Morgunblaðið - 19.03.2013, Side 4

BAKSVIÐ
Skúli Hansen
skulih@mbl.is
Enn er fullkomin óvissa um þinglok
þrátt fyrir að störfum Alþingis hafi
átt að ljúka síðastliðinn föstudag
samkvæmt dagskrá þingsins. Á fundi
forseta Alþingis með formönnum
þingflokkanna sem fram fór seint í
gærkvöldi tókst ekki að ná samkomu-
lagi um þinglok.
„Það er búist við því að einhver
óformleg samtöl verði á morgun á
milli formanna,“ sagði Gunnar Bragi
Sveinsson, þingflokksformaður
Framsóknarflokksins, þegar blaða-
maður hafði samband við hann í kjöl-
far þingflokksformannafundarins í
gærkvöldi. Hann bendir á að stjórn-
arandstaðan sé farin að undirbúaa
sig fyrir það að þingstörfin haldi eitt-
hvað áfram. „Það eina sem í raun og
veru kom fram á fundinum var það
sem við vissum fyrir að þessi hnútur
sem ríkisstjórnin er búin að koma
málinu í er þannig að þau vita ekkert
hvernig á að leysa hann,“ sagði Illugi
Gunnarsson, þingflokksformaður
Sjálfstæðisflokksins, þegar blaða-
maður ræddi við hann að loknum
þingflokksformannafundinum í gær-
kvöldi. Illugi bætti við að stjórnar-
flokkarnir yrðu að finna einhverja
lausn á þessu máli
Langar stjórnarskrárumræður
Þingfundur hófst klukkan 10:00 í
gær en þá voru fjörutíu mál á dag-
skrá auk óundirbúins fyrirspurnar-
tíma. Rétt fyrir klukkan tvö í gær
hófst síðan umræða um frumvarp
formanna stjórnarflokkanna, Árna
Páls Árnasonar og Katrínar Jakobs-
dóttur, og Guðmundar Steingríms-
sonar, formanns Bjartrar framtíðar,
um tímabundna breytingu á breyt-
ingarákvæði stjórnarskrárinnar.
Rétt fyrir klukkan sjö í gærkvöldi var
síðan gert hlé á þingfundi en umræða
um fyrrnefnt frumvarp hófst aftur
klukkutíma síðar. Þegar blaðið fór í
prentun um hálftólf í gærkvöldi stóð
þingfundur enn yfir og hafði þá ein-
ungis eitt mál af fjörutíu verið af-
greitt, þ.e. frumvarp til laga um neyt-
endalán.
Í gær lögðu síðan þingflokksfor-
menn stjórnarflokkanna, þær Oddný
G. Harðardóttir og Álfheiður Inga-
dóttir, ásamt þingmönnunum Árna
Þór Sigurðssyni og Skúla Helgasyni,
fram breytingartillögu við ofangreint
frumvarp þess efnis að við það bætist
ákvæði um þjóðareign á auðlindum.
Telur meirihluta
fyrir tillögu
Að sögn Álfheiðar var breytinga-
tillagan lögð fram til að fá fram efn-
isleg viðhorf flokkanna sem hafa ára-
tugum saman lofað kjósendum
sínum, m.a. á landsfundum, í kosn-
ingastefnuskrám, tillöguflutningi og
ræðum, að setja í stjórnarskrá
ákvæði um þjóðareign á auðlindum.
„Þetta hefur ekki fengist rætt.
Menn hafa alltaf verið að tala um
formsatriði og hafa ekki viljað taka
þátt í efnislegri umræðu um málið,
þannig að við erum að gefa flokkun-
um tækifæri til að sýna hvað býr að
baki stóru orðunum og loforðunum,“
segir Álfheiður. Aðspurð hvort tillag-
an sé sett fram í sátt við formenn
stjórnarflokkanna segir Álfheiður að
tillagan hafi verið kynnt í þingflokk-
um Vinstri-grænna og Samfylkingar-
innar. Þá segist hún eiga von á því að
meirihluti sé fyrir tillögunni enda
hafi allir flokkar lýst yfir stuðningi
við stjórnarskrárákvæði um þjóðar-
eign á auðlindum, nú síðast árið 2010
í sáttanefnd um fiskveiðistjórnunar-
frumvarpið.
Hnúturinn á þingi óleystur
 Náðu ekki samkomulagi á fundi í gærkvöldi  Ný breytingatillaga lögð fram
Morgunblaðið/Styrmir Kári
Alþingi heldur áfram Jóhanna Sigurðardóttir forsætisráðherra og Steingrímur J. Sigfússon atvinnuvegaráðherra ræða saman í þingsal í gær.
4 FRÉTTIRInnlent
MORGUNBLAÐIÐ ÞRIÐJUDAGUR 19. MARS 2013
Ómar Friðriksson
omfr@mbl.is
Frumvarp velferðarráðherra um fé-
lagsþjónustu sveitarfélaga hefur enn
ekki litið dagsins ljós á Alþingi vegna
andstöðu innan þingflokka rík-
isstjórnarinnar. Halldór Halldórsson,
formaður Sambands íslenskra sveit-
arfélaga, segir sveitarstjórnarmenn
farna að velta því fyrir sér hvort þýð-
ingarlaust sé að skrifa undir samn-
inga við ríkið fyrr en Alþingi er búið
að samþykkja þá.
