Morgunblaðið - 16.02.2013, Side 12

SVIÐSLJÓS
Björn Jóhann Björnsson
bjb@mbl.is
Tíu ár verða liðin í vor síðan höfuð-
stöðvar Orkuveitu Reykjavíkur við
Bæjarháls voru vígðar. Framkvæmd-
ir hófust árið 2001 en ákvörðun um að
ráðast í byggingu nýrra höfuðstöðva
var tekin í október 1999. Veitustofn-
anir höfðu þá verið í nokkrum húsum
við Suðurlandsbraut, Grensásveg og
víðar.
Samþykkt var í borgarstjórn í vik-
unni, með 10 atkvæðum meirihlutans
og VG, að taka tilboði Straums fjár-
festingabanka í fasteignirnar að Bæj-
arhálsi 1 og Réttarhálsi 1 upp á 5,1
milljarð króna. Samanlagt eru þetta
byggingar á 22 þús. ferm. gólffleti.
Straumur lagði fram tilboðið fyrir
hönd óstofnaðs félags, en talið er að
þar á bakvið séu lífeyris- og verð-
bréfasjóðir. Mun OR síðan leigja hús-
eignirnar til næstu 20 ára, með kaup-
rétti eftir tíu ár og við lok leigutímans.
Leigan á ári verður um 330 milljónir
króna. Salan er hluti af aðgerðaáætl-
uninni „Planinu“ sem samþykkt var í
apríl 2011, til að bregðast við miklum
skuldavanda OR í kjölfar hrunsins.
Borgarfulltrúar Sjálfstæðisflokks-
ins sátu hjá við afgreiðslu málsins í
borgarstjórn. Í bókun segjast þeir
vera hlynntir sölu húsanna en starf-
semin verði flutt í ódýrara húsnæði.
Sala eða lán?
Kostnaður við byggingu höfuð-
stöðvanna fór langt fram úr upphaf-
legum áætlunum en deilt hefur verið
um hversu framúrkeyrslan er mikil. Í
fyrrnefndri bókun sjálfstæðismanna
segir að heildarkostnaðurinn nemi 9,8
milljörðum króna á núverandi verð-
lagi, eða 4,7 milljörðum umfram tilboð
Straums. „Ef litið er svo á að um sölu
á húsinu sé að ræða felur það því í sér
feiknarlegt tap fyrir Orkuveituna. Að
ýmsu leyti hefur fyrirliggjandi sölu-
samningur yfirbragð lánssamnings til
10-20 ára og í því ljósi má segja að
Orkuveitan sé í raun að taka dýrt lán.
Kaupverð er langt undir endurstofn-
verði og vaxtakjör eru mun lakari en
Orkuveitan og Reykjavíkurborg
njóta nú á lánum sínum,“ segir í bók-
un sjálfstæðismanna, en fram kom í
tilkynningu OR um söluna að sölu-
hagnaður hefði numið 600 milljónum
króna. Bókfært virði fasteignanna er
þá um 4,5 milljarðar króna.
Á árunum 2002-2003 komu fram
upplýsingar frá verkfræðistofum og
stjórnendum OR um að kostnaður við
höfuðstöðvarnar væri áætlaður frá
2,0-2,9 milljarðar. Í Morgunblaðinu í
október 2002 var haft eftir þáverandi
stjórnarformanni að kostnaður myndi
aðeins fara 8% fram úr áætlunum. Á
undanförnum tíu árum hafa kostnað-
artölurnar hins vegar hækkað, við
bættist um 1.000 fermetra bygging og
í ljós kom að ekki var í áætlunum gert
ráð fyrir ýmsum kostnaðarliðum eins
og loftræstikerfi og frágangi á lóðinni.
Í skýrslu úttektarnefndar á rekstri
OR, síðan í október 2012, kemur fram
að endanlegur kostnaður hafi ekki
komið fram fyrr en 2005. Þá var talað
um heildarkostnað upp á 4,3 millj-
arða, eða um 70% hærri en upphaf-
legar áætlanir, sé miðað við að þær
hafi verið upp á 2,7 milljarða.
