Morgunblaðið - Sunnudagur - 26.05.2013, Qupperneq 4

4 MORGUNBLAÐIÐ SUNNUDAGUR 26.5. 2013
Ábyrg hagstjórn
„Mér þætti að vísu
brýnt að ríkis-
stjórnin hætti við
eitt og annað sem
hún hefur á
stefnuskránni, eins
og að slíta við-
ræðum við Evr-
ópusambandið,“ segir Atli Ingólfs-
son tónskáld. „Ef við lítum á
framkvæmdir flýgur mér í fljótu
bragði tvennt í hug: Annars vegar
hversu brýnt það er að sérhver ný
ríkisstjórn sendi skýr skilaboð um
ábyrga hagstjórn til umheimsins,
og þetta er ekki ótengt því fyrsta
sem ég nefndi. Það styrkir samn-
ingsstöðu okkar og þennan gjald-
miðil sem stendur víst til að nota
enn um sinn. Hins vegar þarf að
snúa sér að málefnum ferðaiðn-
aðarins af þeim krafti sem sæmir
undirstöðuatvinnugrein. Það má
ekki bíða, annars verður það að
böli sem ætti að vera blessun.“
Afnám gjaldeyrishafta
„Ég vil byrja á að
óska nýrri ríkis-
stjórn velfarnaðar
og vona innilega
að hún nái að
standa undir þeim
miklu væntingum
sem til hennar eru
gerðar,“ segir Birna Einarsdóttir,
bankastjóri Íslandsbanka.
„Ég tel ástæðu til að nefna
tvennt þegar horft er til brýnustu
verkefna. Í fyrsta lagi tel ég mik-
ilvægt að sá sáttatónn sem sleginn
er í stjórnarsáttmálanum endur-
hljómi í samskiptum stjórnvalda
við atvinnulífið. Það er mjög brýnt
að tryggja fyrirtækjum stöðugt
rekstrarumhverfi og gott umhverfi
til fjárfestinga, til hagsbóta fyrir
íslenskt efnahagslíf og heimilin í
landinu. Í öðru lagi þarf ný rík-
isstjórn að tryggja víðtækt sam-
starf við alla hagsmunaaðila varð-
andi afnám gjaldeyrishafta. Ég tel
mikilvægt að sumarþing leggi af-
gerandi línur og taki þegar til við
að hrinda í framkvæmd þeirri
stefnu sem kynnt hefur verið.“
Gróska smærri fyrirtækja
Það eru lítil og meðalstór fyrirtæki
sem bera uppi hagvöxt, fjölgun
starfa og verðmætasköpun í land-
inu,“ segir Gunnlaugur Karlsson,
framkvæmdastjóri Sölufélags garð-
yrkjumanna.
„Ég vek athygli á að velgengni
Þjóðverja er fyrst og fremst
árangri á þessu sviði að þakka. Ís-
lendingum hættir
til að horfa á
stærri pakkalausn-
ir og gleyma að
hlúa að hinu. Hvað
varðar garð-
yrkjuna hefur
gleymst eftir 30
ára viðskipta-
samband að haga
raforkusamningum þannig að hag-
ur garðyrkjunnar sé hafður í huga
og hvernig greiða megi götu henn-
ar. Sá fundur var aldrei haldinn.“
Frelsi og ábyrgð
„Mér finnst mikilvægast að nýta
bjartsýnina og væntingarnar til
ríkisstjórnarinnar og auka athafna-
frelsi og umsvif í
þjóðfélaginu, nýta
tækifærin og hefja
til vegs á ný frelsi
með ábyrgð,“ seg-
ir séra Hjálmar
Jónsson.
