Morgunblaðið - 27.04.2013, Blaðsíða 31

31
MORGUNBLAÐIÐ LAUGARDAGUR 27. APRÍL 2013
Kveðja Fjölmenni mætti fyrir utan stjórnarráðið í gær og kvaddi Jóhönnu Sigurðardóttur for-
sætisráðherra með rósum og hlýjum þökkum, en hún stígur senn af sviði stjórnmálanna.
Golli
Næsta ríkisstjórn þarf að
nýta það einstaka tækifæri sem
felst í uppgjöri gömlu bankanna
og afnámi gjaldeyrishafta til að
rétta hlut skuldsettra heimila.
Sem betur fer hafa flestir fallist
á að þetta sé bæði framkvæm-
anlegt og nauðsynlegt. Nú snýst
umræðan um það hvort réttlæt-
anlegt sé að nota hluta þessa
svigrúms til að rétta hlut ís-
lenskra heimila, sem fram að
þessu hafa borið þungann af
efnahagshruninu, verðtryggt.
Sanngjarnt og eðlilegt
Þessar ráðstafanir eru nauðsynlegar og
eðlileg niðurstaða. Flestir þeirra sem lánuðu
bönkunum hafa þegar tekið á sig tapið. En
nú er verið að innheimta mikið af því sem
hafði verið afskrifað, m.a. í krafti neyðarlag-
anna og í skjóli gjaldeyrishafta. Það var því
alltaf ljóst að þeim ávinningi yrði að skipta
samhliða afnámi haftanna. Það er löngu
tímabært að koma til móts við það fólk sem
átti eigið fé í eignum sínum, þá sem höguðu
sér skynsamlega, þá sem hafa unnið baki
brotnu við að standa í skilum og skorið niður
í öllum öðrum útgjöldum.
Nú þegar kemur að því að gera upp
þrotabúin er hægt að bæta það tjón sem
leiddi af bankahruninu og aðdraganda þess,
rétt eins og eignir þrotabúanna voru notaðar
til að bæta tjón sem annars hefði orðið á
innistæðum og peningamarkaðssjóðum. Það
er sanngjarnt og rökrétt.
Fyrir hverja?
Það mun þurfa að meta hvert tilvik fyrir
sig en það verður að gerast eftir almennum
reglum. Í raun verður að nálgast þetta á
sama hátt og ef forsendubresturinn hefði
reynst ólögmætur. Réttlæti gagnvart þeim
sem skulda gagnast samfélaginu öllu, þar
með talið lífeyrissjóðunum og ríkinu. Ef
heimilin eru of skuldsett kemst hagkerfið
ekki í gang og á því tapa allir.
Þetta leysir ekki vanda allra. Margir
munu þurfa sértæk úrræði, bæta þarf stöðu
leigjenda og fjölmargir sem hafa mátt þola
óeðlilegar skerðingar, t.d. eldri borgarar og
öryrkjar, þurfa að fá bót sinna
mála. Almennar aðgerðir til að
leysa skuldavandann munu
gera samfélagið betur í stakk
búið til að skapa verðmætin
sem við þurfum á að halda til
að standa undir velferð fyrir
alla.
Afnám verðtryggingar
Samhliða þessum aðgerðum
þarf að koma á heilbrigðara
fjármálakerfi þar sem lögmál
markaðarins um framboð og
eftirspurn fara að virka neyt-
endum í hag. Verðtryggð lán fela raunveru-
legan kostnað með því að fresta vaxta-
greiðslum. Verðtryggingin tekur líka úr
sambandi helsta vopn stjórnvalda í barátt-
unni við verðbólgu, stýrivexti Seðlabankans.
Afnám verðtryggingar af neytendalánum
snýst um að koma á heilbrigðara fjár-
málakerfi og styrkja stöðu neytenda. Auk
þess þarf að styrkja samningsstöðu neyt-
enda og verja þá fyrir vaxtahækkunum með
innleiðingu lyklalaga.