Stendur að hluta til autt
Úttektarnefndin fór hins vegar yfir
bókhald Orkuveitunnar á þessum ár-
um og komst að því að byggingar-
kostnaður á árunum 2001-2005 hefði
verið 5,3 milljarðar á verðlagi hvers
árs, eða nærri 8,5 milljarðar á verð-
lagi 2010. Miðað við verðlag í dag er
sú upphæð komin í 9,4 milljarða. Tek-
ur úttektarnefndin fram að sala
gömlu höfuðstöðvanna hafi skilað
Orkuveitunni 1,8 milljörðum króna á
sínum tíma en uppfært til dagsins í
dag er það um 3,6 milljarðar kr.
Eiríkur Hjálmarsson, upplýsinga-
fulltrúi OR, segir að úttektarnefndin
hafi í tölum um byggingarkostnað
ekki tekið afskriftir eignanna með í
reikninginn. „Í reikningsskilum fyr-
irtækja er þetta ekki gert svona. Þar
eru eignir afskrifaðar á líftíma þeirra
og þessi eign hefur verið afskrifuð frá
því hún var tekin í notkun 2003. Í bók-
um Orkuveitunnar eru fasteignir af-
skrifaðar samkvæmt reglum þar um.“
Hvað sem öllum tölum líður þá er
ljóst að höfuðstöðvar OR fóru langt
fram úr upphaflegum áætlunum. Út-
tektarnefndin gagnrýndi hvernig að
málum var staðið, mikill hraði hefði
einkennt verkið og kappsamlega unn-
ið að því að koma rekstrinum undir
eitt þak. Einnig hefði komið í ljós að
Orkuveitan hefði ekki þörf fyrir allt
þetta húsnæði, enda hefur það að
hluta til staðið autt og gerir enn. Öll
austurálma aðalbyggingarinnar
stendur auð en að sögn Eiríks er von
á varanlegum leigjanda á næstunni
sem tekur eina hæð af fjórum í álm-
unni. Einnig er vilji til þess að leigja
út húsnæði á 1. hæð vesturálmu.
Notkun á innviðum Orkuveituhúss-
ins hefur einnig verið gagnrýnd gegn-
um tíðina. Auk umræðunnar um eld-
húsið var um tíma rekin
líkamsræktarstöð í húsinu undir
merkjum World Class en starfsmenn
nota nú það húsnæði í dag með lík-
amsræktartækjum í eigu Orkuveit-
unnar.
Saga framúrkeyrslu og
flottheita í höfuðstöðvum OR
Morgunblaðið/Ómar
Orkuveitan Höfuðstöðvarnar við Bæjarháls kostuðu skildinginn.
 Söluverð vel undir byggingarkostnaði  Ekki tekið tillit til afskrifta, segir OR
12 FRÉTTIRInnlent
MORGUNBLAÐIÐ LAUGARDAGUR 16. FEBRÚAR 2013
Karlakórinn Heimir úr Skagafirði
heldur tónleika í menningarhúsinu
Hofi á Akureyri á morgun, sunnu-
dag. Yfirskrift tónleikanna er
„Svífðu með“ en þeir verða með
svipuðu sniði og þrettánda-
skemmtun kórsins sem fram fór í
Miðgarði í byrjun ársins. Helsta
breytingin er að stórsöngvarinn
Óskar Pétursson frá Álftagerði
verður fjarri góðu gamni en minnst
tveir söngvarar fylla hans skarð;
„stóri“ bróðirinn Pétur Pétursson og
Akureyringurinn Hjalti Jónsson.
Guðrún Gunnarsdóttir söngkona
verður á sínum stað á tónleikunum,
sem og Ari Jóhann Sigurðsson og
fleiri einsöngvarar úr kórnum.
Fyrir hlé er sígild karlakóra-
tónlist á dagskránni en eftir hlé
verður skipt um takt með léttri
sveiflu, við undirleik hljómsveitar
sem Heimismenn skipa. Guðrún tek-
ur þá lagið með kórnum og fleiri
söngvarar. Stjórnandi kórsins er
Stefán R. Gíslason og undirleikari
Thomas R. Higgerson.
Kórinn kemur suður yfir heiðar
með sömu tónleika 1. og 2. mars,
fyrst á Akranesi og síðan með
tvenna tónleika daginn eftir í Lang-
holtskirkju í Reykjavík. Ferð til
Austfjarða er fyrirhuguð 13. apríl.
