Morgunblaðið - Sunnudagur - 27.01.2013, Qupperneq 54

54 MORGUNBLAÐIÐ SUNNUDAGUR 27.1. 2013
Menning
Þessir listamenn eru allir að víkka málverkið út og aðþróa list sína áfram um leið,“ segir Sigrún SandraÓlafsdóttir um listamennina sex sem eiga verk á sýn-
ingunni Lög unga fólksins sem verður opnuð í Listasafni
Reykjanesbæjar, Duushúsum, á laugardag klukkan 15. Þau
Sigrún Sandra og Aðalsteinn Ingólfsson eru sýningarstjórar
en listamennirnir ungu eru Davíð Örn Halldórsson, Guð-
mundur Thoroddsen, Jóhanna Kristbjörg Sigurðardóttir,
Marta María Jónsdóttir, Ingunn Fjóla Ingþórsdóttir og Ragn-
ar Jónasson. Öll eru þau fædd á árunum 1974 til 1982 og eiga
að baki bæði einkasýningar og samsýningar heima og erlendis.
Heiti sýningarinnar er tvírætt, vísar bæði til áhuga lista-
mannanna á dægurtónlist og dægurmenningu almennt og hins
„lagskipta málverks“, bæði í tæknilegu og menningarlegu til-
liti, enda eru verk þeirra sögð samsett úr mörgum lögum nú-
tíma sjónmenningar. Þetta eru verk máluð á striga, tréplötur,
viðarbúta og aðskotahluti, höggin í rótarhnyðjur, hlaðin úr
keramikvösum, auk þess sem verk Davíðs Arnar og Ingunnar
Fjólu eru gerð sérstaklega fyrir sýningarrýmið.
Aðalsteinn situr í listráði safnsins og hefur komið að fjölda
sýninga þess gegnum tíðina. Sigrún Sandra rak Gallerí Ágúst
til skamms tíma og vann þar mikið með sumum þessara ungu
listamanna. Hún segir að þegar stjórnendur Listasafns
Reykjanesbæjar hafi fengið þá hugmynd að hefja nýtt sýning-
arár með ungri og hressandi myndlist, og hafi haft nokkra
ákveðna listamenn í huga, þá hafi Aðalsteinn boðið sér að
vinna með þeim.
„Ég var strax spennt fyrir hugmyndinni en ég hef lengi haft
á tilfinningunni að meðal myndlistarmanna af þessari kynslóð
megi sjá ákveðna bylgju eða strauma, sem finnast ekki bara
hér á landi heldur er alþjóðleg hreyfing. Þetta fólk er að tak-
ast á við málverkið og víkkar heim þess út, með hressilegum
hætti,“ segir Sigrún Sandra.
Hún segir mega velta þeirri hugmynd fyrir sér, hvort þessi
kynslóð listamanna sé undir sérstaklega miklum áhrifum af
því að alast upp ááttunda og níunda áratugnum, þegar dæg-
urmenningin var mjög litrík og nýstárlegar teiknimyndir og
tónlistarmyndbönd voru að koma fram.
Oft heyrist rætt um meintan dauða málverksins. Er þessi
sýning ekki gott dæmi um að málverk sé alls ekki á graf-
arbakkanum?
„Ég hef nú aldrei efast um að málverkið lifi góðu lífi,“ segir
Sigrún Sandra. „Ég hef alltaf verið sannfærð um lífsþrótt þess
og hef horft á listamenn þróa þennan miðil á óendanlegan
máta. Það er spriklandi líf í málverkinu.
Þessir skapandi listamenn koma manni alltaf á óvart með
nýjum aðferðum og útfærslum, og það er stórkostlegt.“
Sýningin Lög unga fólksins tekur á sig mynd í stórum myndlistarsalnum í Duushúsum. Fjærst má sjá verk sem Davíð Örn Halldórsson vinnur beint á vegginn en í forgrunni er verk eftir Guðmund Thoroddsen.
HEIMUR MÁLVERKSINS VÍKKAÐUR ÚT Í REYKJANESBÆ
Það er spriklandi líf í málverkinu
LÖG UNGA FÓLKSINS ER HEITI SAMSÝNINGAR SEX UNGRA MYNDLISTARMANNA Í LISTASAFNI REYKJANESBÆJAR. SÝNINGARSTJÓRINN SEGIR LISTA-
MENNINA TENGJAST ALÞJÓÐLEGRI BYLGJU LISTAMANNA SEM VINNA MEÐ MÁLVERKIÐ OG ÞRÓA ÞAÐ Á „ÓENDANLEGAN MÁTA“.
Einar Falur Ingólfsson efi@mbl.is
Guðmundur
Thoroddsen
Ingunn Fjóla
Ingþórsdóttir
Jóhanna Kristbjörg
Sigurðardóttir
Davíð Örn
Halldórsson
Tómas
í Kling
Marta María
Jónsdóttir
Í áratug hefur Listasafn Reykjanesbæjar haldið úti
metnaðarfullu sýningahaldi í Duushúsum en á þeim
tíma hafa bæði sýnt þar erlendir og innlendir lista-
menn, á einka- og samsýningum sem sýningastjórar
hafa sett saman, og í hópi þeirra eru margir kunn-
ustu myndlistarmenn þjóðarinnar. „Frá upphafi höfum
við sett upp um sextíu sýningar og útgáfan er sam-
tímis mjög viðamikil, um sextíu sýningaskrár á tíu ár-
um,“ segir Valgerður Guðmundsdóttir, fram-
kvæmdastjóri menningarsviðs Reykjanesbæjar. Hún
segir ekki bara vandað til sýninganna heldur séu
bæklingarnir líka vandaðir og mikilvægar heimildir um
sýningarnar. „Sýningastjórarnir og listamennirnir sem
sýna, þetta er allt vel menntað og fínt fólk,“ segir
hún.
Varðandi rekstrarforsendur Listasafnsins segir Val-
gerður alla vita að eftir 2008 sé erfiðara að afla
styrkja til menningastarfs. „En viðhorf bæjaryfirvalda
hefur verið mjög jákvætt. Safnið hefur notið mikils
velvilja og stuðnings menningarráðs og bæjarstjórn-
ar.“ Þá séu Menningarsjóður Suðurnesja og Safn-
asjóður miklir styrktaraðilar safnsins.
„Unnið er markvisst eftir sýningastefnu þar sem
byggt er á fjölbreytni og fagmennsku,“ segir hún.
„Þetta er eina listasafnið á Suðurnesjum og gegnir því
einnig mikilvægu menntahlutverki. Við höfum tekið á
móti fjölda nemenda, til dæmis komu á þriðja þúsund
nemenda í formlegar skólaheimsóknir á sýningar
safnsins í fyrra og tekur kennari á móti þeim.“
METNAÐARFULL SÝNINGASTEFNA
LISTASAFNS REYKJANESBÆJAR