Þetta er einfalt
Ef stjórnvöld taka rökréttar ákvarðanir,
skapa stöðugleika, jákvæða hvata í stað nei-
kvæðra hvata og fjárlög eru unnin með hlið-
sjón af heildarákvörðunum og lang-
tímaáhrifum, munu Íslendingar fljótt upplifa
mikla breytingu til batnaðar. Ísland býr yfir
nægum auðlindum, framleiðslugetu og þekk-
ingu til að allir geti notið velferðar. Til þess
þarf bara skynsemi við stjórn landsins.
Eftir Sigmund Davíð
Gunnlaugsson
» Það er löngu tímabært
að koma til móts við það
fólk sem átti eigið fé í eign-
um sínum, þá sem höguðu
sér skynsamlega, þá sem
hafa unnið baki brotnu við
að standa í skilum og skorið
niður í öllum öðrum út-
gjöldum.
Sigmundur Davíð
Gunnlaugsson
Höfundur er formaður Framsóknarflokksins.
Þetta er leiðin
Vinnumarkaðsrannsóknir
Hagstofu Íslands leiða í ljós að
þrátt fyrir að skráð atvinnu-
leysi í landinu hafi að sönnu
minnkað nokkuð á und-
anförnum misserum stafar það
ekki nema að litlu leyti af
fjölgun starfa. Fólki, sem telst
utan vinnumarkaðar af ýmsum
ástæðum, fjölgar enn, fjöldi
fólks sem lengi hefur verið á
atvinnuleysisbótum hefur fallið
út úr kerfinu og þurft að leita
á náðir félagsþjónustu sveitarfélaga. Enn
leitar fólk atvinnu og betri kjara í öðrum
löndum og íslenskir námsmenn erlendis
fresta heimkomu sinni þar sem tækifærin
hér skortir.
Nýútgefin greinargerð Hagstofunnar um
stöðu vinnumarkaðar í mars gefur vissulega
til kynna að störfum hafi fjölgað nokkuð
milli ára. Fjöldi fólks á bilinu 16 til 74 ára,
sem er viðmiðunaraldurinn í þessum rann-
sóknum, hefur hins vegar aukist líka þannig
að hlutfall starfandi einstaklinga af heild-
arfjöldanum hefur aukist mun minna en
höfðatölufjöldi starfandi einstaklinga. Aukn-
ingin er þar að auki svo lítil að hún er langt
innan skekkjumarka.
Af þessu hljótum við að draga þá ályktun
að ef við ætlum að ná raunverulegum ár-
angri við að ná niður atvinnuleysinu, skapa
störf fyrir þá sem árlega koma nýir inn á
vinnumarkaðinn og auka möguleika Íslend-
inga erlendis á að snúa aftur heim þurfi
grundvallarbreytingu á stjórnarstefnunni.
Þær áherslur og stefnumörkun, sem ráðið
hefur ríkjum hjá núverandi ríkisstjórn og
meiri hluta þingmanna, dugar engan veginn
til að endurheimta þá góðu
stöðu á vinnumarkaði sem Ís-
lendingar hafa löngum getað
státað af.
Sjálfstæðisflokkurinn leggur
á það þunga áherslu að búa
verði atvinnulífinu þau skilyrði
að það nái að vaxa og dafna.
Aukinn kraftur í hagkerfinu er
forsenda árangurs. Fjölgun
starfa hjá hinu opinbera er ekki
lausnin og þótt einstakar op-
inberar framkvæmdir geti
hjálpað til tímabundið er þar
ekki að finna varanlegan
grundvöll hagvaxtar í landinu. Íslensk fyr-
irtæki, stór og smá, verða að fá svigrúm til
að blómstra. Hvetja verður til aukinnar fjár-
festingar, útflutnings og verðmætasköp-
unar. Annað er ávísun á stöðnun.
Nú þegar við göngum til kosninga þurfum
við að spyrja hvernig við viljum sjá þessi
mikilvægu mál þróast á næstu fjórum árum.
Sættum við okkur við óbreytt ástand eða
viljum við umskipti? Hvað atvinnumálin
varðar er lykilspurningin sú hvort við viljum
ná niður atvinnuleysi með raunverulegri
fjölgun starfa eða hvort við treystum bara á
að ástandið lagist af sjálfu sér.