Tónleikarnir í Hofi á morgun hefj-
ast kl. 16 og miðasala fer m.a. fram á
midi.is.
Ljósmynd/Hjalti Árnason
Heimir Karlakórinn skagfirski varð 85 ára í lok árs 2012, stofnaður 1927.
Um 60 félagar eru í kórnum í vetur, frá innan við tvítugt til 81 árs að aldri.
Heimismenn taka
létta sveiflu í Hofi
Mötuneyti Orkuveitunnar
komst í fréttir fyrir um þremur
árum fyrir dýran rekstur og
flottheit. Kynningarmyndband
sem OR gerði 2004 fór þá í um-
ferð og vakti mikla athygli.
Kostnaður við uppsetningu eld-
hússins var 61 milljón árið
2003 og þremur árum síðar var
bætt við innréttingum fyrir um
níu milljónir. Rekstrarkostn-
aður eldhússins árið 2009 var
um 120 milljónir en kominn í
um 100 milljónir í fyrra. Upplýs-
ingafulltrúi OR segir sparnað
hafa verið í eldhúsinu eins og á
öðrum sviðum fyrirtækisins.
Ódýrara í dag
MÖTUNEYTI OR
2.022
milljónir kr. áætlun í okt. 2000 m.v.
umsögn VSÓ um vinningstillögu
2.487
milljónir kr. í ágúst 2002 skv. áætl-
un VSÓ á stjórnarfundi OR
2.900
milljóna kr. áætlun um kostnað í
apríl 2003 er húsið var vígt
4.200
milljóna kr. heildarkostnaður í jan-
úar 2005, að mati stjórnenda OR
5.300
milljóna kr. heildarkostnaður á
verðlagi hvers árs, 2001-2005
8.466
milljónir kr. er sá kostnaður upp-
færður m.v. verðlag 2010
9.400
milljónir kr. er sá kostnaður upp-
færður m.v. verðlag í dag
5.100
milljóna kr. söluvirði höfuðstöðva
Orkuveitunnar í febrúar 2013
4.500
milljóna kr. bókfært virði húsanna
‹ ÁÆTLANIR UM KOSTNAÐ ›
»
Á safnanótt var opnuð málverkasýn-
ing 42 félaga úr hópi Félags frí-
stundamálara í Sjóminjasafninu Vík-
inni við Grandagarð. Sýningin er
fjölbreytt og þar eru til sýnis ólík
myndefni. Málararnir nota bæði ol-
íuliti og vatnsliti.
Félag frístundamálara verður
fjögurra ára um þessar mundir og
hafa félagar verið með stórsýningar
tvisvar á ári. Sýningin er opin á
sama tíma og safnið kl. 11-17 en lok-
að á mánudögum. Nánari upplýs-
ingar má finna á fristundamal-
arar.com.
Sýna í Víkinni
Bláfjallagangan fer fram við skála
Ullunga í Bláfjöllum laugardaginn
16. febrúar en henni varð að
fresta vegna veðurs fyrir tveimur
vikum. Gangan er hluti af Íslands-
göngumótaröð sem fram fer vítt
og breitt um landið og er tilgang-
urinn m.a. að hvetja almenning til
þátttöku í þessari hollu íþrótta-
grein. Í Bláfjallagöngunni eru
gengnir 20 km og fá þeir sem
ljúka henni stig í stigakeppni Ís-
landsgöngunnar. Keppt er í þrem-
ur aldursflokkum karla og
kvenna, 16-34 ára, 35-49 ára og 50
ára og eldri. Einnig eru í boði
styttri vegalengdir.
Ræst verður kl. 11.30 fyrir 9
ára og yngri og þá sem telja sig
þurfa meira en tvær klst. til að
ganga 20 km en kl. 12.00 fyrir
aðra þátttakendur.
Skráning er á heimasíðu Ull-
unga, www.ullur.is.
Keppa í Bláfjöllum
Kaffi á könnunni og næg bílastæði
b ó k a b ú ð
f o r l a g s i n s
OPIÐ ALLA VIRKA DAGA
kl. 10–18
OG LAUGARDAGA
kl. 11–15
Fiskislóð 39
Nú geta allir fengið
iPad-áskrift
Skráðu þig í iPad-áskrift á
www.mbl.is/mogginn/ipad/