Morgunblaðið - 27.04.2013, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 27. APRÍL 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
„Fyrstu tölur, fyrstu viðbrögð,
fyrstu fagnaðarópin eða vonbrigðin
– við ætlum okkur að segja frá öllu
þessu og miklu meiru á kosninga-
vöku mbl.is,“ segir Sunna Ósk
Logadóttir, fréttastjóri á mbl.is.
Í dag verður öflug umfjöllun um
kosningarnar á vefnum og þegar
líða tekur á kvöldið og fyrstu tölur
fara að berast verður ritstjórn
mbl.is um allan bæ að leita við-
bragða. Fylgst verður með fram-
vindunni allan sólarhringinn.
Úrslitin á myndrænu formi
„Við munum birta nýjustu tölur í
aðgengilegri grafík á forsíðu mbl.is
um leið og þær berast frá kjör-
stjórnum,“ segir Sunna. „Við mun-
um svo einnig birta fréttaskýring-
ar um stöðuna og fá viðbrögð
stjórnmálafræðinga, formanna
flokkanna og annarra svo fljótt
sem auðið er.“
Kosningunum verða því gerð skil
í fréttum, fréttaskýringum, ljós-
myndum, myndskeiðum og grafík.
„Á mbl.is munum við birta at-
kvæðatölur úr öllum kjördæmum
jafnharðan og þær berast og setja
þær upp á myndrænan hátt,“ segir
Soffía Haraldsdóttir, fram-
kvæmdastjóri mbl.is.
„Eftir því sem talningu vindur
fram breytist kosningaspáin og við
munum stilla upp nöfnum og
myndum af væntanlegum þing-
mönnum auk þess sem hægt verð-
ur að sjá hvernig útreikningi jöfn-
unarsæta er háttað.“
Kosningavaka mbl.is
 Fréttavakt á mbl.is allan sólarhringinn, alla helgina
 Fyrstu tölur, viðbrögð, skýringar, grafík og myndskeið
Morgunblaðið/Ómar
mbl.is
alltaf - allstaðar
Mjaldur, skjannahvítur smáhvalur,
sást í Steingrímsfirði í fyrradag.
Mjaldrar eru sjaldséðir hér.
Gunnar Jóhannsson skipstjóri
var einn þeirra sem sáu mjaldurinn.
Hvalurinn synti þá mjög nærri
landi rétt utan við Bassastaði í
Steingrímsfirði.
„Ég var að keyra og sá hann af
veginum,“ sagði Gunnar. „Ég hljóp
niður í fjöru. Hann var bara 50-100
metra frá landi. Hann var alveg
sallarólegur og virtist vera að snú-
ast í einhverju æti, kom svo upp og
blés. Maður sá hann alveg ofan í
sjónum í langan tíma. Það lýsti af
þessu eins og ljósi í sjónum.“ Gunn-
ar var með síma með myndavél og
tók nokkrar myndir af hvalnum.
Hvalurinn virtist honum vera 4-6
metra langur.
Ævar Petersen dýrafræðingur
hefur reynt að skrá þau tilvik sem
mjaldrar hafa sést hér við land.
Hann sagði að komur mjaldra hing-
að til lands hefðu verið skráðar í
um 25 skipti. Síðast sást mjaldur
hér við land árið 2007 eftir því sem
Ævar vissi. Elsta skráða koma
mjaldurs er í annál frá árinu 1641.
gudni@mbl.is
Mjaldur sást á sundi
í Steingrímsfirði
Mjaldur Hvíti bletturinn í sjónum er
mjaldurinn. Það lýsti af honum í sjónum.
Guðni Einarsson
gudni@mbl.is
Forystumenn stærstu stjórnmála-
flokkanna, samkvæmt skoðanakönn-
unum, vildu ekki gefa afgerandi svör
um með hvaða flokki eða flokkum
þeir vildu helst starfa í næstu ríkis-
stjórn. Spurningu þess efnis var
varpað til þeirra í umræðum tals-
manna framboða sem bjóða fram á
landsvísu í Ríkissjónvarpinu í gær-
kvöldi.
