Morgunblaðið - 16.02.2013, Blaðsíða 26

26 FRÉTTIRErlent
MORGUNBLAÐIÐ LAUGARDAGUR 16. FEBRÚAR 2013
Miðvikudaginn 20. febrúar kl 17:00-18:30
Kynningin verður haldin í Tjarnarsal Ráðhúss Reykjavíkur
Kynnt verður tillaga að breytingu deiliskipulags fyrir Landsímareit í Kvosinni.
Skipulagssvæðið afmarkast af Aðalstræti, Vallarstræti, Thorvaldsensstræti og Kirkjustræti.
Í framhaldi af kynningarfundinum hefst hagsmunaðilakynning sem stendur frá og með 20.
febrúar til og með 6. mars 2013.
Tillagan mun verða til sýnis í Ráðhúsinu og í þjónustuveri Reykjavíkurborgar að Borgartúni
12-14, auk þess sem hún verður aðgengileg á heimasíðu Reykjavíkurborgar.
Athugasemdum/ábendingum er veitt móttaka á kynningartímanum þeim verður ekki svarað
skriflega heldur verða þær innlegg í áframhaldandi vinnu. Þær skal senda á netfangið
skipulag@reykjavik.is
Fundurinn er opinn öllum og við vonumst til að sjá sem flesta.
Landsímareitur – Kvosin
breyting á deiliskipulagi - Hagsmunaaðilakynning*
Guðni Einarsson
Þórunn Kristjánsdóttir
Nærri eitt þúsund manns slösuðust
þegar loftsteinn sundraðist yfir Rúss-
landi í gærmorgun. Gríðarlegur blossi
og höggbylgja fylgdu sprengingunni.
Rúður brotnuðu í húsum og allt lék á
reiðiskjálfi, samkvæmt frétt frá AFP.
Ekkert þessu líkt hefur áður gerst á
síðari tímum.
Forseti Rússlands, Vladimir Putin,
þakkaði guði fyrir að loftsteinninn
hefði ekki fallið á fjölmennari svæði
en raun bar vitni, samkvæmt vef
breska ríkisútvarpsins.
Slösuðust af braki og gleri
Mikhail Juresévits, héraðsstjóri í
Seljabinsk, sagði að um tveir þriðju
hinna slösuðu
hefðu hlotið lítils-
háttar meiðsli, að-
allega vegna fljúg-
andi glerbrota og
braks.
Í borginni Sel-
jabinsk í Úralfjöll-
um þurftu 758
manns að leita sér
læknisaðstoðar,
samkvæmt frétta-
tilkynningu frá
borgaryfirvöldum. Íbúar í borginni
voru margir á ferli þegar loftsteinn-
inn splundraðist og brotin strikuðu
skýjaför á himininn klukkan 9.20 að
staðartíma, 3.20 að íslenskum tíma.
Um 300 byggingar urðu fyrir
skemmdum vegna höggbylgjunnar,
þar á meðal sjúkrahús, skólar, sink-
verksmiðja og íshokkíleikvangur.
Skólahald féll niður enda heldur nap-
urt að sitja í gluggalausum skólastof-
unum í 18 stiga frosti. Skemmdir urðu
bæði í Seljabinsk og fleiri bæjum í
héraðinu.
Loftsteinsbrot lenti í ísilögðu
stöðuvatni við borgina Sjebarkul, um
60 km frá borginni Seljabinsk. Um
sex metra breið vök myndaðist í ísn-
um þar sem steinninn fór í gegn.
Rússneska vísindaakademían áætl-
aði að loftsteinninn hefði verið nokk-
urra metra breiður og vegið tugi
tonna. Talið var að hann hefði sundr-
ast í 30-50 km hæð yfir jörðu.
Atburðurinn yfir Rússlandi í gær-
morgun minnti marga á sprengingu
sem varð yfir Síberíu árið 1908 og
kennd er við Tunguska. Vísindamenn
telja að hana hafi mátt rekja til komu
smástirnis eða halastjörnu. Spreng-
ingin olli gríðarmikilli eyðileggingu á
skógum á stóru svæði.
„Það hefur oft komið fyrir að loft-
steinar hafi rekist á hús og jafnvel
slasað fólk, en aldrei í þessum mæli.
Ég veit ekki til þess að loftsteinn hafi
orðið manni að fjörtjóni,“ sagði Þor-
steinn Sæmundsson, stjörnufræðing-
ur. Hann þekkti ekki nein söguleg
dæmi þess að jafnmargir hefðu slas-
ast af völdum loftsteina og í Rússlandi
í gær. Þorsteinn sagði það gerast á
3-4 ára fresti að loftsteinar féllu á hús,
einnig hefðu þeir skemmt bíla. Þá eru
til sögur um að nautgripir hafi orðið
fyrir loftsteinum.
Lofsteinn ekki fundist hérlendis
Mörg dæmi eru um að loftsteinar
hafi fallið til jarðar. Loftsteinn hefur
þó aldrei fundist á Íslandi. Ástæða
þess er helst sú að bergið hér er dökkt
og ekki auðvelt að greina dökka loft-
steina frá þeim jarðnesku. Engin
dæmi eru um að loftsteinar hafi valdið
skemmdum hér á landi.
Þúsund slasaðir eftir lofsteinaregn
 Loftsteinn sundraðist yfir Rússlandi  Mildi þykir að hann hafi ekki fallið á fjölmennara svæði
 Glerbrotum og braki rigndi yfir íbúa  Engin dæmi um skemmdir af völdum loftsteina hérlendis
AFP
Loftsteinaregn Íbúar Seljabinsk virða fyrir sér skemmdir sem loftsteinaregn olli í Rússlandi í gær, klukkan 9.20 að staðartíma. Rússneska vísindaaka-
demían áætlaði að loftsteinninn hefði verið nokkurra metra breiður og vegið tugi tonna. Talið var að hann hefði sundrast í 30-50 kílómetra hæð yfir jörðu.
Þorsteinn
Sæmundsson
Talið er að loftsteinninn sem splundraðist yfir Rússlandi
í gærmorgun hafi ekki verið í neinum tengslum við ferð
smástirnisins 2012 DA 14. Það flaug framhjá jörðinni í
27.700 km fjarlægð, klukkan 19:25 að íslenskum tíma í
gær. Einungis hafi verið um hreina tilviljun að ræða.
Smástirnið er um 50 metrar í þvermál, á stærð við
stóra keppnissundlaug. Það er óalgengt að smástirni fari
jafn nærri jörðu og það gerði.
Fram kemur á vef breska ríkisútvarpsins að smástirnið
hafi farið mun nær plánetunni en flestir fjarskipta-
gervihnettir sem eru á sporbaug um jörðu, flestir þeirra
eru í um 36.000 km fjarlægð frá bláa hnettinum. Engin
hætta var hins vegar á árekstri.
Smástirnið ferðast hringinn í kringum sólu á 368 dög-
um sem er svipað ferðalagi jarðarinnar. Smástirnið
ferðast hins vegar ekki eftir sömu leið og jörðin.
Áhugasamir gátu séð smástirnið með góðum venju-
legum sjónauka eða með stjörnusjónauka til miðnættis í
gær.
Smástirnið greint með venjulegum sjónauka
ENGIN TENGSL MILLI LOFTSTEINSINS OG SMÁSTIRNISINS 2012 DA 14
Rússland Eitt brotið úr loftsteininum braut vök á ísilagt vatn.
AFP