Morgunblaðið - 25.03.2013, Blaðsíða 32
32 DÆGRADVÖL
MORGUNBLAÐIÐ MÁNUDAGUR 25. MARS 2013
Stjörnuspá
21. mars - 19. apríl
Hrútur Það er óþarfi að láta sér leiðast þau
störf sem skyldan býður. Reyndu ekki að
ganga lengra því það hefnir sín alltaf en auk-
ið næði er af hinu góða.
20. apríl - 20. maí
Naut Staðan í fjármálunum vekur hjá þér
spurningar um það hvað skiptir þig raunveru-
legu máli í lífinu. Sumum finnst þeir þurfa að
fegra hlutina en það á ekki við um þig.
21. maí - 20. júní
Tvíburar Það er skynsamlegt að hafa fyr-
irvara á því sem vinir þínir eða aðrir hópar
hvetja þig til að taka þér fyrir hendur.
21. júní - 22. júlí
Krabbi Það verður sífellt erfiðara að fela til-
finningarnar. Ef þér vex verkefnið í augum
leitaðu þá hjálpar við lausn þess.
23. júlí - 22. ágúst
Ljón Þátttaka þín í félagasamtökum eykst að
líkindum næstu misserin. Vertu opin/n fyrir
því sem viðkomandi hefur að segja og þú
munt hafa ánægju af.
23. ágúst - 22. sept.
Meyja Dagurinn í dag er kjörinn til þess að
taka ákvarðanir varðandi fjármál eða við-
skipti. Þú ert ekki lengur til í að hunsa það
sem hefur angrað þig í nokkurn tíma.
23. sept. - 22. okt.
Vog Það er engin ástæða til þess að velta sér
upp úr öllum sköpuðum hlutum. Njóttu þess
að vera með öðrum og að deila draumum
þínum og framtíðarvonum með þeim.
23. okt. - 21. nóv.
Sporðdreki Viðhorfið sem þú temur þér
ræður úrslitum um það, hvort dagurinn verð-
ur eftirminnilegur eða ekki. Reyndu að láta
fara lítið fyrir þér og bíta á jaxlinn þótt eitt-
hvað angri þig.
22. nóv. - 21. des.
Bogmaður Lífið er ljúft frá sjónarhóli þínum
þessa dagana og þú finnur til löngunar til
þess að slá upp veislu. Hugsanlegt er að eitt-
hvað geti komið þér í opna skjöldu í dag.
22. des. - 19. janúar
Steingeit Þú stendur fast á skoðunum þín-
um í dag og því er hætt við að þú lendir í
deilum. Hafðu ekki áhyggjur af pen-
ingaeyðslu, eftir allt ferðu ekki með auðinn í
gröfina.
20. jan. - 18. febr.
Vatnsberi Þú finnur á þér að eitthvað er í
uppsiglingu milli þín og ástvinar þíns. Nú er
komið að þér að leita eftir greiða hjá vini,
sem þú hefur oft hjálpað.
19. feb. - 20. mars
Fiskar Fiskurinn hefur hugsanlega reynt ým-
islegt upp á síðkastið, án árangurs. Reyndu
að sýna þolinmæði því misskilningur getur
ýtt undir reiði og tortryggni í dag.
Hinn 20. mars fékk ég þetta vísu-korn frá Árna Bergmann í til-
efni frétta dagsins:
Kapítalsins klækja-fjandi
frá Kýpur ruglar hverja frétt;.
Betra er uppi á Ísalandi:
Við eigum hest sem telur rétt.
Ég held mig við Lestrarbók Nor-
dals. Næstur í röðinni er Páll Ólafs-
son, en Kristján Karlsson skáld hef-
ur vakið athygli mín á því, að Páll
og Káinn eru fyrstu skáldin sem
lögðu upp úr því að gefa 2. hend-
ingunni í ferskeytlunni innihald
„eins og dæmin sanna“.
Lífs er orðinn lekur knör,
líka ræðin fúin,
hásetanna farið fjör
og formaðurnn lúinn.
Því er best að vinda upp voð,
venda undan landi
og láta byrinn bera gnoð
beint að heljar sandi.
Þar mun brim við bláan sand
brjóta um háa stokka.
En þegar eg kem á lífsins land
ljær mér einhver sokka.
Af nógu er að taka þegar röðin
kemur að Steingrími Thorsteins-
syni. Ég vel þessar:
Elli, þú ert ekki þung
anda guði kærum.
Fögur sál er ávallt ung
undir silfurhærum.
Fagra haust, þá fold ég kveð,
faðmi vef mig þínum.
Bleikra laufa láttu beð
að legstað verða mínum.
Næstur er Matthías Jochumsson.
Davíð frá Fagraskógi hefur
skrifað um kynni sín af séra Matt-
híasi og þar rifjar hann upp þessa
frásögn sem kann að vera þjóðsögn:
„Skáldin og vinirnir, Steingrímur
Thorsteinsson og Matthías Joch-
umsson, voru eitt sinn á ferðalagi á
hestbaki skammt frá Reykjavík.