„Við stjórnar-
taumunum hefur
nú tekið hópur af vel menntuðu
hæfileikafólki, sem hefur lýst
markmiðum sínum. Efnahagsmálin
verða fyrirferðarmikil, hagur heim-
ilanna og fólksins í landinu. Um
leið skulum við vænta þess að ann-
að fylgi, að okkur líði betur í þessu
landi og að við lifum við meiri sátt
og frið hvert við annað. Vonandi
ganga stjórnmálamenn á undan við
að bæta samskiptin og mannlífið í
landinu.“
Kynslóðaskipti
„Helstu verkefni ríkisstjórnarinnar
hljóta að vera að skapa hér hvetj-
andi og bjartsýnt umhverfi þannig
að hjól atvinnulífsins fari að snúast
í gang á nýjan leik,“ segir Magnús
Geir Þórðarson, leikhússtjóri Borg-
arleikhússins.
„Það þarf að vera eftirsóknar-
vert að búa, starfa
og skapa á Ís-
landi. Aðeins
þannig batna lífs-
kjör í landinu. Ég
trúi því að gæfu-
rík framtíð okkar
byggist á því að
við leggjum
áherslu á að efla
hér menntun, menningu og hinar
öflugu skapandi greinar. Mér sýn-
ist að það séu orðin kynslóðaskipti
í pólitíkinni og að með nýrri kyn-
slóð sé runninn upp tími opnari og
málefnalegri umræðu en verið hef-
ur undanfarin ár. Ég vona sannar-
lega að ný ríkisstjórn fari á undan
með góðu fordæmi og kappkosti að
eiga uppbyggilegt samstarf við alla
á þingi og sem víðast í samfélag-
inu.“
Sálfræði mikilvæg
„Mikilvægasta við-
fangsefni nýrrar
ríkisstjórnar er á
sviði sálfræði,“
segir Orri Hauks-
son, framkvæmda-
stjóri Samtaka
iðnaðarins. „Efna-
hagsmál eru ekki
bara tölur á blaði, heldur eru nið-
urstaða af ákvörðunum fólks af
holdi og blóði, sem sinnir allra
handa verkefnum úti um allt land.
Ef ríkisstjórnin hefði þann jákvæða
áhrifamátt að fólk fylltist kjarki og
fyndi fyrirsjáanleika í umhverfi
sínu, þá ykjust umsvif sjálfkrafa og
uppbygging hæfist. Innistæða þarf
auðvitað að vera fyrir slíku trausti.
Trúin á framtíðinni þarf að byggj-
ast á raunveruleika, en ekki villu-
ljósi, ella förum við bara annan
kollhnís.“
Samtakamáttur
„Ný kynslóð hefur tekið við forystu
í stjórnmálaflokk-
unum og áberandi
er í orðræðu nýrra
ráðherra hversu
mjög þeir leggja
áherslu á sam-
vinnu, samheldni
og samtakamátt,
enda sérstaklega
tekið fram í stefnuyfirlýsingu rík-
isstjórnarinnar,“ segir Ragna
Árnadóttir, aðstoðarforstjóri
Landsvirkjunar. „Við þá nálgun
bind ég miklar vonir – við þurfum
að beina athygli að því sem sam-
einar okkur, þannig næst betri
árangur um þau lykilmarkmið sem
nauðsynleg eru til framfara.“
Vanda vinnubrögðin
„Mér finnst brýn-
ast að við lærum
af reynslunni og
vöndum betur
vinnubrögðin,“
segir Salvör Nor-
dal.
„Mér eru utan-
ríkismálin talsvert
ofarlega í huga og tel brýnt að
ríkisstjórnin greini þau til hlítar,
móti stefnu til framtíðar og horfi
á hlutina í stærra samhengi.
Hvaða skoðun sem við höfum á
Evrópumálum komumst við ekki
hjá mikilvægum ákvörðunum um
þau á næstu misserum og þær
verður að taka á upplýstan hátt.
