Morgunblaðið - 21.02.2013, Qupperneq 12

12 FRÉTTIRinnlent
MORGUNBLAÐIÐ FIMMTUDAGUR 21. FEBRÚAR 2013
Skapti Hallgrímsson
skapti@mbl.is
Hópur flugvirkjanema hefur dvalið í Flugsafni
Íslands á Akureyri undanfarnar vikur við
verklegt nám. Íslendingar gátu ekki lært fagið
hér heima í um það bil hálfa öld, þar til að
Tækniskóli Íslands ákvað að slá til og gefa
mönnum kost á því fyrir nokkrum misserum.
Viðbrögðin voru góð og hálfur þriðji tugur
manna er nú við nám.
Hópurinn sem dvelur á Akureyri hóf nám
haustið 2011. Fyrstu tvö árin sitja nemarnir á
skólabekk, síðan vinna þeir í tvö ár hjá flug-
félagi til að afla sér reynslu og að því loknu –
hafi þeir staðið sig nógu vel! – komast þeir út á
vinnumarkaðinn.
Tækniskólinn, skóli atvinnulífsins (þar sem
Flugskóli Íslands er deild), gerði samning um
víðtækt samstarf um menntun flugvirkja við
Flugsafn Íslands á sínum tíma, og þótti fengur
að, vegna þess að þar er vel búið að flugvélum
og flugvélahlutum sem henta vel til verklegrar
kennslu.
„Við erum mjög ánægðir með samstarfið við
Tækniskóla Íslands; það er afar ánægjulegt að
safnið nýtist til fræðslu eins og upprunalegur
tilgangur þess var og afar gaman að sjá svona
mikið líf hér um hávetur,“ sagði Hörður Geirs-
son, stjórnarmaður í Flugsafni Íslands, í sam-
tali við Morgunblaðið á dögunum.
Hópurinn hefur verið nyrðra í nokkrar vik-
ur. Þar er farið gaumgæfilega yfir bæði gömlu
Fokkervél Landhelgisgæslunnar og Pál
Sveinsson, DC 3-vél Þristavinafélagsins, sem
nemum finnst alveg sérlega skemmtilegt og
fróðlegt. „Þar kynnast þeir ýmsu sem ekki er
hægt að læra í skólum lengur,“ segir Erling
Andreassen, flugvirki og meðlimur í Þrista-
vinafélaginu, sem kennir hópnum öll fræði sem
snúa að gömlu DC 3-vélinni. „Hún kom af færi-
bandinu í ágúst 1943 og verður því sjötug í
ágúst. Þristurinn fór beint til Keflavíkur þar
sem hann var notaður til 1946, þegar Flugfélag
Íslands hóf að nota hann. Það er mikill áhugi
fyrir þessari vél. Þetta er sagan; ég segi stund-
um við flugvirkja sem fusssa og sveia þegar
Þristurinn berst í tal að ef ekki væri fyrir þess-
ar gömlu vélar væru engar þotur og þeir væru
í einhverri allt annarri vinnu; í bankastarfsemi
eða öðru slíku …“ segir Erling.
Kennarar frá Bretlandi eru við stjórnvölinn
á Akureyri. Einn þeirra, Dave Webster, segist
telja það afar jákvætt að Íslendingar geti lært
flugvirkjun á ný hér heima, af ýmsum ástæð-
um. „Þó ekki væri nema bara vegna þess að þá
eyða nemendurnir peningunum sínum í heima-
landinu, í stað þess að læra í Danmörku, Sví-
þjóð eða Grikklandi!“ sagði hann, en Lánasjóð-
ur íslenskra námsmanna hefur viðurkennt
nám í þeim þremur löndum hin síðari ár að
sögn Websters.
Lengi lærðu Íslendingar flugvirkjun að-
allega í Bandaríkjunum en verða nú að læra
samkvæmt evrópskum stöðlum.
Webster segir evrópska námið mun ítar-
legra en það bandaríska á sínum tíma. „Strák-
arnir eru í 2.400 tíma námi, bóklegu og verk-
legu, og fara síðan í tveggja ára vinnuþjálfun
áður en þeir útskrifast. Þetta er langt nám,
strangt og býsna erfitt, en þetta verða líka
valdamiklir menn að námi loknu!“ segir hann.
