Morgunblaðið - 27.04.2013, Blaðsíða 24

24
MORGUNBLAÐIÐ LAUGARDAGUR 27. APRÍL 2013
LAGERSALA
40-80% afsláttur
Laugardag & sunnudag
Opið 11-16
Aðeins þessa 2 daga
Laugavegi 178
Þórunn Kristjánsdóttir
thorunn@mbl.is
„Ég er mjög svartsýnn, mér skilst
að veðrið skelli á um miðnætti. Ég
hef verið í sambandi við Vegagerð-
ina, sem reiknar ekki með að geta
haldið fjallvegum færum ef spáin
gengur eftir,“ segir Ríkharður
Másson, formaður yfirkjörstjórnar
í Norðvesturkjördæmi.
Í gær var unnið að því að skipa
umdæmiskjörstjórn sem yrði falið
að telja atkvæðin, ef ófært yrði á
Vestfjörðum.
Fyrstu tölur koma um ellefuleyt-
ið, síðustu tölur um fimm ef það
verður fært til Vestfjarða, að sögn
Ríkharðs. Hins vegar benti hann á
að ef ófært yrði gætu tölur frá
Vestfjörðum komið fyrir fimm.
Talið verður fyrir Norðvestur-
kjördæmi á Hótel Borgarnesi.
Ólíklegt að Herjólfur sigli
„Veðrið gæti sett strik í reikn-
inginn, þetta er spurning um sjó-
lag. Spáð er mikilli ölduhæð við
suðurströndina. Við erum að kanna
hvernig við förum að þessu,“ segir
Karl Gauti Hjaltason, formaður yf-
irkjörstjórnar í Suðurkjördæmi.
Ekki var búið að taka ákvörðun
um hvort skipuð yrði umdæmis-
kjörstjórn í gær en slíkt var til
skoðunar.
„Herjólfur siglir líklega ekki í
Landeyjahöfn. Við erum að athuga
hvort við gætum fengið aðstoð frá
Landhelgisgæslunni en þyrlan er
biluð núna. Við erum með ýmsar
leiðir sem við erum að vinna að,“
segir Karl Gauti.
Hann telur að fyrstu tölur
myndu í fyrsta lagi liggja fyrir um
tuttugu mínútur yfir tíu. Atkvæðin
fyrir Suðurkjördæmi verða talin í
Fjölbrautaskóla Suðurlands á Sel-
fossi.
„Við ætlum að ná þessu og
reiknum ekki með því að þurfa að
skipa umdæmiskjörstjórn, þrátt
fyrir slæma veðurspá,“ segir Páll
Hlöðvesson, formaður yfirkjör-
stjórnar í Norðausturkjördæmi.
Hann benti á að samkvæmt veð-
urspánni væri ekki tilgreint ná-
kvæmlega klukkan hvað veðrið
myndi bresta á. „Við eigum eftir að
finna leiðir, ef veðrið verður mjög
slæmt gæti vel verið að við þyrft-
um að bíða eftir atkvæðunum,“
segir Páll.
Að öllu jöfnu reiknar hann með
að fyrstu tölur ættu að liggja fyrir
um hálfellefu. Um kvöldmatarleyt-
ið er byrjað að flokka atkvæðin í
búnt, um tvö hundruð atkvæði
saman. Formleg talning hefst
klukkan tíu. Í Norðausturkjördæmi
eru atkvæðin talin í Brekkuskóla á
Akureyri. Öll atkvæðin, sunnan
Smjörfjalla, berast með flugi frá
Egilsstöðum en atkvæðin frá
Vopnafirði og vestur með strönd-
inni koma með bílum.
„Fyrstu tölur ættu að liggja fyr-
ir ekki síðar en hálfellefu en byrjað
verður að flokka atkvæðin hálfsjö
fyrir luktum dyrum,“ segir Jónas
Þór Guðmundsson, formaður yfir-
kjörstjórnar í Suðvesturkjördæmi.
Atkvæðin fyrir Suðversturkjör-
dæmi verða talin í Kaplakrika.
„Við vonumst til að tölur komi
rétt fyrir ellefu eða á því bili. Það
er stefnan en erfitt að segja ná-
kvæmlega fyrir um tímasetn-
inguna,“ segir Sveinn Sveinsson,
formaður yfirkjörstjórnar í
Reykjavíkurkjördæmi suður. At-
kvæði fyrir Reykjavíkurkjördæmi
suður verða talin í Hagaskóla.
„Við reiknum með að ná því um
ellefu, eins og hefur verið síðustu
ár,“ segir Katrín Theodórsdóttir,
formaður yfirkjörstjórnar í
Reykjavíkurkjördæmi norður, at-
kvæðin verða talin í Ráðhúsi
Reykjavíkur.