Þeir ræddu m.a. ríkisfjármálin,
kosningabaráttuna, fjármál heimil-
anna, fiskveiðistjórnun og málefni
aldraðra og öryrkja. Þáttastjórnend-
urnir Jóhanna Vigdís Hjaltadóttir og
Sigmar Guðmundsson gáfu stjórn-
málamönnunum kost á að ávarpa
áhorfendur í lok þáttarins.
Þorvaldur Gylfason sagði að Lýð-
ræðisvaktin vildi nýjar leikreglur „til
að lyfta Íslandi upp úr lægðinni“.
Hann hvatti kjósendur til að hlusta á
samviskuna og kjósa með hjartanu.
Pétur Gunnlaugsson sagði að þeir
sem kysu Flokk heimilanna kysu
stefnu sem þorri landsmanna gæti
stutt. „Ísland er heimili okkar og það
þarf að verja fullveldi og sjálfstæði
þessarar þjóðar,“ sagði Pétur
„Það fyrsta sem við ætlum að gera
er að setja neyðarlög fyrir heimilin í
landinu,“ sagði Guðmundur Franklín
Jónsson, formaður Hægri grænna.
Hann sagði að þeir vildu lækka verð-
tryggðar skuldir heimilanna um allt
að 45%.
„Það þarf að lækka skatta, þar eru
rúm 80% þjóðarinnar sammála okk-
ur,“ sagði Bjarni Benediktsson, for-
maður Sjálfstæðisflokksins. „Við
munum með raunhæfum aðgerðum
grípa til ráðstafana til að lækka
skuldir heimilanna. Okkar aðgerðir
miða að því að auka ráðstöfunar-
tekjur heimilanna.“
Sigmundur Davíð Gunnlaugsson,
formaður Framsóknarflokksins,
sagði að flokkurinn ætlaði að tryggja
réttlæti fyrir heimilin á Íslandi sem
hefðu beðið eftir aðstoð í fjögur og
hálft ár. Hann sagði að það kæmi öllu
samfélaginu til góða, því þá fyrst yrði
hægt að auka verðmætasköpun til að
standa undir velferðinni.
Andrea Ólafsdóttir í Dögun sagði
það skipta máli hvaða fólk væri kosið
en ekki bara stefnur. Hún sagði að í
Dögun væri margt baráttufólk.
Smári McCarthy sagði Pírata vilja
koma með nýja hugmyndafræði og
vinnuaðferðir inn á Alþingi. Þeir
legðu áherslu á gagnsæi og aukið
beint lýðræði.
Bjarni Harðarson, Regnboganum,
sagði ESB sitja um fjöregg íslenska
lýðveldisins. Hann sagði Regnbog-
ann einan hafa algjöra sérstöðu gagn-
vart ESB-málinu.
Árni Páll Árnason, formaður Sam-
fylkingarinnar, sagði að Samfylking-
unni væri treystandi til að tryggja al-
menna velferð í landinu. Hún vildi
líka tryggja framgang aðildar-
umsóknar að ESB og að þjóðin fengi
að velja hvort við gerðumst aðilar að
því.
Katrín Jakobsdóttir, formaður VG,
sagði flokkinn vera skýran valkost
fyrir þá sem vildu bæta kjör almenn-
ings, fjárfesta í menntun, heilbrigð-
isþjónustu og velferð og afnema kyn-
bundinn launamun. VG vildi auka
verðmætasköpun í sátt við umhverfið
og efla hagvöxt með hugviti.
„Við erum frjálslynd, við erum
græn, við erum róttæk í mannrétt-
indamálum,“ sagði Guðmundur
Steingrímsson, formaður Bjartrar
framtíðar. Hann kvaðst vera stoltur
af því að geta boðið landsmönnum
bjarta framtíð í kjörklefanum.