Eftir Birgi
Ármannsson
» Spurningin er sú hvort við
viljum ná niður atvinnu-
leysi með raunverulegri fjölg-
un starfa eða hvort við treyst-
um á að ástandið lagist af
sjálfu sér.
Birgir
Ármannsson
Höfundur er þingmaður
Sjálfstæðisflokksins í Reykjavík.
Fjölgun starfa er
forgangsmál
Í dag er kosið um framtíðina. Í
dag höfum við tækifæri til að kjósa
lægri skatta, betri lífskjör og aukin
lífsgæði. Það ræðst í dag hvert við
stefnum sem þjóð og hvernig við
komum þeim til bjargar sem höll-
um fæti standa. Í dag hafa Íslend-
ingar tækifæri til að skapa fólki ný
tækifæri og nýja möguleika. Þess
vegna er mikilvægt að kjósendur
nýti kosningarétt sinn, hinn mik-
ilvæga rétt sinn til að hafa áhrif á
stjórn landsins og stefnu.
Á þessu kjörtímabili hefur orðið
æ ljósara að lykilorðin í rekstri þjóðfélagsins eiga
að vera raunsæi, frelsi og stöðugleiki. Þessi lyk-
ilgildi eru samofin og án þeirra verður ekki
ágengt í þeirri sókn sem þjóðinni er lífs-
nauðsynleg. Saman höfum við í dag tækifæri til
að tryggja Íslendingum betri lífskjör.
Raunhæfar aðgerðir
Grundvallarmarkmið stefnu Sjálfstæðis-
flokksins í þessum kosningum er að auka ráðstöf-
unartekjur heimilanna og bæta lífskjör fólks. Í
því felst jafnframt að við verðum að tryggja
fyrsta flokks heilbrigðisþjónustu í landinu, að
hlúð sé að öldruðum og öryrkjum og að menntun
verði samkeppnishæf við það sem best gerist.
Jafnframt verður næsta ríkisstjórn að leysa
vanda heimilanna.
Sjálfstæðisflokkurinn hefur lagt fram raun-
hæfar tillögur um það hvernig hægt sé að lækka
skuldir heimilanna strax, umbylta húsnæðislána-
markaðnum og gera ungu fólki auðveldara að
eignast fyrstu fasteignina. Fái Sjálfstæðis-
flokkurinn til þess fylgi mun áhrifa
þessara aðgerða gæta fljótt og
heimilin og íbúar landsins finna að
það verður auðveldara að ná endum
saman.
Lægri skattar eru hagsmunamál
allra. Við munum beita okkur fyrir
því að þeir verði í samræmi við ís-
lenskan veruleika. Með því gerum
við heimilunum kleift að ná endum
saman og löðum fram fjárfestingu í
atvinnulífinu. Samhliða þessu þarf
að koma hér á stöðugleika, stöðva
hallarekstur ríkisins og tryggja
vöxt til framtíðar.
Tækifæri til að breyta
Í dag erum við bjartsýn. Nú höfum við tæki-
færi til að snúa blaðinu við. Í dag munum við
velja nýja ríkisstjórn sem hefur bjarta framtíð-
arsýn, ríkisstjórn sem mun stuðla að því að þjóð-
in haldi áfram á þeirri framfarabraut sem fyrri
kynslóðir hafa rutt. Ríkisstjórn sem mun finna
kröftum þjóðarinnar farveg og búa í haginn fyrir
afkomendur okkar.
Það er framtíðarsýn Sjálfstæðisflokksins.
Hafðu áhrif á framtíðina
Eftir Bjarna Benediktsson
Bjarni
Benediktsson
» Fái Sjálfstæðisflokkurinn til
þess fylgi mun áhrifa þess-
ara aðgerða gæta fljótt og
heimilin og íbúar landsins finna
að það verður auðveldara að ná
endum saman.
Höfundur er formaður Sjálfstæðisflokksins.