Morgunblaðið - Sunnudagur - 26.05.2013, Page 23

Léttari sósur
Sósur geta bætt
mikilli óhollustu
við máltíðina, það
er of mikilli fitu,
aukaefnum og jafn-
vel sykri. Í stað
majónessósu eða
tilbúinnar sósu er
tilvalið að nota
hreint jógúrt/ab-
mjólk, sýrðan
rjóma, grískt jógúrt
og/eða kotasælu í
grunninn og bragðbæta með graslauk,
rauðlauk, agúrku, Dijon-sinnepi, pipar, safa
úr sítrónu eða lime og kryddjurtum, s.s
basil eða myntu. Það tekur enga stund að
útbúa slíka sósu og þú veist hvað þú setur
ofan í þig.
Hér er uppskrift að einni góðri sem
passar með fiski, kjöti og grænmeti:
½ dós grískt jógúrt, hræra vel upp
Létt ab-mjólk, þangað til grunnurinn
er hæfilega þunnur. Hrærið vel sam-
an.
Safi úr hálfri sítrónu/lime
Pipar eftir smekk
2-3 tsk. af Dijon-sinnepi, fer eftir
smekk
Grænt te
Léttvíns- og bjórdrykkja getur leitt til
bjúgs, en bjúgur getur einnig myndast
vegna mikillar sykur- og skyndibitaneyslu.
Ef buxnastrengurinn eða hringarnir eru
farnir að þrengjast getur grænt te gert
gæfumuninn og hjálpað til við vatnslosun.
Hugmyndir um nesti og uppskriftir fyrir
ferðalög er meðal annars að finna hér:
http://mynewroots.org/site/2013/03/
recipes-and-tips-for-healthy-travel-2/
http://www.seriouseats.com/talk/2008/07/
snack-ideas-for-people-who-travel.html
Morgunblaðið/Ásdís
26.5. 2013 MORGUNBLAÐIÐ SUNNUDAGUR 23
Rhythmic breathing (Taktföst öndun) er ný
tækni sem á að hjálpa hlaupurum við að
hlaupa hraðar og forðast meiðsli. Þessi að-
ferð er kynnt í bókinni Running on Air eftir
maraþonhlauparann og framkvæmdastjóra
tímaritsins Runner’s World, Budd Coates,
en tæknina hefur hann byggt á eigin reynslu
sem maraþonhlaupari. Þessi tækni byggist á
ákveðnum öndunarstíl sem samhæfir öndun
við fótavinnuna, þannig að útöndunin eigi sér
ekki aðeins stað þegar stigið er niður í annan
fótinn, heldur þegar stigið er bæði niður í
hægri og vinstri fót með reglulegu millibili.
Coates segir að margir lendi alltaf á sama
fætinum við útöndun, sem getur leitt til
meiðsla öðrum megin í líkamanum. Hann tel-
ur að með því að anda út þegar stigið er nið-
ur sitt í hvorn fótinn sé hægt að rétta af
ójafnvægi og eyða meiri tíma í að anda að sér,
sem heldur bolnum stöðugri og getur dregið
úr álagsmeiðslum. Grundvallaratriði til að ná
þessari tækni að mati Coates er að anda ofan
í maga þegar maður hleypur. Slík öndun eyk-
ur hraðann og heldur honum jöfnum í
löngum hlaupum. Hann segir að með því að
anda ofan í maga fyllist lungun betur af lofti
sem færir vöðvunum meira súrefni. Coates
segir að Rhythmic breathing-tæknin dragi úr
líkum á að maður fari of hratt af stað í upp-
hafi hlaups, en með þessari réttu öndun fari
maður hægt og rólega upp í sinn hraða og
öndunin verði í takt við skrefin. Þannig upp-
lifir maður ekki þreytu eða köfnunartilfinn-
ingu í upphafi hlaups. Hann segir marga eiga
það til að hlaupa of hratt af stað í upphafi
vegna spennu og eftirvæntingar. Nánari upp-
lýsingar um þessa öndunartækni Coates er
að finna á: http://www.runnersworld.com/
running-tips/running-air-breathing-
technique.
TAKTFÖST ÖNDUN FYRIR HLAUPARA
Andaðu léttar þegar þú hleypur!
Morgunblaðið/Ernir
Á ted.com má finna 1.500 ókeypis fyrirlestra um
allt milli himins og jarðar – þar á meðal áhuga-
verða fyrirlestra um heilsutengd málefni. Í nýleg-
um fyrirlestri Nilofer Merchant tekur hún fyrir
vandamálin sem stafa af óhóflegri kyrrsetu.
Nefnir Merchant að „21. aldar-maðurinn“ verji
meiri tíma sitjandi heldur en sofandi, eða 9,3
klst. á sólarhring. Bregði fólk ekki út af því eykur
það líkurnar á að fá ristil- og brjóstakrabbamein
um 10%. Á þeim grundvelli kallar hún kyrr-
setuvandann „reykingavanda samtímans“ og set-
ur fram einfalda lausn við vandanum: að ganga
meira yfir vinnudaginn, t.d. á milli funda.
Það gengur ekki að mannfólk sitji á óæðri
endanum daginn út og daginn inn.
Morgunblaðið/Kristinn
Er kyrrseta reyk-
ingar okkar tíma?