ÖSE-nefnd fylgist með
Þrír fulltrúar ÖSE-nefndar, Ör-
yggis- og samvinnustofnunar Evr-
ópu, eru staddir hér á landi til að
fylgjast með undirbúningi og fram-
kvæmd kosninganna. „Þetta er
minnsti hópur sem þeir senda til að
fylgjast með. Þessir einstaklingar
hafa farið víða um land og hitt m.a.
formenn yfirkjörstjórna,“ segir
Stefanía Traustadóttir, sérfræðing-
ur hjá innanríkisráðuneytinu.
Veðrið gæti sett strik í reikninginn
 Búið að skipa umdæmiskjörstjórn á Vestfjörðum í NV-kjördæmi vegna slæmrar veðurspár
 Skoðað hvort Landhelgisgæslan verði kölluð til aðstoðar við að koma kjörseðlum frá Vestmannaeyjum
Morgunblaðið/Golli
Kosningar Kjörstaður undirbúinn í Hagaskóla en veðrið getur víða haft áhrif. „Ég hef verið í sambandi við Vega-
gerðina, sem reiknar ekki með að geta haldið fjallvegum færum ef spáin gengur eftir,“ segir Ríkharður Másson.
Talning
» Reiknað er með að fyrstu
tölur í Suðurkjördæmi liggi fyr-
ir um tuttugu mínútur yfir tíu.
» Tölur úr Suðvesturkjördæmi
munu berast ekki síðar en hálf-
ellefu og tölur úr Norðaustur-
kjördæmi á svipuðum tíma.
» Fyrstu tölur í Reykjavíkur-
kjördæmunum ættu að liggja
fyrir um ellefu, á sama tíma og
Norðvesturkjördæmi.
Kjósendur í Flóahreppi í Árnes-
sýslu geta látið í ljós skoðanir sínar
um framtíðarstaðsetningu leik-
skólans Krakkaborgar í skoð-
annakönnun, sem fram fer sam-
hliða alþingiskosningum í dag.
Leikskólinn er í húsnæði gamla
skólahúsnæðisins á Þingborg en
spurt er um vilja til að halda starf-
seminni þar áfram eða færa hana í
húsnæði Flóaskóla í Villingaholti.
„Staðan er þannig að húsnæðið
er of lítið. Við höfum haft til skoð-
unar hvort við ættum að breyta nú-
verandi húsnæði, með tilheyrandi
kostnaði, eða flytja leikskólann í
Flóaskóla. Um tíu kílómetrar eru á
milli þessara tveggja staða. Þetta
yrði ráðgefandi skoðanakönnun fyr-
ir sveitarstjórnina,“ segir Að-
alsteinn Sveinsson, oddviti Flóa-
hrepps.
Þetta eru einu kosningar sam-
hliða alþingiskosningunum, sam-
kvæmt upplýsingum frá innanrík-
isráðuneytinu.
Kosið um Krakkakot í Flóanum
EIN KOSNING SAMHLIÐA ALÞINGISKOSNINGUM
Ríkisendurskoðun hvetur stjórnvöld
í nýrri skýrslu til að kanna mögu-
legan ávinning þess að flytja undir
sama þak nokkrar stofnanir sem
þjóna fólki með skerta færni.
„Nokkrar ríkisstofnanir sinna
rannsóknum, greiningu og margvís-
legri þjónustu við fólk sem hefur
skerta færni af einhverju tagi. Meðal
þeirra eru Greiningar- og ráðgjafar-
stöð ríkisins, Þjónustu- og þekking-
armiðstöð fyrir blinda, sjónskerta og
daufblinda einstaklinga, Heyrnar-
og talmeinastöð Íslands og Sam-
skiptamiðstöð heyrnarlausra og
heyrnarskertra,“ segir á heimasíðu
embættisins.
Í skýrslunni segir að margir fatl-
aðir þurfi á þjónustu fleiri en einnar
þessara stofnana að halda. Með því
að flytja þær allar undir sama þak
megi bæta aðgengi að þjónustu
þeirra og auka hagkvæmni í rekstri
þeirra en þær séu nú dreifðar um
höfuðborgarsvæðið, að því er kemur
fram í frétt á mbl.is.
Morgunblaðið/Golli
Undir eitt þak Ríkisendurskoðun telur hag í að setja ýmsar stofnanir fyrir
fatlaða á sama stað. Frá opnum degi Heyrnar- og talmeinastöðvar Íslands.
Þjónusta fyrir fatl-
aða undir sama þak
 Snýst um aðgengi og hagkvæmni