Morgunblaðið - Sunnudagur - 05.05.2013, Qupperneq 23

5.5. 2013 MORGUNBLAÐIÐ SUNNUDAGUR 23
reynslu. En hvers vegna setur
hann markið svo hátt nú?
„Það hafa bara rúmlega tuttugu
manns klifið öll þessi fjöll frá því
Reinhold Messner gerði það fyrst-
ur á níunda áratugnum en það hef-
ur tekið þá fimm til fjórtán ár.
Mig hefur lengi dreymt um að
gera þetta á einu og sama árinu,“
segir Cienski.
Allt sem vantaði var hvatning og
hún kom úr óvæntri átt. „Árið
2010 heimsóttum við hjónin Ník-
aragúa. Það hafði djúpstæð áhrif á
okkur. Við hittum meðal annars
blásnautt fólk sem býr í orðsins
fyllstu merkingu á öskuhaugunum.
Þar urðum við vitni að skelfilegum
hlut – mansali. Börn gengu kaup-
um og sölum. Það var skelfilegt
upp á að horfa en veruleiki sem
fólk býr við þar um slóðir. Mansal
er stærsti atvinnuvegurinn í undir-
heimunum á eftir fíkniefnum en
samt er lítið sem ekkert um það
talað, vandamálinu er bara sópað
undir teppi. Þessu verður að
breyta.“
Þar með var Cienski kominn
með markmið: Að ganga á fjórtán
hæstu tinda heims til að vekja at-
hygli á mansali.
Safnaði sex milljónun dala
Verkefnið fór snemma á flug og nú
hefur Cienski tekist að safna tæp-
lega sex milljónum Bandaríkjadala.
„Ég held ég geti leyft mér að full-
yrða að þetta sé stærsta fjall-
gönguverkefni sem ráðist hefur
verið í,“ segir Cienski en fjár-
magnið kemur frá fjölmörgum fyr-
irtækjum vestra.
Það gerir honum kleift að hafa
einvalalið aðstoðarmanna með sér í
verkefnið, vísindamenn, burð-
armenn og fjallagarpa. Bandaríkja-
her hefur meðal annarra komið að
skipulagningu. Cienski mun því
klífa við allra bestu skilyrði, þyrla
mun meira að segja skutla honum
milli búða.
Markmið í markmiðinu verður
að slá hraðamet á Everest-fjalli en
það stendur í átta klukkustundum
og 49 mínútum. Til samanburðar
má geta þess að flestir gefa sér
þrjá mánuði til að ná þeim eft-
irsótta tindi.
Um leið og hann klífur freistar
Cienski þess að safna fjármunum
til að berjast gegn mansali. Þar
sem verkefnið hefur þegar verið
fjármagnað renna áheitin óskipt í
þann sjóð. Hann hvetur alla sem
eru aflögufærir, einstaklinga og
stofnanir, til að leggja málstaðnum
lið. „Margt smátt gerir eitt stórt.
Ég er ekki að þessu fyrir mig,
heldur til að vekja athygli á góðum
málstað, baráttunni gegn mansali.“
Hægt er að nálgast frekari upp-
lýsingar um aðkomu á heimasíðu
verkefnisins, mission14.org.
Ekki áhættulaust
Cienski hvetur áhugasama einnig
til að fylgjast með ævintýrinu á
snjáldrusíðu þeirra hjóna en eig-
inkona hans mun blogga grimmt
meðan á verkefninu stendur. Hún
mun fylgja honum að rótum hvers
fjalls um sig og bíða átekta meðan
hann klífur.
Það er ekki áhættulaust að
ganga á eitt fjall, hvað þá fjórtán á
einu og sama árinu. Cienski veit
allt um það. „Ég geri mér fulla
grein fyrir því að ég er að stofna
mér í hættu. Ég er hins vegar
vanur fjallamaður og hef undirbúið
mig eins vel og kostur er, bæði
andlega og líkamlega. Ég er líka
þrjóskari en andskotinn, eins og
ég á kyn til, þannig að það er eng-
inn vafi í mínum huga: Ég get
þetta!“
Nú tekur frúin, Sandy, við sér
en hún hefur staðið álengdar og
tekið samtal okkar bónda síns upp
á myndband. „Heyr, heyr, ég get
staðfest það. Hann er þrjóskari en
allt þrjóskt. Ég er löngu búin að
sætta mig við það.“
Hún hlær.
Sandy kveðst gera sér grein fyr-
ir því að verkefnið sé hættulegt en
hefur fulla trú á sínum manni. „Ég
hef trú á Nick og ég hef trú á
málstaðnum. Hann er göfugur. Ég
er sannfærð um að hann mun
ljúka þessu verkefni með sóma,
með hjálp Guðs og góðra manna.“
Hægt er að styrkja verkefnið með því
að kaupa ýmsan varning.
Cienski með skóna sem hann mun
nota. Þeir skipta mjög miklu máli.
Nick Cienski sýnir hér útivistarfatnað sem hann prófaði með góðum árangri á
Vatnajökli í vikunni. Hann hannar flíkurnar sjálfur eftir kúnstarinnar reglum.
Morgunblaðið/Rósa Braga
1 Shishapangma (8.013 m)
2 Gasherbrum I (8.080 m)
3 Broad Peak (8.047 m)
4 Gasherbrum II (8.035 m)
5 Annapurna (8.091 m)
6 Nanga Parbat (8.126 m)
7 Manaslu (8.156 m)
8 Dhaulagiri (8.167 m)
9 Cho Oyu (8.201 m)
10 Makalu (8.481 m)
11 Lhotse (8.516 m)
12 Kanchenjunga (8.586 m)
13 K2 (8.611 m)
14 Mt. Everest (8.848 m)
9.000 m
8.500 m
8.000 m
7.500 m
7.000 m
1 2 3 4 5 6 7 8 9 10 11 12 13 14
655.182.268Áætlaðurkostnaður (kr.) 113,4Tonn afbúnaði 49.100Metrar íhækkun
3.780Burðar-menn 365Dagar 14 Tindar 3Lönd
7 12
9 10 11 14
5 8
2 3 4 13
Nepal
Indland
(Tíbet)
Kína
Pakistan
Afganistan
Kasakstan
Mongól.
Kirgist.
6
1
Úsb.
Túrkm.
Íran