Stjórnmálaflokkar ganga
óbundnir til kosninga í dag
 Stjórnmálaforingjarnir sögðust vilja bæta hag heimilanna og stuðla að hagvexti
Morgunblaðið/Kristinn
Biðin á enda Það var létt yfir stjórnmálaleiðtogum fyrir beina útsendingu í Sjónvarpinu í gærkvöldi. Strembinni
kosningabaráttu var að ljúka. Í dag gengur þjóðin til alþingiskosninga og velur hverjir fara með völdin.
Svandís Svav-
arsdóttir um-
hverfis- og auð-
lindaráðherra
staðfesti í gær
friðlýsingu
Krepputungu, en
það er 678 fer-
kílómetra svæði
á milli Jökulsár á
Fjöllum og
Kreppu.
Svæðið verður hluti af Vatnajök-
ulsþjóðgarði en innan þess eru með-
al annars Kverkfjallarani og
Hvannalindir.
Krepputunga er ungt eldfjalla-
land og yfirborð hennar er víðast
þakið hraunum sem hafa runnið
eftir að ísöld lauk að því er kemur
fram í tilkynningu umhverfis- og
auðlindaráðuneytisins. Þar segir
einnig að landvarsla verði aukin
strax í sumar á friðlýsta svæðinu.
Staðfesti friðlýsingu
á Krepputungu
Frá Vatnajök-
ulsþjóðgarði.
’
Á næsta kjörtímabili munum við
vinna að stöðugleika í samstarfi við
aðila vinnumarkaðarins. Við munum
tefla fram efnahagsstefnu sem sýnir
hvernig við getum lokað fjárlagagatinu,
aukið hagvöxt, gert betur í velferðar-
kerfinu og unnið með aðilum vinnu-
markaðarins að því að skapa hér grund-
völl fyrir nýtt stöðugleikatímabil.
Bjarni Benediktsson
’
Hér þarf að auka verðmætasköpun
en hana þarf að auka með hags-
muni lengri tíma í huga, ekki með
skyndilausnir í huga. Ákvarðanir um at-
vinnuuppbyggingu þarf að taka bæði á
grundvelli efnahags, samfélags og um-
hverfis. Þannig eigum við að byggja hér
jafnan og stöðugan hagvöxt.
Katrín Jakobsdóttir
’
Það sem skiptir máli að gera núna
er að nýta þann árangur sem náðst
hefur og sækja fram og tryggja Íslend-
ingum sambærileg lífskjör. Við vorum á
pari við Norðurlandabúa fyrir hrun, við
erum hálfdrættingar í launum núna.
Árni Páll Árnason
’
Verðtryggingin er farin að viðhalda
þessari hringavitleysu. Hún kemur
líka í veg fyrir að helsta stýritæki stjórn-
valda í baráttunni gegn verðbólgu,
stýrivextir Seðlabankans, virki. Hún
tekur þá í raun og veru úr sambandi.
Loks kemur hún í veg fyrir að markaður
með fjármagn vinni neytendum í hag.
Sigmundur Davíð Gunnlaugsson
’
Þegar við tölum um hagkerfið þá er
stærsta vandamálið ekki þessi fjár-
málalegi óstöðugleiki. Hann er ekki rót
vandans. Rót vandans er pólitíski
óstöðugleikinn. Það eru alltaf sviptingar
fram og til baka.
Smári McCarthy
’
Við þurfum að auka útflutning … og
við þurfum að gæta aðhalds í opin-
berum rekstri. Við þurfum að fá erlenda
fjárfestingu. Markmiðið er að koma á
opnu samkeppnis- og markaðsumhverfi
á Íslandi, stöðugu. Þetta hefur mistek-
ist alla 20. öldina, þetta hefur ekki tek-
ist. Þetta er stóra málið og við megum
ekki gefast upp í því.
Guðmundur Steingrímsson
Orðrétt
Ómissandi á pizzuna,
í ofn- og pastaréttina,
á tortillurnar og salatið.
Heimilis
RIFINN OSTUR
ÍSLENSKUR OSTUR
100%