Talið barst að skáldskap. Allt í einu
á Matthías að hafa sagt við Stein-
grím: – Víst ert þú skáld, Stein-
grímur, en mínum háu tónum nærð
þú aldrei.“
Bráðum kveð ég fólk og frón
og fer í mína kistu –
rétt að segja sama flón
sem ég var í fyrstu.
Og þessi:
Dýpstu rökin þó eru ósögð enn
Ást og Heift þó skapi stóra menn:
Rétta stefnu siglir aðeins sá,
sem hið góða mestu ræður hjá.
Halldór Blöndal
halldorblondal@simnet.is
Vísnahorn
Af þjóðskáldum og einu betur
Í klípu
„JÆJA, HVERSU SLÆMT ER ÞETTA?
HVER ER MEÐ NÝJUSTU FRÉTTIR?“
eftir Mike Baldwin eftir Jim Unger
„ÉG KOM HINGAÐ SEM SKIPTINEMI.“
Hermann
Ferdinand
Hrólfur hræðilegi
Grettir
... gerð til að endast.
JÓN, ÉG HEF TEKIÐ
ÁKVÖRÐUN.
ÉG ÆTLA AÐ
SETJAST Í
HELGAN STEIN.
FARÐU.
MIG VANTAR
SUMAR-
BÚSTAÐ.
EINS OG HINN MIKLI
VÍKINGAHEIMSPEKINGUR
SAGÐI ...
„LÁNAÐU HVORKI, NÉ
FÁÐU AÐ LÁNI ...“
„TAKTU
ÞAÐ SEM
ÞÚ VILT!“
Hvað myndi Víkverji gera ef hannfengi risastóran lottóvinning?
Jú, ætli hann byrjaði ekki á því að
leika á verðtrygginguna með því að
greiða upp öll sín lán. Næst væri
kannski freistandi að leita að aðeins
stærra húsnæði, bíl sem tollir saman
á öðru en ryðinu og jafnvel nokkrum
fatatuskum. Og líklega fengju nán-
ustu ættingjar Víkverja að njóta
góðs af happinu líka. Jólin kæmu
snemma það árið.
En hvað svo? Hvað svo, ef nóg
væri eftir af vinningnum eftir að
brýnustu málum hefur verið sinnt
heima fyrir?
x x x
Jú, Víkverji myndi leggja sitt afmörkum til að leysa samgöngu-
vanda Eyjamanna í eitt skipti fyrir
öll.
Víkverji myndi skoða alla mögu-
leika, og meta kosti þeirra og galla.
Væri hagkvæmt að grafa göng?
Gæti svifnökkvi á borð við þann sem
siglir yfir Ermasundið komið til
greina? Eru 11 km of langt fyrir
kláf? Hversu stóra hjólabáta er
hægt að fá? Borgar sig kannski að
færa Markarfljótið norður í land?
Hvað kostar að reisa þorp við Land-
eyjahöfn og flytja alla Eyjamenn
upp á land?
Ekki skortir hugmyndirnar, og
Víkverji dáist að þolinmæði Eyja-
manna þegar kemur að klaufaskapn-
um sem hefur verið viðloðandi sam-
göngumál þeirra í mörg ár.
Víkverji getur ekki dregið aðra
ályktun en þá að svo gott sé að búa í
Vestmannaeyjum að íbúar kæri sig
alla jafna kollótta þó þeir komist
ekki upp á land.
Væri kannski ódýrara að koma
aftur upp heilbrigðisþjónustu í Vest-
mannaeyjum, en að berja höfðinu
endalaust við … ja, sandinn? Sætta
sig bara við að stundum er fært milli
lands og eyja, og stundum ekki?
x x x
Víkverji þarf sem betur fer ekki aðsvara þessum spurningum, því
hann hefur ekki fengið neinn lottó-
vinning. En ef svo færi, þá væri
fyrsta skrefið að tala við þá sem hafa
alið ævina sitt hvoru megin við haf-
flötinn sem skilur að. Ekki fólk sem
notar reiknilíkön. víkverji@mbl.is
Víkverji
Lofaður sé Guð er hvorki vísaði bæn
minni á bug né tók frá mér miskunn
sína. (Sálmarnir 66:20)
Vesturhraun 5
Garðabæ
Mán.–fös.: 08:00–17:00
Sími: 530 2000
Bíldshöfði 16
Reykjavík
Mán.–fim.: 08:00–18:00
Föstudaga: 08:00–17:00
Laugardag: 10:00–14:00
Sími: 530 2002
Smiðjuvegi 11e, gul gata
Kópavogi
Mán.–fös.: 08:00–17:00
Sími: 530 2028
Freyjunes 4
Akureyri
Mán.–fös.: 08:00–12:00
13:00–17:00
Sími: 461 4800
VIÐ
ERUM
WÜRTH
www.wurth.is
Gunnar Ásgeir Karlsson
Söluráðgjafi