Morgunblaðið - Sunnudagur - 27.01.2013, Blaðsíða 20

*Heilsa og hreyfingKristján Már Gunnarsson breytti um lífsstíl og heldur nú úti heilsubloggi til að hjálpa öðrum »22
M
atAskur er sprotafyrirtæki í heilsumatvælaiðnaði og heildsala sem stofnað var
fyrir tæpum tveimur árum. Framleiðsla hófst haustið 2011 og voru vörulín-
urnar þrjár; HeilsuAskur, FerðaAskur og SveitaAskur. Reksturinn bar sig
ekki og því hefur framleiðslu nú verið hætt. Þrátt fyrir þetta bakslag er Mat-
Askur hvergi af baki dottinn. Borghildur Sverrisdóttir, sem á MatAsk ásamt Jóhanni
Bjarna Kjartanssyni, hefur ennþá trú á hugmyndinni og leitar nú leiða til að selja fram-
leiðendum í matvælaiðnaði hana með það fyrir augum að koma HeilsuAskinum inn í stór-
markaðina.
En hvað er HeilsuAskur?
HeilsuAskur er máltíðapakki sem inniheldur allar máltíðir dagsins; morgunverð, hádeg-
isverð og kvöldverð ásamt tveimur millibitum, að því er fram kemur á heimasíðu Mat-
Asks, mataskur.is. Magn hvers Asks byggist á þörf eigandans líkt og askar fyrr á öldum
gerðu. „Með nútímalegri aðferð ráðleggjum við hvaða stærð hentar hverjum og einum.
Persónulegar forsendur þeirra ákvarða ráðlagða stærð HeilsuAsksins, miðað við orku-
þörf,“ segir ennfremur. Forsendurnar eru hæð, þyngd, kyn, aldur, hreyfing og hvort
markmiðið sé að grennast eða að standa í stað í þyngd. „Þessar forsendur eru nauðsyn-
legar til að bjóða upp á skynsamlega máltíðapakka. Eitt hentar ekki öllum og því reynd-
um við ekki móta alla í sama formið,“ segir Borghildur.
Hún segir hugmyndina sem unnið er út frá núna aðeins einfaldari, fari HeilsuAskurinn
inn í stórmarkaðina verði aðeins um hádegis- og kvöldverð að ræða. „Ég er mjög bjartsýn
á að þetta gangi eftir. Ég finn að það er eftirspurn eftir tilbúnum heilsuréttum af þessu
tagi. Þetta er bara spurning um að búa til vitundina. Stórmarkaðirnir gætu gegnt þar
veigamiklu hlutverki,“ segir Borghildur.
Hinar vörulínurnar tvær, FerðaAskur, sem er nesti í ferðalagið eða útivistina, og
SveitaAskur, sem er karfa með sælkeraafurðum frá bændum, hafa ekki verið ræddar í
þessu sambandi en Borghildur segir þær eigi að síður góðra gjalda verðar. „Síðasta sum-
ar var mér tjáð að FerðaAskur væri ein besta nýsköpunin í ferðaiðnaði í langan tíma.“
Borghildur segir viðtökur hafa verið mjög góðar. „Við fengum frábær viðbrögð frá við-
skiptavinum okkar og mikla hvatningu. Fólk var mjög ánægt. Áskriftarhópurinn varð á
hinn bóginn aldrei nógu stór. Þess vegna er ekki grundvöllur fyrir áframhaldandi starf-
semi. Á þessu rúma ári vorum við með á bilinu 150 til 200 áskrifendur að öskunum en lík-
lega hefðu þeir þurft að vera helmingi fleiri.“
Borghildur segir skort á fjármunum til kynningarstarfs hafa riðið baggamuninn. „Mat-
Askur er sprotafyrirtæki og við fengum styrki úr nokkrum sjóðum og góðan stuðning á
Frumkvöðlasetri Nýsköpunarmiðstöðvar meðan við vorum að þróa hugmyndina og koma
fyrirtækinu á koppinn. Verr gekk á hinn bóginn að afla styrkja til kynningarstarfs og því
var brekkan mjög brött í upphafi. Sprotafyrirtæki sem þetta er ekki með neina fjármuni í
grunninn og ekki hlaupið að því að leita til fjárfesta um stuðning eftir efnahagshrunið.
Veröld frumkvöðulsins er í eðli sínu brött og því er mikilvægt fyrir alla sem feta þessa
braut að hugsa í lausnum en einblína ekki á vandamálin eða það sem afvega fer,“ segir
Borghildur. MatAskur kom sér strax upp heimasíðu á netinu og leitaði allra mögulegra
leiða til að vekja athygli á starfseminni. „Við reyndum líka að hagræða í rekstrinum en
allt kom fyrir ekki.“
Vekja þarf
vitundina
HEILSUMATVÆLAFYRIRTÆKIÐ MATASKUR HÆTTI FRAMLEIÐSLU
UM ÁRAMÓTIN. ÞRÁTT FYRIR GÓÐAR VIÐTÖKUR VORU VIÐSKIPTAVINIR
EKKI NÆGILEGA MARGIR. VONIR STANDA TIL AÐ KOMA EINNI
VÖRULÍNUNNI, HEILSUASKI, Í STÓRMARKAÐI Á NÆSTUNNI.
Orri Páll Ormarsson orri@mbl.is
Borghildur Sverrisdóttir, eigandi MatAsks, er heima í fæðingarorlofi þessa dagana.
Morgunblaðið/Ómar
HEILSUMATVÆLI
Íslendingar eru feitastir Norðurlandaþjóða að
því er fram kemur í nýlegri skýrslu sem unnin
var á vegum norrænu ráðherranefndarinnar
og inniheldur fyrstu niðurstöður úr gagnaöflun
um mataræði, hreyfingu og holdafar barna og
fullorðinna á Norðurlöndunum.
Við samanburð mátti sjá að ekkert bendir til
þess að fituneysla sé meiri hér á landi en á hin-
um Norðurlöndunum, né heldur að við neyt-
um meira af mettaðri fitu eða transfitu. Íslend-
ingar borða svipað magn af grænmeti og
kornmeti og aðrar Norðurlandaþjóðir. Þó er
neyslan minni en mælst er til. Íslendingar neyta
mest sykurs allra Norðurlandaþjóða en mest
af fiski. 14% Íslendinga stunda enga hreyfingu
en það er hæsta hlutfall allra þjóða.
Á vefnum mataraedi.is sem er í umsjá hjarta-
læknisins Axels F. Sigurðssonar segir að ekki
sé hægt að útskýra með einhlítum hætti hvers
vegna Íslendingar eru feitari. Hann segir hugs-
anlegt að Íslendingar innbyrði hreinlega meira
magn hitaeininga en aðrar Norðurlandaþjóðir.
Þá er einnig ljóst að sykurneysla barna og full-
orðinna hér á landi er vandamál og vafalítið
einn af þeim þáttum sem skýra vaxandi tíðni
offitu.
ÍSLENDINGAR ERU FEITASTIR NORÐURLANDAÞJÓÐA
Neysla sykurs og ónóg hreyfing
Sykurneysla er meiri á Íslandi
en á öðrum Norðurlöndum.
Mikill sykur er í gosi.
AFP