR, AÐALLEGA AF ÞVÍ AÐ HÚN
HEFUR GAMAN AF ÞVÍ.
Aldurshópurinn
50 ára og eldri
Skipting einhleypra:
Aldrei verið í hjónabandi:
Eiga að baki hjónaband:
1998
Alls konur:
34.699 Einhleypar :
17%
41%
59%
2003Alls konur:
39.206 Einhleypar :
18%
39%
61%
2008Alls konur:44.977
Einhleypar :
19%
39%
61%
2012Alls konur:49.693
Einhleypar :
20%
48%
52%
Útreikningar eru byggðir á tölum Hagstofu Íslands um mannfjölda eftir kyni, aldri og hjúskaparstétt 1998-212. Einhleypar ekkjur eru ekki inni í tölunum.
Gurrí hélt um tíma að hún ætti að skæla yfir því að jólin væru án kærasta.
Hún áttaði sig fljótt á að það voru ekki hennar eigin tilfinningar heldur til-
búningur úr umhverfinu.
*Það getur velverið að égvinni meira en sum-
ir aðrir þegar ég
hugsa út í það hvort
líf mitt sé öðruvísi
og ég set það yf-
irleitt ekki fyrir mig
að vinna á kvöldin
og um helgar.
lstaður fyrir alla fjölskylduna
Olís Norðlingaholti
Olís Álfheimum
Olís Gullinbrú
Olís Borgarnesi
Olís Selfossi
Olís Akranesi
Olís Stykkishólmi
Olís Skagaströnd
Olís Dalvík
Olís Neskaupstað
Olís Reyðarfirði
Þú finnur okkur á völdum þjónustustöðvum Olís um land allt