Morgunblaðið - 22.03.2013, Blaðsíða 23

FRÉTTIR 23Viðskipti | Atvinnulíf
MORGUNBLAÐIÐ FÖSTUDAGUR 22. MARS 2013
BAKSVIÐ
Helgi Vífill Júlíusson
helgivifill@mbl.is
„Ríkisstjórn og Seðlabanki hafa ver-
ið algerlega samstiga í þeirri nálgun
sinni að við munum ganga eins langt
og lög og þjóðréttarlegar skuldbind-
ingar leyfa í vörn fyrir íslenska hags-
muni,“ sagði Katrín Júlíusdóttir,
fjármála- og efnahagsráðherra, á 52.
ársfundi Seðlabanka Íslands í gær.
Vísaði hún þar í verkefnið að vinda
ofan af aflandskrónuvandanum svo-
kallaða og þrotabúum bankanna.
Fram hefur komið í fjölmiðlum að
mikið útflæði gjaldeyris vegna upp-
gjörs þeirra gæti ógnað hér lífskjör-
um vegna skorts á erlendum gjald-
eyri í landinu.
Kröfuhafar raunsærri
„Vísbendingar eru um að kröfu-
hafar í bú föllnu bankanna séu að
leggja raunsærra mat á virði krafna
sinna. Samspil eðlilegs mats á raun-
virði krafna og gengi getur verið lyk-
ill að því að losa um þá hengju af
kvikum krónum sem ella verða til við
uppgjör búanna,“ sagði hún.
Már Guðmundsson seðlabanka-
stjóri sagði að væri ekki hægt að
stíga afgerandi skref varðandi losun
hafta fyrr en fundin hefði verið lausn
á uppgjöri búa föllnu bankanna sem
samrýmdist henni. Hann sagði að
svigrúmið til að nýta viðskipta-
afgang til þess að hleypa út krónu-
eignum erlendra aðila væri ákaflega
takmarkað á næstu árum.
„Ég ætla ekki að fjölyrða frekar
nú um þessar mögulegu lausnir þar
sem framundan eru margvíslegar
kannanir og þreifingar þar sem ekki
er rétt að sýna of mikið á spilin,“
sagði Már og nefndi að nauðsynlegt
væri að hafa fleiri en einn möguleika
að grípa til ef sú leið sem í upphafi
virtist best reyndist torfær þegar á
reyndi.
Bankasala til útlendinga gæti
kallað á arðgreiðslur
„Nokkrar almennar athugasemdir
er þó hægt að gera sem auka skiln-
ing á því sem þarf að gerast. Ef farin
verður leið nauðasamninga við upp-
gjör hluta búanna er lykilatriði að
krónuendurheimtur þeirra bætist
sem minnst, ef nokkuð, við núver-
andi stöðu kvikra krónueigna í eigu
erlendra aðila.
Þá er mikilvægt að hafa í huga að
sala á bönkunum á tiltölulega lágu
verði til erlendra aðila sem horfa
meir til skamms tíma og myndu vilja
miklar arðgreiðslur í framhaldinu
leysir ekki vandamálið og gæti jafn-
vel gert það verra. Það er hlutverk
búanna að koma eignunum í verð og
greiða út til kröfuhafa. Spurningin
snýst því ekki um niðurskrift krónu-
eigna, eins og ætla mætti af opin-
berri umræðu um þessi mál, heldur
hitt hvað sé raunhæft verð eigna og á
hvaða gengi þeim verður skipt í er-
lendan gjaldeyri. Það veltur á því
hverjir vilja kaupa og geta og vilja
koma með þann nýja gjaldeyri sem
þarf, því hann getur ekki komið af
útflutningstekjum þjóðarinnar né
gjaldeyrisforða Seðlabankans,“
sagði Már Guðmundsson.
Verja hagsmuni til hins ýtrasta
 Katrín Júlíusdóttir ráðherra segir að „við munum ganga eins langt og lög og þjóðréttarlegar skuld-
bindingar leyfa í vörn fyrir íslenska hagsmuni“ þegar kemur að uppgjörum þrotabúa föllnu bankanna
Ársfundur Már Guðmundsson seðlabankastjóri og Jóhanna Sigurðardóttir forsætisráðherra brugðu á leik.
Morgunblaðið/Styrmir Kári
Íslensk hönnun
Íslensk hönnun
fyrir fermingarstelpuna
www.jens.is
www.uppsteyt.is
5.900.-
7.600.-
Kringlunni og
Síðumúla 35
11.900.-
17.800.-
9.600.-
12.300.-
9.300.-
17.200.-
19.800.-
10.800.-
12.400.-
Fermingar 2013
Sendum
fermingargjafirnar
frítt innanlands!
7.600.-
11.400.-
7.900.-
9.900.-
12.300.-
7.900.-
8.200.-
13.900.-
12.900.-
14.900.-
14.100.-
fyrir fermingarstrákinn
17.200.-