Þá þykir mér mjög miður að
ekki náðist samstaða á síðasta
þingi um hvernig ætti að halda
stjórnarskrárvinnunni áfram á
þessu kjörtímabili. Eins og oft vill
verða lenti málið í mikilli tíma-
þröng á síðustu dögum þingsins
og ekki reyndist vilji til að skipta
því verkefni niður í áfanga. Ég
vona að það náist samstaða um að
halda vinnunni áfram á nýju
þingi.“
Þjónusta í nærsamfélaginu
„Stærsta málið er
skuldamál þjóð-
arinnar, ekki bara
heimilanna,“ segir
Sigríður Dóra
Sverrisdóttir
stuðningsfulltrúi á
leikskóla. „Við
kjósum stjórn-
málamenn til að
finna lausnir í samstarfi við okkar
færustu sérfræðinga. Það er brýnt
að losna út úr skuldafarganinu til
að geta farið að byggja upp hér
innanlands. Síðan vil ég láta kort-
leggja alla möguleika í uppbygg-
ingu atvinnulífsins og bjóða fólki
upp á að fjárfesta með skattaíviln-
unum í sprotafyrirtækjum. Það
þarf að styðja við bakið á öllu
þessu frábæra fólki sem við eigum
og stórefla nýsköpun. Svo er ég á
móti því að byggja nýjan Landspít-
ala, því ég óttast að það komi enn
frekar niður á þjónustunni vítt og
breitt um landið. Við eigum að
þjónusta fólk í nærsamfélaginu. Ég
vil ekki þurfa að fara til Reykjavík-
ur ef ég verð veik. Ég vil geta farið
til Akureyrar. Að síðustu: Passa
menninguna. Hún er eina atvinnu-
greinin sem ekki hefur hrunið síð-
ustu fimm ár.“
Veðrið
Sigrún Haralds-
dóttir kastar fram:
Ætli stjórnin gott
að gera,
greitt þá taki af
skarið,
í bili mun hér brýn-
ast vera
að bæta veðurfarið.
Efling löggæslu
„Mér líst mjög vel
á þennan góða hóp
og ekki síst þann
jákvæða og upp-
byggilega anda
sem frá honum
stafar,“ segir Stef-
án Eiríksson, lög-
reglustjóri höfuð-
borgarsvæðisins. „Á mínu sviði eru
áform ríkisstjórnarinnar skyn-
samleg og góð ef það er skoðað
sem birtist í stjórnarsáttmálanum.
Það er eitt af forgangsverkefnum
næstu ára að efla löggæslu á öllum
sviðum. Þar er brýnast að fjölga
lögreglumönnum við almenna lög-
gæslu, efla forvarnastarf lögregl-
unnar, hverfa- og grenndar-
löggæslu og umferðarlöggæslu. Þá
er ekki síður mikilvægt að styrkja
og efla rannsóknir lögreglu og er
ég þá sérstaklega með í huga að-
gerðir og rannsóknir gegn kyn-
bundnu ofbeldi í öllum myndum og
aðgerðir gegn skipulagðri brota-
starfsemi. Á þessum sviðum hefur
okkur farið fram á undanförnum
árum og mikilvægt er að okkur
gefist tækifæri til að þróast og efl-
ast enn frekar á þeim sviðum.“
Morgunblaðið/Golli
Hvert er brýnasta verkefni
ríkisstjórnarinnar?
FÓLK ÚR ÓLÍKUM ÁTTUM
VAR FENGIÐ TIL AÐ NEFNA
BRÝNUSTU ÚRLAUSN-
AREFNI NÝRRAR
RÍKISSTJÓRNAR
Atli Ingólfsson
Birna Einarsdóttir
Gunnlaugur
Karlsson
Hjálmar Jónsson
Ragna Árnadóttir
Salvör Nordal
Sigrún
Haraldsdóttir
Stefán Eiríksson
Magnús Geir
Þórðarson
Sigríður Dóra
Sverrisdóttir
Ný ríkisstjórn tók
við á Bessastöðum í
vikunni. Verkefnin
eru mörg sem bíða.
Orri Hauksson
* Ráð mín þörf ég þaulæfð veitiá því skal ekki standa,ég vona að hjá mér liðs þeir leitilendi þeir í vanda
Skilaboð til Bjarna og Sigmundar Davíðs
frá kerlingunni á Skólavörðuholtinu.
Þjóðmál
PÉTUR BLÖNDAL
pebl@mbl.is
Ekki er beysið ástandið
eftir vinstri spýju.
Ég bind því miklar vonir við
viðreisnina nýju.
Friðrik Steingrímsson