Sveitarfélög hafa tekið þátt í at-
vinnuátaksverkefninu Liðsstyrk um
úrræði fyrir langtímaatvinnulausa
sem fallið hafa af atvinnuleysisskrá
skv. samningi við ríkið og samtök á
vinnumarkaði. Hluti af samkomulag-
inu var loforð ríkisstjórnarinnar um
að lögfesta skýrari heimildir til sveit-
arfélaga til að setja tilteknar for-
sendur fyrir fjárhagsaðstoð sveitarfé-
laganna.
„Það er allt fast niðri á Alþingi,“
segir Halldór. Velferðarráðherra hafi
gert sitt til að standa við samninginn
við sveitarfélögin og skilað af sér
frumvarpi sem Samband íslenskra
sveitarfélaga sé mjög sátt við. „En
það eru einhverjir einstaklingar í
þingflokkum Samfylkingarinnar og
VG sem stoppa málið af, vitandi að ef
þetta færi inn á Alþingi yrði það sam-
þykkt,“ segir Halldór, sem vakti máls
á því á nýafstöðnu landsþingi sveitar-
félaga að stefndi í að ríkið sviki gerða
samninga.
„Við hjá sambandinu erum farnir
að ræða hvort þetta þýði að við getum
ekki gert samninga við ríkið fyrr en
Alþingi er búið að samþykkja þá,“
segir Halldór.
Gunnar Axel Axelsson, aðstoð-
armaður velferðarráðherra, segir
að liður í samkomulaginu hafi verið
að ráðherra skipaði starfshóp sem í
ættu sæti m.a. fulltrúar sveitarfélag-
anna og Samtaka félagsmálastjóra,
auk sérfræðinga ráðuneytisins.
Hópnum var falið að útbúa frumvarp
til breytinga á lögum um félags-
þjónustu, sem skýrði betur heimildir
sveitarfélaga til að skilgreina for-
sendur fyrir fjárhagsaðstoð.
Ráðherra hefur efnt sinn hluta
Gunnar Axel segir að við þetta hafi
verið staðið. Starfshópurinn hafi skil-
að af sér frumvarpi, sem hafi farið í
gegnum ríkisstjórn. Það komi því
næst til kasta löggjafarvaldsins en
ráðuneytið hafi ekki vald yfir því.
„Velferðarráðherra hefur efnt sinn
hluta samkomulagsins.“
,,Það er allt fast niðri á Alþingi“
 Ræða hvort þýðingarlaust sé að semja
við ríkið áður en Alþingi samþykkir
Morgunblaðið/Golli
Óafgreitt Frumvarp velferðarráðherra er fast í þingflokkum stjórnarinnar.
Um 1.300 störf hafa nú verið
skráð í starfabanka Liðsstyrks.
Á vefsíðu verkefnisins kemur
fram að þar af eru flest af al-
mennum vinnumarkaði en einn-
ig fjöldamörg störf hjá sveit-
arfélögum. Þegar hefur verið
gengið frá um 300 ráðningum
langtímaatvinnuleitenda innan
verkefnisins af um 1.800 sem
eru skráðir í verkefnið. „Mikil
vinna er framundan hjá ráð-
gjöfum og vinnumiðlurum við
miðlun hinna í þau tæplega
1.000 störf sem óráðið er í en
tæplega 100 störf hafa verið af-
skráð úr verkefninu án ráðn-
ingar,“ segir þar.
300 ráðn-
ingar í störf
VERKEFNIÐ LIÐSSTYRKUR
Í gærkvöldi
stefndi í að þing-
fundur stæði yfir
til miðnættis en
þá höfðu þing-
menn rætt um til-
lögu Árna Páls
Árnasonar, for-
manns Samfylk-
ingarinnar, um
breytingu á
breytingar-
ákvæði stjórnarskrárinnar meira
og minna frá því klukkan tvö um
daginn. Þegar Morgunblaðið fór í
prentun um hálftólf í gærkvöldi
voru 15 þingmenn eftir á mæl-
endaskrá vegna málsins.
Þingfundur
til miðnættis
Árni Páll
Árnason
Illugi Gunn-
arsson, þing-
flokksformaður
Sjálfstæðis-
flokksins, telur
það vera á
mörkunum að
breytingar-
tillaga þing-
flokksformanna
stjórnarflokk-
anna sé þing-
tæk. „Maður getur ekki litið svo
á að hún sé til að breyta ein-
hverju í tillögu Árna Páls, Katr-
ínar og Guðmundar,“ segir Illugi
en hann telur að réttast hefði
verið að leggja tillöguna fram
sem sérstakt þingmál.
Tillagan
óþingtæk?
Illugi
Gunnarsson
Sú staða sem nú
ríkir á Alþingi í
kringum þing-
lok, þ.e. að erf-
iðlega gangi að
semja um þing-
lok og að mörg
mál séu lögð
fram og tekin
fyrir á síðustu
stundu, er held-
ur óvenjuleg að
sögn Stefaníu Óskarsdóttur
stjórnmálafræðings. „Þetta helg-
ast af því að ríkisstjórnin hefur
verið bæði sein að koma fram
með mál og henni hefur ekki
auðnast að koma lykilmálum í
gegn vegna þess að hún hefur
ekki haft stuðning í eigin röð-
um,“ segir Stefanía.
Stefanía
Óskarsdóttir
Segir stöðuna
óvenjulega