Morgunblaðið/Skapti Hallgrímsson
Eitt stykki hreyfill Ólafur Örn Arnarson t.v. og Davíð Þór Sveinsson skoða hreyfil gömlu Fokker-vélar Gæslunnar.
Gamalreyndur Erling Andreassen flugvirki hefur unnið við fagið í ára-
tugi. Hann gleðst yfir því hve þeir ungu hafa mikinn áhuga á DC 3.
Gaumgæft Eiríkur Jónsson, lengst til vinstri, Stefán Jónsson og Andrew Ibsen við Fokkerinn.
Flugvirkjar læra
loks á heimavelli
 Verklegt nám í Flugsafni Íslands  Farið er
yfir Pál Sveinsson og gamla Fokker Gæslunnar
Hólmfríður Gísladóttir
holmfridur@mbl.is
SEM, Samtök endurhæfðra mænu-
skaddaðra, sjá fram á að þurfa að
selja íbúðir í eigu samtakanna jafn
harðan og þær losna, til að eiga fyrir
aðkallandi framkvæmdum við fjöl-
býlishús SEM á Sléttuvegi 3 í
Reykjavík.
SEM átti 31 íbúð fyrir tveimur ár-
um, 20 í húsnæðinu við Sléttuveg,
eina á Akureyri, tvær í Hafnarfirði,
eina í Kópavogi og sjö í Reykjavík.
Fjórar hafa verið seldar og ein er í
söluferli og á félagið nú næga fjár-
muni til að ráðast í fyrsta áfanga
endurbótanna í sumar.
Leigan of lág
„Við ætlum að taka austurgaflinn
á húsinu og suðurhliðina, skipta al-
veg um klæðningu utan á því og laga
það allt saman,“ segir Jón Eiríksson,
formaður SEM. Hann segir að
kostnaður við fyrsta áfanga muni
nema um 40 milljónum króna en
heildarkostnaðurinn muni líklega
fara í og yfir 100 milljónir.
Jón viðurkennir að líklega hafi
samtökin farið of skarpt í húsnæðis-
fjárfestingar og þá hafi leigan sem
þau innheimtu verið of lág til að
standa undir kostnaði. Hin mikla við-
haldsþörf fjölbýlishússins sé þó til-
komin vegna þess hve illa var staðið
að byggingu þess í upphafi. „Húsið
var bara ekki unnið rétt, þannig að
klæðningin sem er utan á því eyði-
lagðist og þar með átti allt vatn
greiðan aðgang að einangrun og fór
þar inn úr og frostsprakk. Og frá-
gangi á gluggum var mjög ábótavant
þannig að vatn leitaði þar inn,“ segir
Jón. Hann segir verktakann hafa
farið á hausinn skömmu eftir bygg-
inguna og því hafi samtökin ekki get-
að leitað réttar síns.
Þarf meira til
Jón segir að sú stefna hafi verið
mörkuð að selja íbúðir samtakana til
að safna fyrir viðgerðum við húsið,
sem upphaflega var hugsað sem
einskonar stökkpallur fyrir mænu-
skaðaða aftur út í lífið. Til að ljúka
endurbótunum þurfi þó meira til.
„Eini möguleikinn sem við eigum
er að setjast yfir þetta með stjórn-
völdum, bæði borg og ríki, um að
koma til móts við okkur við að klára
verkið,“ segir hann. Undirtektir hafi
verið dræmar fram að þessu.
Selja til að eiga fyrir endurbótum
Morgunblaðið/Kristinn
Endurbætur Til stendur að skipta út gömlu múrklæðningunni fyrir viðhaldsfría álklæðningu.
 Samtök endurhæfðra mænuskaðaðra selja íbúðir til að geta gert við illa farið fjölbýlishús samtakanna
við Sléttuveg  Heildarkostnaður viðgerðanna áætlaður yfir 100 milljónir  Biðla til stjórnvalda